PER

ang hd QT ee qu Tome 2 MER

RE he dei AE

als HS me a der Evene dE As. 6 :

LU a n ste ai : de

he rs Las r. D a er 5 : tr £a en Le: À Fur EURE pa D ER RES + : 1 k ALU Te

. —% TT ee un 1 pp … LE -… . - pd + tte LC CR A Peut A0 nl. TRE ° ” S - + ù s F | (1 . RE te !

bonnois et Rouennois, lesquelles vous envoions par ledit Granier. Si y besongnez en toute diligence, et, au regard desdictes terres de Bourbonnois et de Rouennois, et de l'infraction de nostre main mise en iceulx, procedez y par tous bons termes de justice, et telement que nostre auctorité y soit gardée.

Au regard des marques de Gennes, autresfois vous avons fait savoir et escripre par Otto Castellain, nostre argentier, que nostre entencion est retenir lesdictes marques pour nous au pris qu'elles ont esté mises par les marchans de Montpellier. Si les recevez pour nous et en faictes la delivrance à nostre procureur pour nous, audit pris ou autre tel raisonnable que verrez mieulx estre à fere.

En tant que touche les mil escuz que demande le prevost de Montjou sur les biens dudit Jacques Cuer, combien que, par la coustume de nostre royaume, ne soyons tenus paier aucunes debtes sur les biens qui nous viennent par confiscacion, toutesvoies, en faveur dudit prevost, nous vous avons autresfois escript et sommes encores contens qu'il en soit paié, s’il appert clerement de son deu. Et pour ce voulons et vous mandons que vous voiez bien et diligemment son fait, et, s’il vous appert que ladicte somme de mil escuz lui soit deue, que vous la luy faictes paier sur les biens dudit Cuer.

Nous avons aussi entendu que Briconnet n’a point fait de diligence de recouvrer les dix mil frans du sire de Culant, deuz à cause d’Isnay le vielz, dont ne sommes pas contens, ainsi que lui escripvons. Si voulons et vous mandons que sur ce vous faictes faire toute diligence possible par ledit Briconnet; autrement ne serons de lui contens.

Donné à Mehun sur Evre, le xvri° jour de janvier.