PAR LAURENT DE GORREVOD

(25 février 1520.)

' In nomine sancte et individueTrinitatis, Patris et Filii et Spiritus sancti, amen. Nos frater Paulus de Gosmariis de Dragonerio, religiosus ordinis fratrum eremitarum sancti Augustini , congregationis Lombardie de observantia, prior indignus conventus sancti Nicolai de Tolentino, in loco dicto Brou secus Burgum Breyssie, eiusdem ordinis et regularis observantie, notum facimus universis et singulis , presentibus et futuris, quod cum die vigesima quinta mensis februarii, anno Domini millesimo quingentesimo vigesimo, inditione octava, pontificatus sanc*

SUR l'église de brou 385

tissimi domini nostri Pape Leonis decimi anno septimo, magnificus et generosus dominus Laurentius de Gorrevodo, barro Montanensis et gubernator patrie Breyssie, preclarissimus dominus de Marnay, militari digaitate ordinis Burgundie insignitus prêter illa quibus in dies hune predictum conventum nostrum donat bénéficia, cupiens amplius et perfectius consulere et providere saluti anime sue, necnon magnifiée et carissime conjugis sue , carorumque suorum, divinitus inspiratus, ex sua certa scientia ac mera et libéra voluntate , gratis et amore Dei y donaverit supra nominato conventui nostro, pro fundatione et dotatione sue capelle in ecclesia dieti conventus, sibi pure et libère donate et assignate sub titulo gloriose Virginis Marie de pietate , cujus festum et solemnitatem celebrari intendit in festo purificationis Yirginis Marie , summam septingentorum scutorum auri régis ad solem, realiter traditam et exbursatam , una cum una casula et duabus dalmaticis seu tunicelis diaconi et subdiaconi , veluti cramoysiti cum decentibus mummentis aureis, in quibus intendit, nobisconsentientibus, apponi facere escussones et arma sua. Quam quidem donationem seu elemosinam eo propensius huic conventui nos tro fecerit et erogaverit, quo ipse. cupit perpetuis

futuris temporibus, bonorum omnium que in dicto

monasterio per fratres seu religiosos ibidem habitantes fient, se ipsam que conjugem una cum carissimis eoram, participes. Rogaverit insuper nos nomine nostro et religiosorum qui nunc et pro tempore in perpetuum dictum monasterium inhabitant et inhabitabunt, ut pias pro ritu apud omnipotentem Deum preces pro anima sua et prefate sue conjugis carorumque suonim porrigere velimus et velint, illum que pro remissione suorum peccatorum exorare dignemur et dignentnr; maxime perpetuis temporibus in dicta sua capella singulis celebrando diebus, nisi forte legiptimum obstaret impedimentum quo non posset seu liceret missam in dicta capella celebrari, et sub quolibet modo et forma infrascriptis , videlicet diebus dominicis aut feslis duplicibus vel de precepto seu et solempnibus , secundmn laudabilem consuetudinem loci, missam celebrando diei vel sancti de quibus tune in prefato conventu dominicum celebratur officium : die vero de mortuis , in cantu cum diacono et subdiacono, fratribus in choro cantantibus et respondentibus qui et in fine misse ibidem décantent responsorium : quo finito, sacerdos vel diaconus cum aspersione aque benedicte ad tumulum orationem pro mortuis dicat congruentem ; die vero martis, celebrando de sancta Anna, die raercurii, de annuntiatione béate Virginis Marie;

