ACTE d’association DES BRETONS EN
de Sainct Pern, Robert de Melece, Jehan de la Motte, Thibaud don Guern, Bonnabes de Champaigné, Jehan le Véer, Pierre le Veyer, escuyers pour nous et tous et chacuns nos alliez d’autre part.
2. — C’est à sçavoir que nous et chacun de nous pour nous et nos alliez, avons promis, gréé et conjuré les uns aux autres nous entr’ayder à la garde et défense du droit ducal de Bretagne, contre tous ceux qui voudroient prendre la saisine et possession dudit duché, excepté à qui elle doit appartenir en droite ligne, et le roy de France en souveraineté.
3. — Et nous sommes assentis tous et chacuns qu’un franc soit levé sur chacun feu en la duché de Bretagne, pour contribuer à payer les gens d’armes pour la garde du pays, et avons esleu quatre mareschaux en Bretagne, messire Amaury de Fontenay, messire Geoffroy de Kerimel, messire Estienne Goyon, et messire Eustache de la Houssaye.
4. — Et si aucun de nous ou d’autres du duché font au contraire de ceste alliance par quelque voye que ce soit, tous les autres seront contre celuy ou ceux qui le feront.
5. — Et si nul n’y aucun vouloient accorder (1) sans l’assentement de nous et de chacun des dénommez et nos alliez et que tous et chacun soient compris en l’accordance, nous et chacun de nous sommes tenus leur courre sus comme à faux et paijures.
6. — Et avons promis et juré obeyr ès chevetaines qui sont et seront esleuz pour gouverner le pays à la défense, et aussi avons juré à mettre nos sceaux ès lettres qui sur ce sont faites et seront.
7. — Et pourront lesdits mareschaux prendre les gréés de tous ceux qui seroient passez aux gages, de tenir la maniéré et poinct de cette alliance.
8. — Et aussi nous avons juré et accordé que les revenus du duché de Bretagne, ordinaires et extraordinaires, seront départis ès gens d’armes, comme seront les fouages.
9. — Et si lesdits fouages, et autres revenus dudit pays de Rennes ne suffisoient au payement des soudoyers et gens d’armes qui serviront à la garde de la ville, chastel, et pays de Rennes et aux choses utiles et necessaires pour lad. garde, seront ceux soudoyers parpayez de ce qui en deffaudroit sur les autres fouages et revenus dudit duché.
10. — Et s’il y avoit résidu en outre, le payement fait comme dit est, sera celuy résidu mis et distribué à la défense dudit pays, par l’ordonnance de nosdits sires de Montfort, de Montahlant, de Beaumanoir, et de la Hunaudaye.
11. — Et avons accordé que les lettres des retenues que nosdits sieurs de Montfort, de Montafllant, de Beaumanoir, et de la Hunaudaye donneront soubs nos seaux ou signets, seront fermes et stables.
12. — Et aussi par semblable les retenues et ordonnances des payemens qui faits seront par celuy messire Amaury, tant comme capitaine que mareschal, seront alloûez et deschargez en compte chez James de Tres-la-Cohué, receveur ordinaire en la ville et parties de Renois.
(1) Avec les ennemis du droit ducal.
