JEHAN DE LA LOYRE

Le Roi à Olivier, sire de Coëtivy

Mehun-sur-Yèvre, 18 mai 1455.

À nostre ame el feal conseiller et chambellan le sie de Coctivy, seneschal de Guienne.

DE PAR LE ROY

Nostre amé et feal, Jehan de Poulencque, escuier, homme d’armes de nostre ordonnance, nous a fait remonstrer que, à cause de Amete de Faubournet, sa femme, heritière, comme il le dit, de Girault et Helie de Faubournet, ses oncles,:et de Jehan de Faubournet, son père, à certains justes titres et moyens luy compectent et appartiennent des cinq parties les troys de l’ostel de Genissac et de ses appendances ; maiz que, à l’occasion de ce que

la place, avec les fruiz, revenus et emolumens dudit lieu, depuis

qu'ilz furent derrenièrement par nous prins et conquit sur noz ennemiz, ont esté et encores sont detenuz en et soubz nostre main, ledit de Poulencque n'a peu depuis ladicte conqueste ne encores peut joyr de sa porcion qu’il a et lui appartient en ladicte terre, par la manière que dit est. Et pour ce que nous voulons ledit de Poulencque estre bien et favorablement traictié, pour consideracion des bons et agreables services qu’il nous a faiz par cy devant au fait de noz guerres en mainctes manières, sans ce que, à la cause dessusdicte, il soit tenu en longueur de procès ; attendu mesmement qu'il ne se congnoist en fait de plaidoirie, nous vous mandons que, appelé nostre procureur, vous vous informcz bien et deuement de et sur ledit droit qu’il pretend avoir en ladicte terre et seigneurie de Genissac; et se vous trouvez qu'il y aitet lui Compecte, à cause de sadicte femme, tel droit que dessus ou autre,