SUR l'Église de brou. 387

die Jovis, de corpore Christi; die veneris missas duas , una videlicet de quinqae plagia domini nostri Jesu Christi et altéra de septem doloribus béate Virginia Marie; et die sabati, de eiiisdem béate Marie Virginis conceptione purissima. Et hoc, festis superius generaliter prenotatis non occurrentibus, oontentatur et cupit magnifions et generosus dominus fundator quod taies misse celebrentur conformiter et secundum oflicinm dominicum talimn dierum festomm sic occnrrentium cum coUectis missarum votivarum snperdictarum , illis tamen exceptis diebus quibus ecclesia romana unam tantum orationem seu coUectam in missa ordinat esse dicendam. Quo contingente, cupit religiosos qui easdem missas tune temporis celebrabunt , specialiter in Mémento ^ actualem vel saltem habitualem sui et carorum suonim habere memoriam. Cum et ultra predicta rogaverit et requisierit ut nos et successores nostri velimus suis condescendere votis, in celebrando unum anniversarium semel in anno perpetuis futuris temporibus scilicet in die veneris post quartam dominîcam quadragesime , seu post Lœtare Jérusalem , et hoc quandiu ejus vita hec mortalis durarerit; post mor« tem vero ejus , ipsummet annïversarium translattim in celebrando die illo quo, divina disponMte providentia, ex hac vita dictum magnificum dominum

migrare contig6rit. Nisi forte die festo vel solempni hoc evenerit, tune celebrandum esset juxta per eum rogata, die prima subsequenti in quo festum aliquod solempne non occurrerit , modo videlicet ordine et fonna infra designatis : dicendo videlicet postvesperas predicti diei dictum anniversarium, vigilias seu officium mortuorum ; die vero anniversarii dicendo missam magnam in cantu de septem doloribus béate Marie Virginis quandiu ejus vita duraverit; post mortem vero ejus, ipsam missam celebrando de mortuis et hoc solempniter cum diacono et subdiacono et acolito, nec non et duobus paratis cantoribus cum ceteris religiosis fratribus in choro cantantibus et respondentibus. Quod cum et rogaverit et postulaverit ut dignaremur per aliquem ex presentibus nostris et successoribus nostris avisare duos sindicos egregii oppidi Burgi Breyssie, qui pro tempore sunt vel erunt, ut velint interesse tali anniversario seu misse ; qui , si non potuerint vel noluerint venire, duos saltem ex consiliariis dicti oppidi loco sui mandare velint. Item , et pro tali anniversario seu misse intersint trigenta et unus pauperes eligendi per nos et successores nostros, qui pro sainte ipsius magnanimi et generosi domini fundatoris et carorum suorum in tali missa Dominum nostrum exprare dignentur. Qua quidem celebrata et finita , optare

SUR l'égusb de brou. 389

se dixerit prefatus magnificus et generosus dominus ut solempoiter fiât processio, more religionis, in ecclesia ad tumulum seu sepulchmm ejus declinando, quum fuerit in dicta sua capella coUocatum. In qua quidem processione, rogavitutintersintcantores duo parati cum capis seu pluvialibus , ministros altaris précédentes et reliquos religiosos et fratres subséquentes , et omnes invicem crucem a subdiacono ante portatam honorantes, ut moris est in religione nostra, responsorium lobera me Domine j etc., morose et dévote décantantes. In qua quidem processione interesse cupit prefatos dominos sindicos seu consiliarios loco ipsorum deputatos, nec non et prefatos trigenta et unum pauperes per nos et successores nostros electos vel eligendos; qui omnes fratres et domini sindici et pauperes supra dicti unam candelam accensam , valoris unius denarii , per nos seu conventum nostnim sibi provisam et providendam , déportent processione durante. Qua quidem finita et responsorio cum coUectis decentibus decantatis , jam dictas candelas ebdomaderio seu diacono offerant et remittant. Gumque postremo, prefato magnifico et generoso domino placuerit nos rogare ut velimus immédiate et inconfinenter , iis omnibus expeditis et completis , dare et realiter exbursare grosses très monete Sabaudie cuilibet duo-

rum sindicorum vel consiliariis loco ipsonua depu* tatis, pro aliquali satisfaciioue sui laboris; item et eisdem eadem hora exbursare unum floreoum ab ipsis deferendum in subventionem et subsidium hospitalis saDCte Marie Burgi ; item et eodem tempore unum grossum pro quolibet paupere , per nos ut prefertur, electo. Cumque optaverit jam dictus dominus istam summam prefatam pecuniarum, que est florenorum quatuor et unius grossi monete Sabaudie currentis, in perpetuum, tempore et modo predictis, per nos et successores nostros vel per aliquem ex parte nostri et successorum nostrorum , exbursari et misericorditer erogari, de et super reditibus et bonis habitis vel habendis, acqyisitis vel acquirendis ex supra dictis septingentis scutis nobis et conventui nostro pro fundatione sue capelle erogatis et libéraliter exbursatis. Super quibus omnibus et singulis premissis , prefatus magnificus et generosus dominus fundator requisierit nos priorem prefatum quatenus dignaremur, nomine nostrum et omnium religiosorum huius nostri conventus sancti Nycolai de Tolentino, sue honorate fundacioni consensmn prebere et illam acceptare, et super hoc sibi ipsi magniiico domino legiptimam responsionem, secundum quod de jure fieri potest , dare et acere. Ad quod per nos responsum extiterit nos non posse illico

