CONFESSION DE FOI DE CALVIN

Sommaire de la doctrine chrestienne laquelle est, enseignée en VEschole de Geneue.

Nous confessons qu'il y a vn seul Dieu auquel il nous faut tenir, pour le seruir, adorer, et y auoir nostre fiance et refuge. Et combien qu'il soit d'vne simple essence : toutesfois il ne laisse pas d'estre distingué en trois personnes. Et détestons toutes les hérésies qui ont esté condamnées tant au premier concile de Nice, qu'au premier aussi d'Ephese, et en celuy de Chalcedone. Item tous les erreurs qui ont esté renouuelez par Seruet et ses complices : nous contentans de ceste simplicité, qu'en l'essence vnique de Dieu il y a le Père

qui a engendré de toute éternité sa Parole, et a aussi tousiours eu son Esprit : et que chacune personne a tellement sa propriété, que la Diuinité demeure tousiours en son entier.

Nous confessons aussi que Dieu a créé non seulement le monde visible, assauoir le ciel et la terre, et tout ce qui y est contenu, mais aussi les esprits inuisibles : dont les vns ont persisté en son obéissance, et les autres de leur propre malice sont tresbuchez en perdition : mais que la perseuerance qui a esté es Anges, est venue de l'élection gratuite de Dieu, qui a continué son amour et sa bonté enuers eux, en leur donnant fermeté immuable de persister tousiours en bien. Parquoy nous détestons l'erreur des Manichéens qui ont imaginé que le Diable estoit mauuais de nature, et mesme auoit son origine et principe de soy mesme.

Nous confessons que Dieu a tellement créé le monde vue fois, qu'il en est tousiours gouuerneur : tellement que rien ne se fait et ne peut aduenir que par son conseil et prouidence. Et quoy que le Diable et les reprouuez machinent de mettre tout en confusion, mesme que les fidèles par les fautes qu'ils commettent peruertissent l'ordre de droicture, toutesfois que Dieu ayant la supériorité souueraine par dessus, conuertil le mal en bien, et quoy qu'il en soit qu'il dispose tout et conduit d'vne bride secrette et d'vne façon admirable, qu'il nous faut adorer en toute humilité, pource que nous ne la comprenons point.

Nous confessons aussi que l'homme a esté créé à l'image de Dieu en pleine intégrité de son esprit, volonté, et toutes les parties facultez et sens de son ame, que toute la corrupruption et les vices qui sont en nous, sont procédez de ce qu'Adam noslre père s'est aliéné de Dieu, par sa rébellion; et en délaissant la source de vie et de tous biens, s'est asserui à toute misère. Ainsi que nous naissons en peclié originel, et sommes tous maudits de Dieu et damnez dés le ventre de la mère : non pas seulement par la faute d'autruy, mais à cause de la malice qui est en nous dés la naissance, encores qu'elle n'y apparoisse point.

Nous confessons aussi que le péché originel emporte aueuglement d'esprit et peruersité de cœur, tellement que nous sommes despouillez de tout ce qui appartient à la vie celeste, et mesmes que tous les dons naturels sont deprauez et souillez en nous ; qui est cause que nous ne saurions auoir nulle bonne pensée ne mouuement à bien faire ; et détestons

ceux qui nous attribuent quelque franc-arbitre pour aspirer à bien, pour nous préparer à estre en la grâce de Dieu, ou coopérer comme de nous mesmes à la vertu qui nous est donnée par le Saint Esprit.

Nous confessons aussi que par la bonté inestimable de Dieu lesus Christ nous a esté donné pour remède afin de nous ramener de mort à vie, et restaurer ce qui estait decheu en Adam : et que pour ce faire, luy qui estait la sagesse éternelle de Dieu son Père et d'vne mesme essence, a vestu nostre chair, tellement qu'il a esté fait Dieu et homme en vne seule personne. Sur quoy nous détestons toutes les hérésies contreuenantes à ce principe, comme de Marcion, Manichee, Nestore, Eutyche, et leurs semblables. Item, les resueries que Seruet et Schuenfeld ont voulu remettre au dessus.

Quant au moyen de nostre salut, nous confessons que lesus Christ en sa mort et en sa résurrection a parfait et accompli tout ce qui estoit requis à effacer nos offenses, afin de nous reconcilier à Dieu son père : et que il a surmonté la mort et le diable, afin que nous iouissions du fruit de sa victoire : et aussi qu'il a receu le Saint Esprit en toute plénitude, afin d'en distribuer à chacun des siens selon la mesure que bon luy semble.

