Rouveau et Roussarf, dans d’autres documents

plusieurs tenoient qu'il estoit encores en vie, ce qu'à Dieu plaise! Lesquelles choses congnoissons bien estre toutes couleurs de vrayes dilacions en la matiere, ce qui nous semble que ne devriez aucunement faire, mesmement à nous, filz de mon dit seigneur. Et pour ce, tres chiers et bons amis, sommes nous meuz de vous presentement escripre, en vous priant bien acertes que, ces choses par vous considerées et bien pensées, vueillez liberalmeñt verifier les lettres de l'octroy qu'il a pleu à mon dit seigneur nous faire touchant la garde et capitainerie du chastel du dit Bois, et au surplus faire et donner à nos dictes gens en ceste partie, au regard de ce qu'il vous touchera et appartendra, tele et si bonne et promple expedicion que nous ayons cause d'y congnoïstre le desir et bonne voulenté que tenons Yous avoir à nous complaire, et aussi d’appercevoir que vostre entencion et vouloir ne sont de mettre ne tenir nos besoignes ou rent, ne en teles et si longues expedicions et delaiz comme les autres mains privilegiez. Et ce faictes par tel maniere qu'il ne nous soit plus besoing d'en rescripre ne envoier devers vous, ne aussi d’en parler à mon dit seigneur, pour nôus y pourvoir en vostre difficulté par autre voye. Et en verité, en ces choses faisant, nous ferez si tres agreable plaisir que bien en arons souvenance se le cas ÿ eschiet, ou temps qui vendra. Et affin que mieulx vous appare le contenu en cestes proceder de nostre propre vouloir et puissez congnoistre l’affection que nous y avons, nous avons voulu de nostre main escripre nostre non /sic) en icelles. Ce scet Nostre Seigneur, qui vous ait en sa saincte garde. Escript à Verdnom, le xxrt1e jour de novembre.