SUR l'éguse de brou. 391

et incontinenter sup^r requisitionem legiptime respondère, donec votis singulorum nostrorum buius nostri conventus religiosorum capitulariter super hoc coDgregatorum prius datis et habitis.

Hinc est et subsequenter anno et die predictis, nos frater Pauius prefatus de Dragonerio , prior dicii conventus sancti Nycolai de Tol^ntino vocati Brou, in sacristia huius nostri conventus, ad sonum campanele, ut moris est , convocari et cafntulariter simul congregari fecimus fratres et religiosos dicti conventus, ut coUatione inter nos invicem habita de et super donatione seu fundatione dicti magnifici domini requisitioneque sua supra-^scriptis , pro modulo virium facultatumque nostrarum , et si non qùas debemus, saltem quas in domino possumus vi*ces gratitudinis rependamus, recognitione beneficiorum quibus a prefato magnifico domino ac generoso tam larga sue dulcedinis benedictione preventi sumus.

In quo capitulo, nobiscum présentes fuenint fere omnes fratres religiosi dicti conventus^ facientes ultra duas partes omnium fratrum totius conventus voca- Uum. Quibusnobiscum sic capitulariter congregatis et capitulumnostrum simul tenentibus, expositoper nos priorem prefatum ibidem et plene declarato tenore predicte donationis seu fundacionis prefati magnifici

et generosi domini; et exquisitis et per nos votis seu voiuntatibus omnium et singulorum fratnim religiosorum ibidem assistentium de et super donatione seu fundacione dicti magnifici domini super declarata , et peronmes ipsos religiosos reperimus unanimiter et libère consentientes predicte f undacioni prefali magnifici domini. Igitur, nos prior prefatus, premissis attends, prefato magnifico domino respondentes de et super per eum rogatis et requisitis , et nomine nostro et omnium religiosorum huius nostri conventussancti Nycolai de Tolentino , dicte fiindationi annuentes et consentientes, ipsi magnifico et generoso domino, gratis sponte et amore Dei oflFerimus, per présentes, specialem participationem omnium missarum supra declaratarum, ordine, modo et forma quibus ut supra notatur, rogati et deprecati sumus. Item et generaliter eidem communicamus participationem omnium bonorum que precipuis benefactoribus nostris soient more religionis et congregationis nostre communicare, in quantum de jure possumus et valemus. Item et postremOy eidem sueque magnifiée et honestissime conjugi offerimus et gratis exhibemus administration nem omnium suffragiorum et servitiorum , nec non et alia quecumque honesta et legiptima servitia que a nobis, pro anime sue carorumque suorum sainte, in omnibus et per omnia ut super describitur, fieri

postulant, et hoc a virtute huius nostri prioratus. Hancque eamdem gratitudinem et obsequia, in quantum de jure possumus aut valemus , ad istum conventum nostrum et ad successores nostros religiosos in posterum hic habitantes in perpetuum, gratis, sponte etamore Dei, transferimus etprorogamus hiis melioribus modo, via, jure, forma , facto et effectu quibus melius, validius, rectius, justius et sanctius possumus et valemus ; et volumus et ordinavimus in libro recordationis precipuorum benefactorum nostrorum annotari, cum subscriptione nostrorum omnium fratrum huius nostri conventus , presertim sa* cerdotum in eo nunc residentium. Et ita fuit et est capitulariter inter nos , nemine discrepante , decretum et ordinatum. Et in horum omnium fidem robur et testimonium, nos prior prefatus, supra scriptis omnibus sic capitulariter actis et gestis, officii nostri auctoritatem pariter et decretum interponimus per présentes, manu propria nos subscribentes , ac sigilli magni huius nostri conventus appositione vel appensione munientes ; et insuper tenorepresentium precipimus et mandamus, in quantum de jure pos sumus et valemus, omnibus et singulis religiosis de familia huius nostri conventus nunc existentibus , tam presentibus quam absentibus et eorum in posterum successoribus , quathenus premissa omnia et

