OBSÈQUES DE JEHAN DE LENS

Nota. Que R"^ père en Dieu et Seigneur M. S. Jean de Gavre par la grâce de Dieu évesque de Cambrai et comte de Cambresis trépassa en cest siècle en son chaslel de Liedequercque le mardi de le pireuse sepmaine darrain jour du mois de marcli , lan de grâce mil im'^ et XXXVIII, Dieux par sa grâce lui soit miséricors à l^me.

Item . Lendemain messire de Capitle firent tout sceller et mirent gardes au palais et si déportèrent et renouvellèrent officiers et firent ii prévost prem. le Leu et Luppair de Sollemmes. Et Mons. Witasse dincbi bailli de Cambresis et Castellain de Thun. Et Lojs de Bousier Castellain de Castel et bailli des bos.

Le lundi xx^ jour dapvril lan mil iiii'' xxxix après pasques Mons. Jehan de Bourgogne fu postulés par MM. de Capitle de Cambrai et furent envoyés à Brouxelles M. S. le dojen Mons. larchidiacre de Camb. et Maistre Robbert au cIo par devers M. S. Jehan de Bourgongne pour lui insinuer ladite postulation, lesquels furent grandement rechups p. M. S. et Madame de Bourgongne et par ledit M. S. Jehan.

Le jeudi vu'' jour de may ledit révérend père fu amenés a labbie de Cantimpret en ung sarcus de ploncq quarré et fu mis au cuer , et à heure de minui les corps de Messire Philippe de Lens et de Mess. Henry de Lens frères dudit révérend père qui xxiii ans paravant , cest assavoir à la pireuse journée de 1« bataille des angiés avoient esté occis , amenés à Cambray et entérés en deux sarcus de ploncq au dextre lés du cuer des Courdellois , furent portés en léglise de Cambray et mis en terre au dehors du cuer devant la sépulture dudit

(1) Livre des Droits généraux , pp. 116, v".

(2) Jean de Gavre.

révérend père , et ce fut fait à ceste heure pour ce que quant ils furent mis hors de leur ii fosse leur il estoient as Cordelois lesdits sarcus furent trouvés pleins djauwe et estoient lesdits corps tellement corrompus de punasie quil nestoit home qui peust durer dalès.

Item. Lendemain qui fu vendredi MM. les frères et nepveux dudit R"^ P. cest ass. M. S. larchidiacre de le cam. Prévost dUtret, et M. S. de Lens frères vinrent à Cambraj environ Ix ou iin''^ chevaulx et descendirent au palais et apprès disner alerent à Cantimpret pour quérir le corps , et si ala M. S. Witasse d'Inchi bailli de Cambresis accompaingniés des xxiiii fiefvés , et si alérent prevost et eschevins et plusieurs bourgeois , ledit sarcus de ploncq fu mis sur une littière et fu couvers dune haulte bière de bos et de très beaux draps et les armes dudit B!^ P. mises sus, et si furent mis ii hesteaux ou dehors dudit moustier de labbeve et si furent appointiés deux chevaulx tous coiivers et vestus de ^oir drap, mais pour ce que ledit sarcus pesoit trop lesdis chevaulx ne porrent porter ladite httière et icelle fut apportée à légiise de Cambray par xvi compaignons à diverses et plusieurs reposées et lesdis deux chevaulx furent amenés lung devant , et lautre derrière ledit corps et autour dudit corps estoient les fiefvés tenans chascun flambel et noir vestus et a chascun flambel i escuchon des armes dudit R*^ P.

Et ledit Mon s. le bailli de Cambrésis accompaingnés de Bertrant du Prêt son lieutenant et de Jehan de le Haye son clericus estoit derrière les dis fiefvés et corps et si avoît tout au-devant desdis fiefvés et dudit corps W bourgeois tenant chascun en sa main i flambel.

