Dépèche du 30 novembre

ment entretenu les Espaignolz en craincte, que leurs dessaingz ont esté entièrement renversés, et me conjouis avec le Grand Seigneur de ce qu'ils ont eu si peu d'effect. J'ay esté sollicité autant vivement qu'il se peut dire d'entrer en cete ligue1, ainsy que je vous ay escript, mais d'autant que au besoing Pamy se faict cognoistre et que les affaires dudict Grand Seigneur estoient en nécessité, je me suis non-seulement bandé et résollu n'y entandre, mais ay vouleu (comme j'ay faict) le favoriser en ce qui m'a esté possible. Les troubles qui ont eu cours si longtemps en mon royaulme, y avoient réduit toutes choses en tel estât que il ne m'a esté permis faire autre plus ouverte démonstration envers les Espaignolz. Ce que j'ay peu a es'té les entretenir de jalousie, faire naistre la guerre en aucuns pays, favoriser leurs rebelles, et leur donner occasion de croire que j'en voulois profiter, affin de les tenir en soupceon et deffiance de mon cousté, comme il est advenu, et sia propos qu'ilz ont esté contrainctz désunir leurs forces (qui n'estoient pas petites) de l'armée de la ligue, les faire approcher des costes de deçà, perdre le temps et ne faire aucunes entreprinses, pour s'asseurer et fortiffier contre moy et mes dessaingz. Je les ay le plus longuement que j'ay peu nourris de cete fantasie pour tousjours gagner sur la saison, et les y tiendrois encore, si je n'eusse esté contrainct, comme je vous ay mandé, pour asseurer ma personne et mes Estats, de chastier aucuns de mes subgectz, lesquelz avoient conspiré contre moy; les ayant par cete démonstration mis hors de crainte de mon cousté, et toutesfois si tard, combien qu'ilz ayent depuis rejoinct leurs forces avec l'armée de la ligue, qu'ilz n'ont peu faire aucune entreprinse, s'eslant seulement présantés au combat, puis à cause du mauvais temps contrainctz se retirer et séparer. Chose que je vous prie, Monsieur de Dacqs, faire sonner par dellà affin de les asseurer tousjours davantage de mon amitié, leur faire cognoistre ce que je fais pour eulx, et favoriser mon intention sellon que je désire estre dudict Grand Seigneur en une occasion qui se présante aujourduy, laquelle j'ay fort à cueur, c'est en la poursuite que je fais de la couronne du royaume de Poloigne