TESTAMENT DE THÉODORE DE BEZE
Au Nom de Dieu qui a faict le ciel et la terre. Amen.
Je, Théodore de Besze, fils de feu noble Pierre de Besze, bailly de Vezelay, ministre de la Parole de Dieu en l'église de Geneue, et faict bourgeoys du dict Geneue, par la grâce de mes très honorez seigneurs : sain de corps et d'esprit par la grâce de Dieu, preuoyant toutes foys l'incertitude de ceste vie, surtout entre l'aage de 77 ans auquel je me trouue, j'ay aduisé et résolu de faire mon dernier testament solennel et par escript en la forme et manière qui s'ensuit. Premièrement je recommande à mon Dieu, Père, Fils et St. -Esprit, mon ame et mon corps ; m'asseurant par sa sainte et seule grâce qu'en la séparation de Tame d'auec mon corps, mon ame sera receiie en ce degré de félicité, a raison de laquelle il est dict que bien heureux sont ceux qui meurent au Seigneur. Et quant a mon corps, il ressuscitera par la grande puissance de mon créateur en la dernière et bienheureuse journée promise pour la résurrection des morts; a fin de jouyr a jamais de ce qu'il m'a faict cognoistre, croire et espérer des le temps de ceste pauure vie. Je lui rends grâces infinie de ce qu'il luy a pieu dez mon aage de seize ans me faire cognoistre ceste vérité; et plus encor' que j'aye esté enueloppé, et me soy' en mille sortes égaré aux labyrinthes de jeunesse, n'ayant faute de tentateurs; toutesfoys par une très singulière grâce et faneur de mon Dieu, au lieu que je meritoy' par trop que toute ceste cognoissance estant abolie en moy, je périsse malheureusement, il a tellement opéré, que, postposant toutes choses a sa gloire et au repos de ma conscience, il m'a retiré au port de son église en ceste ville de Geneue : mais je bénis son nom encor' dauanlage, en ce que, multipliant ses miséricordes sur moy, pauure pécheur, depuis l'an i^ftS que j'arriuay en ceste ville, le 23^ d'Octobre, quoy que je fusse indigne d'estre des moindres bre-
bis du troupeau du Seigneur, il luy a pieu toutes foys dez l'an 1549 ni'honorer de plusieurs charges en son église, ayant exercé 10 ans en l'église de Lauzanne la profession de la langue grecque et esté employé par les églises françoyses enuers les princes prolestants d'Allemagne. Durant lequel temps il m'a preserué en la maladie de peste, et en plusieurs espreuues de maladies et querelles il luy a pieu m'assister a son honneur et gloire, jusqu'à ce que prenant congé volontaire et gracieux des magnifiques seigneurs de Berne, je fus appelé premièrement a la profession de la langue grecque, au commencement que cette échoie de Geneue fut dressée, et finalement au saint ministère de la Parole de Dieu, et adjoinct a feu mon très honoré père au Seigneur, M. Jean Caluin, de très heureuse mémoire en la profession de théologie; a sçauoir l'an 1559. Depuis lequel temps, en deux voyages, l'un de trois mois en Guyenne, vers le feu roy Anthoyne de Navarre : l'autre au Collocquede Poissy l'an 1561, qui fut de 20 moys, y estant compris le temps de toute la première guerre civille, durant tout letpiel espace il me seroit impossible de reciter les grandes assistances que j'ay senties du Seigneur en toutes sortes de charges non seulement par trop pesantes, mais aussi par trop périlleuses, jusqu'à ce qu'étant de retour en ce lieu, il m'a faict ceste grâce jusqu'à présent de n'auoir esté sans édification tant de bouche que par escrit, selon qu'il a pieu a Dieu m'y conduire. Mais helas! faysant comparaiscm de uu)n debuoirauec ce peu d'effect, je baisse ma teste deuant mon Dieu, luy demandant grâce et miséricorde. Je supplie mes très honorez seigneurs de me pardonner mes infirmitez, acceptant pour effect la pure et syncere volonté que j'ay tousjours heiie de leur faire seruice a mon possible. A quoy oultre mes gages ordinaires je recognoys qu'ilz ont usé de très grandes gratuitez enuers moy, dont je les remercie très humblement, Quant a la Ste. Compagnie de mes très honorez frères et compagnons en l'œuure du Seigneur, comme ilz ont supporté beaucoup de mes infirmitez, j'espère qu'ils me rendront tousjours tesmoignage que je me suys sincèrement porté auec eux en ma charge, sans jamais auoir heu débat ne contention.J)ieu leur veuille accroistre ses grandes sfraces de plus en plus pour estre bien ouys, tant en la doctrine receiie en la dicte église, qu'en la discipline d'icelle : se souuenant non seulement de ce que eux et moy ont receu, mais de ces grands personnages desquels nous l'auons receu, et singulièrement de ce grand seruiteur de Dieu feu M. Jean Caluin; de la sagesse, pieté, érudition et prudence duquel ce sera bien assez s'ilz peuuent estre bons imitateurs; fer-
