Francois I" (i5i5-i

amez et feaulx gens de noz comptes et tresoriers a Paris, au bailly de Sezanne ou a son lieutenant, et a nostre procureur et receveur ordinaire audit balliage ou a leurs sustitut et commis, salut et dillection.

Savoir vous faisons que nostre ame et feal Loys Raguier ', chevalier, seigneur de la Mothe,. nous a cejourd'huy faict au bureau de nostre Chambre desdits Comptes les foy et hommage qu'il nous estoit tenu faire pour raison de la terre et seigneurie de Bricot, ses appartenances et appendances, tenue et mouvant de nous a cause de nostre chastellenye de Sezanne. A quoy il a este receu, sauf nostre droit et 1'autruy.

Si vous mandons et a chascun de vous, si comme a luy appartiendra, que se pour cause desdits foy et hommage non faiz, laditte terre ou seigneurie ou aucune de sesdittes appartenances ou appendances sont ou estoient mis en nostre main, ou autrement empeschez, vous les luy mettez ou faittes mettre au delivre incontinant et sans delay, pourveu que dedans temps deu il en bailie par escript en nostre Chambre desdits Comptes son adveu et denombrement, et face et paie les autres droiz et devoirs pour ce deuz, se faiz et paiez ne les a.

Donne' a Paris le xxir 3 jour de juing, 1'an de grace mil cinq cens dix-huit, et de nostre regne le quatriesme.

Par le conseil estant en la Chambre des Comptes 2 .