La Cronique martinienne, f. ccc

pour ce que par le bailly de Coustantin, lequel est venu naguères vers nous, vous escrivons bien au long des choses dessus dictes, et avec ce luy en avons parlé plus à plain pour le vous dire, quant à present ne vous en escrivons plus largement, fors que en noz affaires vous emploiez ainsi que sçavons que en avez bien le desir et voulenté, et que en vous en avons bien singulière confiance. Et à ce que nous escrivez que avez envoié maistre Pierre Burdelot par deca pour sçavoir au certain de l’estat et disposicion de nostre personne, pour ce que nouvelles ont'esté par delà que avons aucunement esté mal disposez, comme naguères vous avons fait escrire bien au long par nous (sic) amez et feaulx conseillers maistre Jehan Bureau, tresorier de France, et Pierre Doriolle, nous avons deux ou trois jours estez ung pou mal disposez d'ung costé, mais, graces à Nostre Seigneur, nous sommes très bien gueris, et aussi en bonne santé et disposicion que feusmes longtemps a. Et comme naguères vous avons escripl, sommes prestz et bien disposez pour marcher avant et faire tout ce qui seroit pour le bien des matières. | Et de nostre disposicion avez peu estre acertené par Jehan d'Amancy, lequel avons envoyé par delà, et en pourrez estre acerlené plus à plain par lesditz bailly de Coustantin et maistre Pierre Burdelot. Et pour ce ne vous donnez point de melancolie pour doubte de la disposicion de nostre personne, mais tousjours faicles et vous employez vigoureusement à l’execucion des matières dont vous avons donné charge, comme bien y avons la confiance. Donné au Boys Saincte Aume, le vingt sixiesme jour de septembre.

CHARLES

à IX Le Roi à la ville de Strasbourg

Moncauquier, 10 décembre 1455.

À noz tres‘ chiers et grans amis l’evesque, chevaliers, gentilzhommes, gouverneurs el gens de conscil de la cité de Strabourg.

CHARLES, PAR LA GRACE DE DIEU, ROY DE FRANCE

Très chiers et grans amis, nous avons puis naguères esté adverti que Mathelin de Lescouet, escuier, natif de nostre royaume, est pri-