niant les aureilles à ces esprits fretillans qui commencent a s'esleuer, aussi pleins d'opinion de leur suffîsanze en euxmesmes, qu'ilz sont vuides de bon et ferme jugement. Que si ce qu'a esté bien ordonné se peut faire encor' meilleur, je dis quant a l'ordre, que cela se considère très meurement, et s'exécute d'un esprit sage et paysible par moyens esloingnez de zèle estourdy et d'ambition. Que s'il s'en trouue d'autre humeur en la compagnie, eux premièrement, et, si besoing est, le magistrat n'y sçauroyent trop tost pouruoyr. Quant a moy, je pretens viure et mourir en ce que j'ay apprins par les susdicts grands personnages, que je recognoys prins de la pure Parole de Dieu. Dieu me faisant la grâce de mourir en ceste église, je prie que mon panure corps soit enterré au lieu et en la sépulture accoustumée, parmy tant d'excellents personnages, et de mes bons frères et amis, pour ressusciter ensemble, s'il plaist a Dieu, en cette bien heureuse journée et apparition de Jésus Christ notre Sauueur.
Et combien que je ne fasse aucune distinction du lieu quant a la conscience, toutes foys je désire, si faire se peut commodément d'estre enterré au plus près de ma feu bien aimée première femme Claude d'Esnoz, qui m'a tant d'années accompagné et fidèlement assisté, et fait tout debuoir de femme vraiment chrestienne. L'endroit est assez près de l'entrée de Plainpalais, tournant a main droitte, auprès du coin qui fait une détours, ou a un jardin,
Quant aux biens que Dieu m'a prêtez en ceste vie, je déclare que les héritiers de ma feu femme ne pourront rien prétendre sur iceux, a cause de la donation mutuelle passée entre elle et moi au suruiuant de nous deux, en l'an 1579, le 21^ de mars, par deuant Jean Jouenon, notaire de ceste cité, la dite donation omologuée en justice. Je déclare dauantage pour ce que les cohéritiers de mon diot feu père après le deces d'icelui, qui fut sur la fin de l'an lo62, durant la guerre ciuile, au lieu de partager en quatre notre succession paternelle et selon le testament paternel, firent le partage en troys, a sçauoir entre mon frère aisné, Jean de Besze, et mes nepueux representans leurs mères, Louise et Magdelaine de Besze. S'etant, mon dicl frère Nicolas de Besze, contenté des donations que notre père lui auroit faictes très grandes en faueur de son mariage, craignants, disoient-ils, que ma quatrième partie fut confisquée a cause de ma religion, sans que j'en aie rien pu recouurer depuis, ni quant a feu mon frère aisné depuis decedé sans hoirs, rti quant a mes deux beaux frères que enuiron la valeur de huit cents liures tournois ; m'estant néanmoins feu mon dit père redeuable de plus de quatre fois autant, pour des rai-
sons qu'il n'est ici besoing de déduire. Ce neantmoins en toutes les dictes successions de père, mère, et autres parens qui me sont encore deiies, et m'appartiennent par delà jusqu'au jour de mon deces, je nomme et institue mes héritiers : a sçauoir mes nepueux et niepces, ou leurs enfants, représentant feu mes deux sœurs germaines, damoyselles Louyse et Magdelayne de Besze, leurs mères, moyennant laquelle institution héréditaire, je les exclus et dejette de tous mes autres biens quelconques, tant meubles qu'immeubles, sans qu'ils puissent jamais prétendre autre chose sur iceux. Quant a mes nepueux et niepces procédez de feu M. JNicolas de Besze, mon bien aymé frère de père, s'estant a bon droit contenté des donations a luy faictes par nostre feu père, sans rien prétendre au reste de ses biens, je les prie s'en contenter encor' a présent, attendu que, comme dicta estes il s'en faut beaucoup que j'aye jamais rien heu des biens maternels, quoy que je n'aye jamais voulu inquiéter mes dicts cohéritiers, ne mon dict frère. Neantmoins, en considération que l'un de mes dicts nepueux asç. Jean de Besze a este nourri par moy en ce lieu, des son aage pupillaire en la profession de la religion, et que j'espère qu'il y continuera, je luy donne et lègue par forme d'institution particulière