singula observent, eaque omnia et siogula decernimus obtinenda perpetuam juris ac roboris firmita* tem, in nominePatris et Filii et Spiritus sancti, amen. Et in signum hujus, omnes et singulos religiosos hujus nostri conventus , presertim sacerdotes , manu sua propria in calce harum litteraram nostrarum se subscribere jussimus. Tamen pro majori et ampliori premissorum robore et firmitate , in capitulo nostro generaliproxime celebrando, rogareintendimusreverendum presidem vicarium generalem dicte congregationis nostre , et reverendum priorem presidentem capituli, quathenus omnia et singula superscripta sic ut prefertur per nos capitulariter facta et gesta acceptare, omologare et approbare dignentur.

Acta et data fuerunt premissa et sacristia hujus nostri conventus sancti Nicolai de Tolentino vocati Brou, capitulum nostrum tenendo, anno et die predictis.

Idem qui supra fra Paultis deDragonerio^ m. p. (manu propria).

F. Reymundus de Cesana, vicariusm. p.

F. Nicolaus de Vulpiano, m. p.

F. Ludovicus de Pinzono, m. p.

F. Remigius de Bardonescha, m. p.

F. Philippus de Viconovo, m. p.

F. Philibertus de Burgo Breissie, m. p.

F. Gabriel de Lugduno, m. p.

SUR l'église de brou. 395

F. Nicolaus de Thaurino, m. p.

F. Augustinus de Tano, m. p.

F. Paradetus de Thaurino, m. p.

F. Angélus de Bugetto, m. p.

F. Hieronimus deCordova, m. p.

Subsequenter nos frater Paulus de Dragonerio, prior supra scriptus , incontinenter dicto capitule celebrato, venire rogavimus intra dictam sacristiam prefatum magnificum dominum Laurentium de Gorrevodo, et ibidem, coraro eo, alta et intelligibili voce legi et publicari fecimus Utteras nostras superscriptas per egregium virum Johannem Verdeti , ducalem secretarium et graffarium baillivatus Breyssie, in presentia reverendi in Christo prioris, et domini domini Ludovici de Gorrevodo, episcopi Maurianensis, ipsius domini fundatoris fratris , et quam plurimo rum nobilium et procerum in magno numéro ibidem assistentium. Qua publicatione sic facta, rogavimus prefatum egregium Johannem Verdeti et egregium Geofredum Michaelis et ducalem secretarium ibidem adstantem, ut ipsi, tamque notarii et tabelliones puplici, velint ad perpetuam predicte fundationis memoriam et ampliorem ipsius firmitatem in fine harum litterarum nostrarum se subscribere et subsignare in vim presentis instrumenti , quod facere promiserunt anno et die predictis.

396 DOCUMENTS ALTHUITHICES ET DfÉDITS

Ita prout superios describitor , actestamôr fuisse aclnm et gestum nos superins nominati nolarii, et in omDium robur, fidem et testimoninm , signetis nostris tabellionatus.

Signati Yerdeti ; Joffredus Michaelis.

Ego fr. Laurentius Presidens , auctoritate capituli generalis congregationis Lombardie ordinis fratnim eremitamm sancti Aogustini , accepto, omologo et approbo omnia et singoia acta et data premissa.

Ego fr. Jo. Gabriel de Martinengo, vicarius generalis congregationis Lombardie , ut supra, approbo omnia et singula acta et data premissa.

Ego fr. Nicolaus Romagninus, vicarius generalis congregationis absolutus , et pariter omnes difiinitorio assistentes , acceptamus, omologamus et approbamus omnia et singula acta et data premissa.