DOCUMENT INÉDIT

8 janvier 1610. — Henri IV à Briilart de Berny. (Entièrement chiffrée,)

M. de Berny. J'estois attendant avec impatience que l'ambassadeur des archiducz me vint faire scavoir de leur part ce qu'ilz auroient traictté et profité avec mon nepveu le prince de Condé, sur ce que vous scavez que j'avois trouvé bon leur entremise, ne voulant mespriser aucun moyen de le rendre capable de recevoir les effects de ma bonté, quand led* ambassadeur m'a fait demander audiance, que je luy ay donnée ce matin, en laquelle il m'a fait entendre que ses Maîtres estoient desplaisantz d'avoir si peu gagné jusques à présent avec led. prince et n'avoir trouvé en lui la disposition telle qu'ils avoient espéré pour mon contentement; que au lieu de prester l'oreille à leurs conseilz et remonstrances, il avoit rempli les leurs de diverses plaintes et des causes et raisons dont il les a accompagnées pour justiffiersa sortie hors du royaume. Il m'a proposé, comme de luy mesme, si j'aurois aggréable d'engager

3S0 HENRI IV ET LA PRINCESSE DE COiNDÉ.

ma parole auxd. archiducz qu'il peust revenir et demeurer en France avec seureté sans estre obligé de venir en ma cour et me suivre où je voudrois, ainsy que ceulx de sa qualité sont tenuz de faire. Finalement il a désiré que j'envoye quelqu'un vers sesd. Maistres, qui leur porte de bouche mes dernières intantions et par mesme moyen fasce scavoir quelque chose d'icelle aud. prince.

Je luy ay respondu au premier poinct que j'estois marry qu'il continuast et rendurcit davantage en sa désobéissance et se rendoit si peu digne de la peine que prenoient lesd. archiducz pour le ramener en son debvoir. Que je ne désirois plus estre entretenu de longueurs et remises qui pouvoient plus tost empirer que amender l'affaire dont il est question, ains d'estre esclarcy au vray de ce que j'en dois attendre, soit qu'il prenne conseil de me revenir trouver en la forme que je vous ay cy devant escripte, ou de passer oultre et persister en son obstination, aflin que, de m^n costé, je puisse plus commodément me résoudre à ce que je cognoistroy en estre plus utile et honorable. — Quant au second, je luy ay deipandé, par forme d*adviz, si il me conseilleroit d'y entendre. Il m'a advoué que c'estoit chose peu convenable à ma réputation et au bien de mes affaires; bien luy ay-je dict que j'approuvais que seul il se rendit près de moy sans aultre

HErïRI IV ET LA PRIIKCESSE DE CO?îDÉ. 351

condition que celle que me dicteroit ma seule volonté, sans qu'il fust contraint d'amener avec luy sa femme, que j*estois content qu'il laisat cependant ung an ou plus à Bruxelles ou à Breda, pour montrer qu'il avoit malicieusement controuvé et publié que je desirois seulement le retour d'icelle et vouloit par la soustenir et fortifier cette sienne esquippée, et couvrir et excuser envers un chascun sa mauvaise conduitte en ceste occasion. Mesme que j'estoîs encore délibéré d'oublier non seulement la faulte qu'il a commise par sa sortie hors de mon royaume, mais aussy celle dont il l'a comblée depuis, tant par les diverz langages qu'il a tenuz, que par ce qu'il a faict et escript aux princes estrangers et ailleurs pour justiffier son procédé, tant j'estois prêt et disposé de le recevoir en ma bonne grâce, non moins que désireux d'éviter d'estre contraint de prendre autre résolution* Au reste que je trou vois bon de depescher quelqu'un, comme il m'avoit proposé, aux archiducz, qui seroit porteur de ceste déclaration nouvelle de ma bonne volonté, et me rapporteroit leurs intentions et l'ordre qu'ilz auront donné pour l'effect d'icelle, lequel seroit en mesme temps suivy d'un autre envoyé de la part de Mon Cousin le Connestable pour les prier et requérir en son nom, celuy de M"** d'Angoulesme et des autres parents de lad. princesse, ensuitte de la charge jà donnée par eulx au

S' de Boutte ville, de ne permettre qu'elle soit tirée par son mary hors de Bruxelles, si il avoit volonté de passer en Espagne ou ailleurs, suivant la parole qu'ilz nous ont pareillement donnée en cas que led. prince s'engage plus avant en sa désobéissance.

J'ay faict dire et confirmer encores cecy au S*" Pequius par le S" de Villeroy qui l'a esté trouver exprès par mon commandement, affin que par la depesche qu'il doibt faire aux archiducz, il leur donne adviz de ma délibération de leur envoyer ung gentilhomme avec la charge cy mentionnée, et les prépare à s'employer pour tirer dud. prince sa dernière résolution, de laquelle je désire estre esclarcy.

Mais prenez garde cependant que sur ce que escrira led. Pequius, led. prince, esventant possible la charge que je donneroy à celuy que j'envoyeroy auxd. archiducz, délibère de prévenir cest office et d'eschapper de Bruxelles avec sa femme et sa suite; auquel cas comme je serois très indigné et justement offensé du pernicieux et imprudent conseil qu'il prendroit, je ne pourrois avoir autre créance que lesd. archiducz n'y eussent participé, voires aydé soubz main, ainsy que j'ay fait déclarer à leur ambassadeur, et aurois occasion de m'en douloir grandement et de juger et espérer de leur amytié et bonne voisinance tout aultrement que j'estime la mienne en leur endroit le

mériter, pour avoir en ce cas violé leur foy et la parole qu'ilz vous ont donné du contraire. Ayez donc l'œil soigneusement à ce point comme celuy qui importe à mon service et contentement tout ensemble, aussy bien qu'à la consolation très grande de mond. cousin le connestable, qui recevroit, s'il en arrivoit aultrement, une affliction en son aage très sensible, et à laquelle je désire que vous obviez par tous moyens que jugerez plus propres et dignes de ma bienveillance envers luy et de la justice et compassion de sa cause.