tout ce que j'ay fourni et employé pour sa nourriture, instruction et aultres nécessitez depuis l'an mil cinq cents.... jusques au jour de mon trespas. Item, je luy lègue tous les arrierages escheus et a escheoir d'une rente annuelle de 78 liv. tournois a moy léguée en tiltre d'usufruit pour justes raisons, par le testament de feu mon dict frère, Nicolas de Besze, des l'an 1570, le 22*^ jour de Septembre, et assignée sur la seigneurie de Challons, laquelle rente je n'ay demandée a ma belle sœur tutrice ni a mes dicts nepueux jusques a présent, a cause des troubles qui ont tousjours continué depuis ; transportant pour cest effect a mon dict nepueu, tous les noms, droicts et actions qui m'appartiennent pour le recouurement desdicts ancrages contre les héritiers de mon dict frère et les possesseurs de la dicte seigneurie de Chalons, etc. Sans que, a cause du dict légat, il se puisse aucunement addresser a mon héritière après nomée. Item, je donne et lègue par une foys a la Bourçe des panures Françoys réfugiez en ceste Eglise pour la Parole de Dieu, la somme de 800 fl., petit poids. Et a l'hospital gênerai du dict Geneue, 'lOO fl. ; et au collège de la dicte cité, 400 fl. ; les dicts troys légats payables pour une foys incontinent après mon trespas par mon héritière après nommée. Item, je donne et lègue pour une foys a Lazare et Françoys, mes nepueux, enfants de feu Damovselle Louvse de Besze, ma sœur, oultre
tout ce que j'ay fourni et payé pour eux, a chacun diceux 20 ecus sols, payables lorsqu'ilz auront faict leur apprentissage pour commencer a trauailler ; et veux en ouUre qu'ilz soyent entretenus, tant d'habits qu'aultres leurs nécessitez, comme ci douant aux dépens de mon héritière après nommée jusqu'à la fin de leur apprentissage, les sommant et exhortant de suyure la religion a laquelle Dieu les a appelez, et toutesfoys, je laisse cela a la grâce qu'il plaira a Dieu leur fayre, sans que leur dict légat leur soit aucunement différé. Item, je donne et lègue a Aymé, qui a serui ma seconde femme, Katherine Plan, plusieurs années 1res bien et fidèlement, et aussi moy et ma dicte femme pour l'espace de sept ans, oultre ses gages et salaires, la somme de 60 fl., petit poids, payables pour une foys incontinent après mon deces par mon héritière après nommée; et laquelle, ma dicte femme je prie d'auoir la dicte Aymé pour recommandée. Item, je donne et lègue aussy a Marie, mon aultre seruante, oultre ses gages, 'tO fl., payables comme dessus pour une foys par ma dicte héritière après mon deces. Item, je donne et lègue a Louys Courant, qui me sert présentement six escus sol que ma dicte héritière luy payera pour une foys incontinent après mon deces. Et au reste, de tous et chacuns de mes biens que j'ay par deçà, tous consistants en meubles et en une obligation a moy deûe par noble Oratio Michseli, en tous iceux et aultres, généralement quelconques qui se trouueront m'appartenir par deçà lors de mon deces, de quelque espèce, nature et valeur qu'ilz puissent estre, je nomme et institue mon héritière uniuerselle seule et pour le tout, a sçauoir Damoyselle Katherine Plan, ma seconde femme. Et c'est en recompense des bons et agréables seruices qu'elle m'a faicts, que je ne pourroy' assez recognoistre, m'ayant espousé en ma vieillesse de 70 ans, et tousjours continué a me faire tant de seruices, et tesmoigné en tant de sortes la grande amitié et obeyssance qu'elle me porte, qu'il me seroit impossible de le dire, ni exprimer ; et par laquelle ma dicte héritière je veux et ordonne que tous mes debtes, légats, et aultres choses par moy deûes, disposées et ordonnées, soyent payés et satisfaicts a qui il appartiendra. Exécuteurs de mon présent testament je fays et nomme nobles hommes, Jean Faure, seigneur du lac, et Pompée Deodati, mes bons amys, les priant prendre ceste charge, a ce que le contenu de mon dict présent testament soit exécuté et obserué de poinct en poinct selon sa forme et teneur, soit par tous deux ou l'un d'ireux seul en l'absence et default de l'autre. Je les prie aussi d'assister a ma dicte femme et héritière susnommée de leur bon aduis et conseil. Au surplus,
