DE PAR LE ROY
Chiers et bien amez, nous avons sceu par noz officiers estans de pardelà, et mesmement par nostre maistre d’ostel Jehan d’Aulon, chevalier, la bonne ôbeissance et loyaulté que avez tousjours eue envers nous et nostre seigneurie, et comment avez bien et diligemment obey et obtemperé à tout ce que vous ont requis de par nous nosdiz officiers, dont vous en savons très grant gré; et pour ce que encores sommes deliberez d'entretenir nos diz officiers en la ville de Lyon pour le bien et conservacion de nostre dicte seigneurie, et que savons certainement que pour rien ne vouldriez varier ne faire faulte contre nostredicte seigneurie, vous mandons que, en tous noz affaires que vous requerront nosdiz officiers, les vueillez avoir en especial recommandacion, ainsi que ävez tousjours fait et que y
1. Original signé, trace de sceau plaqué en cire rouge. Archives de Lyon, AA 20, f. 14.
avons parfaicte fiance, et par maniere que en doyons tousjours plus estre contens de vous.
Donne aux Motiz les Tours, le 1v° jour de mars.
CHARLES
DE LA LOERF !.
Le Roi aux doyen et chapitre de Lyon
Montils-les-Tours, 14 mars 1447.
À nos amez et feaulx les doyen et chappitre de l’eglise de Lyon.
Nos amez et feaulx, nous avons sceu que Nostre Saint Pere le Pape a commis et ordonné nostre amé et feal conseillier l’evesque d’Orlliens vicayre et au gouvernement de l’eglise de Lyon, jusques à ce que nostre cher et amé cousin Charles de Borbon soit en aage, dont nous sommes bien content: et pour ceste cause avons levée nostre main qui avoit esté mise ou temporel de ladicte eglise. Si vueillez recevoir ledit vicaire ou ses commis et ordonnez sur ce à l’administracion de ladicte eglise, et au surplus luy obeyr et faire obeir comme en tiel cas appartient.
Donné auz Motiz, le xrrrr* jour de mars.
| CHARLES
+ DE LA LOËRE 2.
Le Roi au duc de Savoie
Bourges, 3 septembre 1447.
A nostre très cher el très amé cousin le duc de Savoye.
Très cher et très amé cousin, nostre très cher et très amé frere le duc d’Orleans, à present duc de Millan par le decès du feu duc son oncle, puis nagueres alé de vie à trespas, comme son plus prou-
4. Original signé sur papier, petit format ; trace de cachet particulier; rare pièce quant à la forme. Archives de Lyon, AA 22, f. 70.
2. Copie existant dans les registres capitulaires de Saint-Jean de Lyon. Archives du Rhône, G 3000, fo 27 vo, Communication de M. J. Vaesen.
chain hoir, habille à lui succeder, se est trait par devers nous et nous ha bien exprès fait dire et remonstrer le bon droit qu'il a audit duchié de Millan et hoirrie de son dit oncle, lequel, selon toute rayson et bonne equité, lui doevent apartenir, en nous humblement suppliant et requerant, comme à son souverain seigneur et ou chief de l’ostel dont il est yssu, et à celluy à qui, en ses afferes, tant par la proximité de lignage en quoy il nous attient comme pour les services que sanz varier continuelement il nous ha fait, il doit avoir recours, et pour lesqueulx et acquiter sa loyauté envers nous il à enduré si longue prison et soustenu et souffer tant de pertes et domaiges que, à la conservacion de son bon droit audit duchié et hoirie dudit feu duc de Millan, et à ce que d’iceulx il puisse avoir paisible possession et seignorie, ainsi que rayson est, nous le voulions pourter, soubstenir et favoriser, et lui donner tout conseil, confort et ayde ; laquelle chouse, tant par consideracion de ce que dit est comme pour ce que nature et tout droit et bonne rayson veulent et nous inclinent et amonestent le soubstenir, pourter et favoriser ès chouses dessusdictes, et que ne voyons pas, en faisant nostre devoir, que raysonablement il ne nous convegine { ainsy le fere, lui avons octroyée, accordée et consentie. Et pour ce que, pour parvenir aux chouses dessus dictes, ait besoing de soy aider de tous ceulx qui povent en ladicte matiere, et que estes prouchain voysin des marches dessus dictes et savons certainement que y povez beaucop finer et ayder, aussy que estes descendu de l’ostel d'où est nostre dit frere et ouquel y quiert son refuge, pour quoy raysonablement estes plus tenus et devés estre plus enclin à le pourter, soustenir et ayder, nous vous signifions nostre vouloir et entencion touchant ladicte matiere, lequel est en effect de pourter, soubstenir, favoriser, aider et conforter nostre dit frere en son bon droit qu’il ha audit duchié de Millan et hoirie de son dit feu oncle, en tout ce que possible nous sera. Et par maniere que, moyennement l’aide de Nostre Seigneur et son bon droit, nous esperons qu’il demourra paissible seigneur et possesseur dudit duchié et hoirrie, ainsy que rayson est, vous priant que en ce ne luy donnés aucun destourbier ou empeschement, ainçois, en ce que possible vous sera et dont requis serés, lui veuilliez donner tout conseil, confort et aide; car contre tous ceulx qui en son bon droit le vouldroyent molester, perturber ou empescher, nostre entencion est de
