DÉFENSE FAITE DE LA PART DE L'ÉVÊQUE
DE CONVERTIR, TRAFIQUER, ETC., AVEC LES PRÊCHEURS DE LA SECTE LUTHÉRIENNE, LES SYNDICS, LES BOURGEOIS QUI LA FAVORISENT.
13 juin 1535.
Archives de Genève. Portefeuilles des pièces historiques.
Dossier N» 1125.
Causant les erreurs qui s'engendrent en la cite de Genefve par les prédications et les doctrines d'aulcuns prêcheurs luthériens, faulx. interpréteurs de la saincte évangille et escripture, prévaricateurs de nostre ancienne saincte foys catholique et commandement de nostre saincte mère TEglise^ supportés et maintenus par les sindiques et aultres citoyens.
bourgoys et habitans de la dite cité, qui par amonitions gratieuses que Ibeur soyent esté foictes ny si sont vouHu émeuder ny corriger, ayns ont renuncés tous les sainct sacrement de nostre saincte mère TEglise, marier les preslres, abbattus et mis à terre les croyx, image de nostre Dame, saincts et sainctes de paradis et les églises suyvant la loy judayque, veuillient du tout anichiler la cresciente el mémoyte de nostre Rédemption, la passion de nostre Sauveur et Rédempteur Jésucrist, veuUiant obvier que l'infection de telle meschante secte lutbérienne ne soyt semée hors la dicte cité et diocèse de Genefve, par la conversation, fréquentation et familiarité que Ton porroyt havoyr avecque les dits faux et mescbans prêcheurs, prophètes de Tantecrist et aussi Sindicques, citoyens, borgeois et habitans en la dicte cité, fauteurs des dict2 faux prescheurs, Ton amoneste de la part de très rérévérend père en Dieu monseigneur l'evesque et prince de Genefve toutes manières de gens de quelque estât, condition et prééminence qui soyent de ceste heure en avant ne soyent ousé ny si ardis parler, participer, converser, marchander, servir, donner faveur ny ayde ausdictz Sindiques, prescheurs et citoyens, bourgeois et habitans en la dicte cité de Genève, tenant la dite secte luthérienne secrètement ny publiquement par soy ni par aulcung allié, ny venir en la dicte "Cité sur penne de excommunication et de xxv livres à devoyr poyer sens aulcune rémission, la moytié à la partie qui les accusera, et Taultre moytié au procureur fiscal de nostre dict seigneur de Genefve, pour un chascung faisant du contraire, et ce durant le temps que les dicts faulx prêcheurs seront en la dicte eité, et jusques à ce eux et les dictes erreurs soyent degettés et que tous soyent retournés à nostre saincte mère l'Eglise, ayant aultre mandement de nostre dict seigneur de Genève. Donné Arboex ce xiij de juing mille V. XXXV, par le dict très révérend seigneur évesque et prince de Genève, Pierre, évesque et prince de Genefve. Machard.
Extractum est summarium supra scriptum et vulgarizatum a propria originali in latino descripto débite signato «t sigillato prout actestor ego subsignatus Régis.