je casse, reuocque, annulle et mets entièrement a néant tous aultres testaments, codicils, donations a cause de mort, et toutes aultres disj)ositions de dernière volonté que par le passé je pourroy' auoir faicts ; le présent seul demeurant a tousjours vallable, lequel je veux et ordonne valoir par droit de dernier testament solennel et par escript, ou par droit de codicil, donation a cause de mort, et par toute aultre disposition de dernière volonté, et meilleure forme et manière par laquelle mieux pourra et debura valloir, tant de droit que de coustume. Suppliant hunîblement mes très honorez seigneurs de ceste cité, el tous aultres magistraz qu'il appartiendra, le vouloir approuuer et auctoriser en ceste forme, et sur iceluy interposer leur décret et auctorité, a cette fin qu'il soit a tousjours vallable, et sorte son plein et entier effect, selon sa forme et teneur, comme ma dernière volonté déclarée de ma bouche a Jean Jouenon, bourgeoys et notaire juré de ceste cité, a moy feable pour le tenir secret jusques après mon deces. Et par lequel je l'ay ainsi que dessus, faict rédiger par escript de mot a mot. Et par lequel aussi ou par aultre notaire en son absence ou default, sans aultre formalité, je veux et ordonne qu'il en soit faict expédition au profit de tous ceux qu'il appartiendra après mon deces. M'asseurant que mes clicts très honorez seigneurs pour l'amitié qu'ils me portent de leur grâce, le feront obseruer comme ma dernière volonté , encor que en iceluy toutes les solennitez requises et portées par leurs edicts ne se trouuassent entièrement obseruées. D'autant mesmes que la suscription d'iceluy se trouuera escript de ma main et par moy signée, et par ledict Jean Jouuenon a ma prière, sans que j'aye appelé aucuns aultres tesmoins, ce que j'ay faict pour bon respect. Et ayant tout ce que dessus bien veu, leu et considéré, d'autant que c'est ma dernière disposition faicte de ma franche volonté et sans induction quelconques, n'y voulant adjouter ou diminuer pour le présent aucune chose, je l'ai signé de ma propre main et cacheté de mon cachet accoustumé. et fait signer au dict Jouenon notaire et pour plus grande confirmation de ma dicte disposition et dernière volonté, a Geneue, le 18^ du mois d'octobre ib9o. Théodore de Besze.
Cy est la fin du susdict testament, a sçauoir une ratification du dict testament par le dict sieur de Besze, le i6*^ de nouembre 1S99, en présence des tesmoings soubsignez outre le dict sieur Théodore de Besze et le notaire Jouenon, les sieurs Dulac, De Tournes, Eslienne Lemelays, François Lefeure, Gabriel Cartier, Nehemie Carat, Anastase Jean Martin.
Je, Théodore de Besze, atteste par cest escript de ma
main, que le contenu dans les feuilles de papier ici encloses, est mon testament et ma dernière volonté, que moy mesme ay minutée et dictée a Egrege Jean Jouenon, notaire juré de ceste cité de Geneue, l'ayant prié de l'escrire, et auec lequel moy mesme ay collationné le tout sur ma dicte minute, de mot a mot, et finalement signé de ma main, auec quelques apostiles aussi adjoustées et dictées par moy en certains endroicts, et finalement j'ay apposé le seau des armes de la famille dont je suis nay, ce que je certifie a tous ceux qu'il appartiendra estre véritable ; suppliant mes très honorez seigneurs le vouloir approuuer, nonobstant les solemnitez ordinaires non obseruées; faict escript et signé de ma main. Ce 2S® d'octobre, l'an de nostre salut, 1595. Théodore de Besze. Et au-dessoubs: Et moy, Jean Jouenon, bourgeoys et notaire juré de Geneue, me suis soubsigné requis par le dict sieur de Besze, pour plus grande confirmation de sa dicte dernière volonté. Jouenon.
IMPRIiMEURS GENEVOIS
A LA FIN DU XVl'' SIÈCLE.
(D'après un Uavail de M. le professeur Gaullieur.)
1. LesEstienne. — 2. JeanCrespin, d'Arras. — 5. Jean Durant, deChâtillon-sur-Seine. — 4. Michelle Nicod. — 5. Jean Chouet. — 6. Thomas Courtaud. — 7. Conrad Badius. — 8. Gabriel Cartier. — 9. Pierre de Saint-André. — 10. Charles Pernot. — H. Jaques Planchant. — 12. Antoine Leymarie.
— 43. Antoine Reboul. — iU. Perrin, àCologny. — 15. Barbier. — 16. Pinereul. — 17. Bonnefoy. — 18. Gymnicus.
— 19. François Le Preux. — 20. Guillaume, Maurice. — 21. Riveri. — 22. Berthet. — 25. Commelin. — 24. Estienne Anastase. — 25. Jean de Laon. — 26. Jean Georges. — 27. Hamelin. — 28. Chauvin, Antoine. — 29. Matthieu Berjon. — 50. Olivier Jordrin. — 51. Jean Mirard, — 52. Vincent Bres. — Pyramus De Candolle. — Les DeTournes.