Et en ce point entrèrent en le ville à grant compaignie de peuple jusques au pont de pierre et estoient les s''^ du deul en derrière le corps et MM. des églises estant à procession et à xii grans flambeaux ; devant les Cordellois fu vray que ladite procession savancha et vint audevant dudit corps et pareillement ceulx qui portoient ledit corps savanchirent en alant à lencontre de la prochession et se rencontrèrent environ le milieu de la voye de entre ledit pont et les Cordellois et puis ladite procession retourna et ala jusques au-devant de le porte desdits cordellois et les porteurs dudit corps les ensievyèrent et la arrestèrent. Et prestement hors de la porte desdits cordellois furent amenées deux bières pour la représentation des corps des dessus dits M. S. Philippe de Lens et M. S. Henry de Lens estant sur deux littières notablement couvertes de noir drap et chacune littière portée de deux chevaulx lun devant et lautre derrière couvers et vestus de

(1) Laissé en blanc.

noir drap et menés par gens au-devant de ladite procession et audevant du corps dudit R"^ père , et en ce point menés jusques à lujs de ledite église de Cambraj qui tient à la maison des enfans dautel , et la procession entra dans ladite église et lesdics corps furent mis sur trestaulx , pour reposer lesdis chevaulx furent destelés et menés au palais et les fiefvés et bourgois portans les flambeaux les baiUièrent à leurs variés au dehors de l'église pour porter en leurs maisons et furent lesdis flambeaux à eulx , et uentra dedens Téglise que les deux flambeaux qui avoient esté apportés avecq la procession , et puis le littière et corps dudit R"^ P. et les sarcus des deux dessus dit s"^ ses frères faisans représentation de leur corps furent portées en le nef et mis sur trestaux cest assavoir ledit Révérend père ou milieu et les deux représentations dessus dites lune a ung lés et lautre lés et le luminaires autour et fut le service fait très solemnellement et lendemain furent portés ou cuer et fut le service moult solennel et le service faict ledit R'' P. fut enterrés oudit sarcus de ploncq en la fosse estans oudit cuer au-devant de sa sépulture. Dieux par sa grâce lui face vray pardon.

Installation de Jean de Bov.rrjogne.

Le lundi x'^ jour du mois daoust lan m iui" et xxxrx , ven'= S. Pol Beye archid. de Camb. et can. vicaire et procureur de R'^ P. en Dieu et s"' M. S. Jehan de Bourgongne par la grâce de Dieu eslut et confirmé évesque de Cambraj et comte de Cambresis , accompaingné de Messieurs les abbés de saint Sépulcre et de Cantimpré et de maistre Antoine parellement vicaire dudit révérend père et de de plusieurs aultres présenta en capitle les bulles dudit R"* père et fut receup comme procureur et si prist la possession ou siège épiscopal ès fourmes du cuer , item en le kavère de pierre enprès le graut autel , item , sur les deux cornes et sur le moillon dudit grant autel en mettant le main au messel et au calisse et ce fait retourna en capitle et puis accompaingniés comme dit est Mons. l'archediacre ala en le cambre et déporta prevos et eschevins et puis les renouvella et puis ala au castel en Cambrésis et prist la possession , et déporta et puis renouvella officiers et lendemain revint à Thun et fist parellement.

Le vendredi iiii^ jour de septembre le dessus nommé Mons. larchediacre

de Cambrésis accompaingnié dudit Mons. le bailli comparut au palais ou il j avoit grans nombre dliommes frans cest ass. Mess, les abbés de saint Aubert et saint Sépulcre Mess. Aubert de Soriel cliev. et plusieurs autres cy-après nommés et escrips par devant lesquels exhiba et montra sa procuration laquelle estoit par instrument signé et souscripte du signe et souscription de M'^ Jeban Villain notaire publique et fu leute et apparu quil estoit procureur et vicaire dudit Révérend père et puis fu demandé audit M. S. larcbediacre quil baillast et mist en ladite court le bulle de N. S. Père le pape adrecbant à le cour et aux hommes touchant la réception dudit R'^ P. lequel répondit que point ne lavoit et lavoit renvoyé audit R'^ P. avecq ses aultres bulles promettant de les apporter dedeus le S'-Remj , et mojennont cette promesse ladite cour pour honneur et révérence dudit R*^ P. et pour procéder doulcement et amablement furent content et fist M. S. larchediacre serment en ladite court comme vicaire et procureur dudit R^ P. pour lequel ils tinrent des lors à Seigneurs.

