N° VIL

Lettre de Bertrand Du Guesclin , connétable de France, au duc d'Anjou y supposée écrite en août 1^79.

Mon très-rcdouté et puissant seigneur , plaise vous scavoir que ce mardy à vespres , y receu vos très-gracieuses et aimables lettres, qu'il vous a pieu m'escrire par mon héraut, faisantes mention de votre arrivée devers le Roy, et de la relation que vous luy avez faite à part sur le fait de Bretagne par luy et vous , et puis fait faire par vostre chancelier, en grand conseil, et que tout avait esté dit à la louange et honneur de moy, et tellement que le Roy en avait esté et est très- content, et si a pris grand plaisir, et que ce présent estoit bien en sagesse et sera encore plus, desquelles choses mon très-redouté et puissant seigneur, je vous mercy et regracy, tant humblement et de cœur, comme je puis et feray et le doy bien faire; car onque ne desservy en aucune manière le bien que autrefois et à ceste heure vous a pieu dire en mon absence.... Quant aux nouvelles de pardeça, puisque j'envoye par devers le Roy et vous mon cousin Alain de Mauny, pou est survenu de nouvel, tout le navire des Anglois est encore à Quidallot à l'ancre, là où ils arrivent premièrement, et ne portent nul des gens d'armes rludit navire, excepté le duc qui fut qui est

JUSTIFICATIVES, 3l I

à Dinan , et aucuns en sa compagnie qui là sont reculiez, et ce mardy a tenu grand conseil où ont esté grand partie des barons et autres nobles de Bretaigne, et ce jour y doit estre le vicomte de Rohan , car il a escrit à luy et à tous les autres barons du païs comme l'on m'a dit, excepté à mon frère de Cliçon, comme je pense et à moy, et tiennent aucuns qu'il envoira bientost les Anglois , en disant qu'il se veut commencer à l'ordonnance desdits barons, et autres, et faire au Roy ce que faire le devra, si ne le puis croire tant que je le voye , toutefois ils n'ont point commis ne fait guerre....

Vostre petit serviteur, Signé) Bertrand Du Gujescxin.

3 1 a pièces