Nous confessons donc que toute nostre iustice, par laquelle nous sommes agréables à Dieu, et en laquelle il nous faut du tout reposer, gist en la remission des péchez, laquelle il nous a acquise au lauement que nous auons en son sang, et au sacrifice vnique par lequel il a appaisé l'ire de Dieu enuers nous. Et tenons pour vne presumption détestable que les hommes s'attribuent aucun mérite, pour y mettre une seule goûte de la fiance de leur salut.

Nous confessons cependant, que lesus Christ non seulement nous iustifie en couurant toutes nos fautes et iniquitez, mais nous renouuele aussi par son Esprit : et que ces deux choses sont inséparables, d'obtenir le pardon de nos péchez et d'estre reformez en sainte vie. Mais pour ce que iusqu'à ce que nous sortions du monde il demeure tousiours beaucoup de pouretez et vices en nous mesmes (tellement que toutes les bonnes œuures que nous faisons par l'aide du Saint Esprit sont entachées de quelque macule), il nous faut tousiours auoir nostre refuge à la iustice gratuite procédante de l'obéissance que lesus Christ a rendue pour nous, d'au-

tant que nous sommes acceptez en son Nom, et que Dieu ne nous impute point nos pecliez.

Nous confessons que nous sommes faits participans de lesus Christ et de tous ses biens par la foy de l'Euangile, quand nous sommes asseurez d'vne droite certitude des promesses qui sont la contenues. Et pour ce que cela surmonte toutes nos facultez, nous disons que nous ne pouuons auoir la foy sinon par l'Esprit de Dieu : mesme que c'est vn don spécial, qui n'est communiqué sinon aux esleus qui ont esté prédestinez douant la création du monde à l'héritage de salut, sans aucun esgard de leur dignité ne vertu.

Nous confessons aussi que nous sommes iustifiez par la foy, en tant que nous acceptons lesus Christ, qui nous est donné du père pour Médiateur, et sommes fondez sur les promesses de l'Euangile, par lesquelles Dieu nous testifie qu'il nous tient et aduouë comme ses enfans, pour iustes et purs de toute macule, en tant que nos péchez sont effacez par le sang de son Fils. Sur quoy nous détestons les resueries de ceux qui veulent faire acroire que la iustice essentielle de Dieu est en nous, ne se contentans point de l'acceptation gratuite, à laquelle seule l'Escrilure nous commande de nous arrester.

Nous confessons que la foy nous donne ouuerture et accès pour inuoquer Dieu : et que nous le douons inuoquer auec certitude d'estre exaucez, selon qu'il nous a promis : et que cest honneur luy doit estre reserue à lui seul, comme le sacrifice souuerain par lequel nous déclarons que nous tenons tout de luy. Et combien que nous ne soyons pas dignes de nous présenter douant sa Maiesté : toutefois qu'ayant lesus Christ pour Médiateur et Aduocat, nous auons bien de quoy nous contenter. Sur quoy nous détestons la superstition qui a esté controuuee de s'adresser aux saints et aux saintes, afin de les auoir pour patrons qui intorcudent enuers Dieu.

Nous confessons que tant la reigle de bien viure que l'instruction de la foy, sont contenues en l'Escriture saincte, voire en toute perfection, tellement qu'il n'est licite de rien adiouster ne diminuer. Sur quoy nous détestons tout ce que les hommes ont dressé de leur inuention propre, tant pour en faire articles de foy que pour obliger les consciences à leurs lois et statuts. Et en gênerai nous reietons toutes les façons de faire qu'on a introduites pour le seruice de Dieu sans l'auctorité de sa parole, comme sont toutes les cérémonies

de la Papauté. Et détestons tout le ioug tyrannique dont les poures âmes ont esté oppressées : comme est la loy de se confesser, la deffence du mariage, et choses semblables.

Nous confessons que l'Eglise doit estre gouuernee par les Pasteurs qui ont la charge d'annoncer la parole de Dieu et administrer les Sacrements : et que nul ne s'y doit ingérer de soy mesme sans élection légitime, pour euiter confusion : et que si ceux qui sont appelez à ceste charge ne l'exercent fidèlement, ils en doyuent estre déposez : et que toute leur puissance et supériorité est de conduire ceux qui leur sont «ommis, par la parole de Dieu, tellement que lesus Christ demeure tousiours souuerain Pasteur et seul Maistre de son Eglise, et qu'on n'escoute que sa voix. Sur quoy nous détestons tout Testât de la papauté qu'ils appellent Hiérarchie, comme vne confusion infernale establie en despit de Dieu, €t en moquerie et opprobre de la Chrestienté.

