CR SR RES RER RS EE D

SE NA ee en ee 2 ge 2

= si

Et

yiSTt ei

re

se

Sr

Fe TE eau ; ER Au MTL NT ANT E à RTS EE RE

Lane Pr PE

re ami ire reve EURE

RE UE al de EC s ee . LS RL RE Ex ir 2 de D e

à bon et juste tiltre, et que en la jouissance d'icelluy il n'ait esté ne soit empesché pour autre cause que dessus est dit, en ce cas le faictes, ensemble sadicte femme, joyr et user paisiblement de leur droit dessusdit que les trouverez avoir et à eulx compecter et appartenir en ladicte terre et seigneurie de Genissac et ses appendances, en leur faisant et administrant sur ce, nostre dit procureur oy, sans longueur de procès, bonne et briefve justice, et expediant ledit de Poulencque au plus toust que possible sera, car nous avons à besoigner de luy en aucunes n0z affaires, et le aidant aussi en ses autres faiz de par delà, ainsi que mestier luy sera et bonnement faire le pourrez. Car tel est nostre bon plaisir. Donné à Mehun, le xvi* jour de may.

CHARLES

DE LA LOËRE !.

Le Roi à Antoine de Chabannes ‘Bois-Sire-Amé, 27 mai 1455.

A nostre amé et feal conseillier et chambellan le conte de Dampmartin, grant pennetrier de France.

Nostre amé et feal, nous avons receu deux voz lettres, escriptes à Saint Porcin le xxr1° jour de ce moy, faisant mencion de plusieurs choses. Et entres autres que, attendu que estes prest de mettre à execucion ce qui a esté conclud, vous semble qu’il n'est pas expedient de executer les mandemens que avons [donnez] contre les nobles de la senechaussée de Rouergue qui ne se sont mis sus, ainsi que ordonné avoit esté. Sur quoy nous semble que vostre advis et oppinion sont bons, et sommes contens que ainsi le facez. Quant à ce que nous escrivez que, à vostre arrivée audit lieu de Saint Porcin, n’avez trouvé de tous les capitaines que esperiez y trouver fors seulement les baillifz de Nœux (sic pour Evreux) et de Chaumont, que faictes tirer en avant toutes gens de guerre et mettez paine de les faire conduyre le plus gracieusement que faire se peut, à la des-

1. Original signé sur parchemin. Archives de M. le duc de la Trémoille. — Cette lettre a été publiée en 1871 par M. P. Marchegay : Lettres-missives originales du chartrier de Thouars, dans le Bulletin de la Société archéologique de Nantes, t. X, p. 170-172.

= œiE “=

charge du povre peuple, nous sçavons bien que y avez fait et faictes tout vostre povoir, dont et de vos bonnes diligences sommes bien contens, et avons bien esperance que continuerez de bien en mieux, ainsi que scavez que la chose le requiert. Au regard des monstres desditz gens de guerre que dictes estre faictes et que requerez que vueillons provoyer à leur payement en manière qu’ilz n’ayent cause de eux mal gouverner et faire dommaige à noz subjectz, nous envoyons presentement le tresorier des guerres par delà, fourny d’argent pour pourvoir au payement tant des gens des chargez desditz baïllifs d'Evreux et de Chaumont pour ce present quartier d’an, comme pour les gens des sires d'Apchon, de Blot et autres que l’en a fait mettre sus par delà. Et avons ordonné audit clerc qu'il se gouverne en ce et face entièrement ce que luy ordonnerez. Si vous y gouvernez, au bien de nous et de la chose publicque,. ainsi que verrez estre à faire et comme bien y avons fiance. Et en tant que touche le fait des monstres, vous pourrez aider en ce de Juhes le Chat et de Gonsalle. Quant au maistre de l'artillerie, qui n’estoit encores arrivé devers.vous à la facon de vosdictes lettres, combien que par deux fois eussiez envoyé devers luy pour le haster, nous croyons que de ceste heure il soit devers vous, et qu’il a fourny à la charge qui, à son partement de par deça, luy fut baillée.

En tant que touche le fait de Gennes, dont nous estrivez, nous avons bien reçeu les lettres que le baïlly de Sens nous a escriptes sur ce, et pour en sçavoir la vostre oppinion nous à semblé que on ne peut riens perdre à ouyr ceulx que pour ceste cause doyvent venir devers vous. Quant à ce que nous escrivez que beau cousin de Cleremont vous a escript que sans aucune faulte il sera au jour etlieu qui luy ont esté ordonnez quant il est party de par decça, nous en sommes bien contens, et avons bien esperance que et en ce autres nous affaires (sic) il se conduyra au myeulx qu’il pourra. Le sire de Lornay est presentement retourné du lieu où il avoit esté envoyé, et a apporté toutes bonnes nouvelles sur les matières dont il avoit eu charge.

Donné au Boys de Saincte Ame, le vingt septiesme jour de may.

CHARLES