Bénédiction de l'église Notre-Dame.

Mémoire que le v° jour du juUet lan Ixxii Mess, de Capitle de Notre- Dame de Cambray impétrèrent à Rome bulles par lesquelles il pooit faire dédier leur église lequelle de mémoire dhomrae navoit estet dédié se envoyèrent devers Mons. de Cambray assavoir se cestoit son plaisir de le venir dédier , lequel se excusa pour ce quil estoit malade de goutte comme il disoit se donna à Mess, de Cappitle puissansse de prendre tel évesque que bon leur sembloit, en lui donnant sa puissansse se envoyèrent Mess, de Capitle devers Mes. lévecque dArras nommé P. de Ranchicourt lequel amoit fort léghse de chéens et mavoit bénis en son ostel Arras , lui requérant quil luy pleust à venir consacrer ledite église , lequel y vint voUentiers et dédia léglise Notre-Dame

(1) Voici la teneur du serment qui gênait sans doute Jehan de Bourgogne : Ego jure q. sum de legitimo thoro procreatus secundum q. légitime nuptie demonstrant , item q. jura et libertates et consuetudines rationabiles et approbatas tam ecclesie q. episcopi et capituli et personas eorum et res quantum in ms esL bona fide conservaLo, item q. dispersa et maie alienata pro posse meo recoUigam et recuperabo et acqiiisita et recuperata conservabo bona fide.

\Liher pilosm).

le jour dessus dit et commencha à m heures au matin et eut fait à XII heures et jou Philippe abbé de S*-Aubert fus tousjours aveucq luy et Mons. labbé de S'-Sépulcre et à le requête de Mess, de Capitle nous assistâmes lévesque dessus dit à le consécration et à le grant messe et aviesmes chacun une cappe de soie et chacun une croche et et estoient à ledite messe toutes les églises de Cambray, collégiales cathédralles et parochialles aveucques tous les corps sains de ceste ville et pour lonneur de le solempnité Mons. dA.rras commanda que chacun venist à loffrande et pour ce commanday à mon chappellain qui tenoit me croche quil allast comme il fist agenouiller au prest de lévesque pour rechevoir toutes les oblations qui appartient à my ad cause du fief de la prébende et me rapporta mondit cappellain toutes les oblations quil avoit rechues enmy le cœr de Notre-Dame en le présence de tous chieux qui y estoient et les mis en me bourse publiquement adfin que chacun le veist que a my ad cause de mon église appartenoit le droit , et y avoit en tout ix sols iiii deniers.

(Mémor. S^-Auèert. Folio 88, verso).

Cesû lorden anche comment léglise doibt estre gardée de jour et de nuyt.

Premièrement le sergent de jour doit g-arder depuis la cloque au jour jusques à le cloque des vespre et doit clore les trelles après midi et ouvrir au premier cop de nonne et reclore après complie et doit luis vers St-Aubert et luis vers le célier fermer au vespre , et est la garde en son péril et doit venir devant le cloque du vespre pour allumer les V lanternes et esteindre à la cloque au jour, et doit pourvéir les esternures des solennités et processions et faire les petits presens et doit pourvoir des pommes et rosins pour bénir et les herbes de St-Jean et léglise esquise et doit rendre les clés au sergens de nuyct.

Et doivent gésir en léglise les sergens de nuyt et pour leur seurté ils doivent enfermer les cloquemens depuis la cloque du vespre jusquà ce quils ouvrent les ii huis sus dits au matin et deÊFremer les cloquemens , lesquels cloquemens doivent ouvrir luis vers le palais et luys devers Ste-Croix et garder le clocquement le clef du portai et du petit huis sur le court du palais. (Liher nheus folio lxxxvii).