Nous confessons qu'outre la prédication à cause de nostre rudesse et infirmité, nous avons besoin des Sacremens, comme des sceaux, qui soyent pour ratifier les promesses de Dieu en nos cœurs : et qu'il y en a deux qui nous ont estez ordonnez de lesus Christ, assauoir le Baptesme et la Gène, et non plus : le premier pour nous donner entrée en l'Eglise, le second pour nous y entretenir. Et reiettons les cinq sacremens que les Papistes ont forgé de leur teste.

Et combien que les Sacremens nous soyent arres pour nous asseurer de la grâce de Dieu : toutes fois nous confessons qu'ils nous seroyent inutiles, sinon d'autant que le Saint Esprit les fait valoir comme instrumens, afin que nostre fiance ne soit nullement distraite de Dieu pour s'amuser aux créatures. Et mesme nous confessons que les Sacremens sont deprauez et corrompus quand on ne les rapporte point à ce but, de cercher en lesus Christ tout ce qui appartient à nostre salut, et qu'on les applique à autre vsage que d'auoir nostre foy du tout arrestee en luy. Et d'autant que la promesse d'adoption s'estend à la race des fidèles, nous confessons que les petits enfans doiuent estre receuz en l'Eglise par le Baptesme : et détestons sur cela l'erreur des Anabaptistes.

Quant à la Cène, nous confessons que ce nous est vn tesmoignage de l'vnité que nous auons en nostre Seigneur lesus Christ : d'autant qu'il n'est pas seulement vne fois mort et resuscité pour nous, mais aussi nous repaist vrayement et nourrit de sa chair et de son sang, à ce que nous soyons

vn auec liiy, et que sa vie nous soit commune. Combien qu'il soit au ciel iusques à ce qu'il vienne pour iuger le monde, toutesfois nous croyons que par la vertu secrette et incompréhensible de son Esprit il viuifie nos âmes de la substance de son corps et de son sang.

Et en gênerai nous confessons que tant en la Gène que au Baptesme Dieu nous donne realement et accomplit par effect ce que il y figure : mais que pour obtenir vn tel bien il nous faut conioindre la parole auec les signes. Sur quoy nous détestons l'abus et corruption de la Papauté, d'auoir osté le principal des Sacremens, assauoir la doctrine pour nous enseigner du vray vsage et fruit qui en procède, et en auoir fait comme des charmes et sorceleries.

Aussi nous confessons que l'eau estant vn élément caduque ne laisse pas de nous testifier en vérité au Baptesme la vraye présence du sang de lesus Christ et de son Esprit : et qu'en la Cène le pain et le vin nous sont vrais gages et infaillibles que nous sommes nourris spirituellement du corps et du sang de lesus Christ, et ainsi nous conioignons auec les signes la possession et iouissance de ce qui nous y est présenté.

Et d'autant que la saincte Cène, selon qu'elle a esté establie de lesus Christ, nous est un thresor inestimable et sacré, tant plus nous détestons, comme vn sacrilège insupportable, cette maudite abomination de Messe, laquelle ne sert qu'à renuerser tout ce que lesus Christ nous a laissé : tant en ce qu'on en fait vn sacrifice pour les viuans et pour les morts, qu'en tout le reste qui contreuient à la pure institution du sacrement de la Cène.

Nous confessons que Dieu veut que le monde soit gouuerné par loix et police, afin qu'il y ait quelques brides pour reprimer les appétits desordonnez des hommes. Ainsi qu'il a establi les royaumes, principautez et seigneuries, et tout ce qui appartient à Testât de iustice, et en veut estre recognu aucteur : afin qu'à cause de luy non seulement on endure que les supérieurs dominent, mais aussi qu'on les honore et prise en toute reuerence, les tenans pour ses lieutenans et officiers, lesquels il a commis pour exercer vne charge légitime et saincte. Pourtant, qu'il faut obeïr à leurs loix et statuts, payer tributs et imposts, et autres deuoirs, et porter le ioug de suiection d' vne bonne volonté et franche, moyennant que l'empire souuerain de Dieu demeure en son entier. Ainsi signé. Galatin.

MU — iQ -> ■