II. Copie de lettre envoyée à Monseigneur le duc
du 5 juillet (4 535).
Très illustre, très excellent et nostre très redoubté seignieur, tant et si très humblement que fère povons, nous recomandons à vostre bonne grâce.
Mon seigneur aujourd'huy a estez ici Mons"^ le collatéral Milliet, lequel de la part de vostre très excellente scigniorie nous a monstre une lettre que l'excellence de Mess" de Berne vous a escriple, faisans plaintifz contre nous, que sus vous païs donnions empêches aux marchians en leurs marchandises, aux postes et aultres messagiers, détornans les dites marchandises de leurs propres passiiges par sus vostre dit pais, qui tomboyt à gros dommayges tant de vostre dite très excellente seigniorie que de tous Mess'^'' des Ligues, tant à cause des péages que aultres ; et nous a prohiber le dit Mons*^ le collatéral, de la part de vostre dite très excellente seigniorie, de non plus il procéder.
Monseigneur, ceulx qui ont informés Texcellence des dis seig" de Berne, Font faict contre la vérité, pour ce que ne bavons pas faict et si se conste bavons riens faict sus vouz païz, ce a esté contre nouz ennemis résidans en Genève, en exéquution des sentenses qu'avons obtenues contre eulx par devant nouz et leurs juges ordinayeres, que croyeroos ne vouidriés empêché, ny aussi les dits seigneurs de Berne, quant serons bien informés de la vérité des grandes extorcions et ultrayges nous ont faict et font tous les jours les dis de Genève, (et non pour aultre sinon pour ce que ne nous sûmes vollu joindre avec eulx faisans monopoUe contre nostre très révérend seigneur et prince nostre seigneur de Genève), qui mécbamment ont tués nouz frères et parens, pilliés et forragés nouz biens, abbatus nouz maysons, dont summes estez contrains pour la conservation de nouz personnes, par le consentement de nostre dit très révérend seigneur Monsei* gneur de Genève, nous retirer céans ; là nous sont venust plusseurs foys en gros nombre de gens en armes assalli et signamment le jour de la feste ascention nostre Seigneur dernièrement passés, là où nous n'estions que vingt et deux, viendront en nombre plus de vuyt cens^ en armes, de nuyt, à grosse artillierie, nous assiéger et bactre le chasteau de céans, et depuys plusseurs foys sortis sus vouz dit pais en plusseurs lieux forager et pilliez nouz maysons, batus nouz femmes, enfans et serviteurs, prins aulcuns de nostre compaignie sus vostre dit pais, mesmement ung prestre qui menèrent en Genève et de première venue luy donnèrent six tray t de corde non pour aultre que pour luy fère déceler nouz confessions, et fais beaucopt d'aultres ultrayges ainsi que bien ferons apparestre par bonnes informations, dons ne povons croyere si les dis seig" de Berne (qui sont vous seigneurs de justice et qui ont le debvoyer à nous qui sûmes leurs povures combourgoys autant qu'à ceulx qui sont dans Genève) estoyent véritablement informés des ultrayges et extortions qui nous sont estez fais voullissent porter nouz dis ennemis contre nous, ains nous serions en aide et secours. Don supplions très humblement vostre dite très excellente seigniorie en volloyer estre véritablement informée et nous avoyer tousjours pour recomandés et non permectre que sus vouz païs teulx ultrayges et violences nous soyent fais. Et quant véritablement se consterat en hayons pieur faict, en voilons demorer à la cognessance et rigour du droyt, sans
nulle mercis, et ferons tout ainsi que vostre bon playsirs seserat nous comander de nostre petit povoyer, aidant le Créateur, lequel prions très illustre, très excellent et nostre très redoublé seigneur, vous donner bonne vie et longue. Du chastel de Pigney ce V* jour de juillet. Par les tous vostres très humbles et obéissans subjès et serviteurs les procureur fiscal et aultres compaignons de Genève résidans en Pigney.
III. Double de la réponse faite aux cantons, du 46 juillet 4535.
Très magnifliques, puissans et très redoublés seigneurs si très humblement que fères povons, nous nous recomandons à vous bones gr&ces.
Magoiffiques seigneurs, nous avons receu vous lettres datées du diziesme jour de julliet et avons entendu le bon volloyer que vous excellenses on envers nous, don grandement et très humblement vous remercions. Quant à se que vous excellenses on estes informés que avons faicl pluseurs injures et déprédacions de biens non tant seuUement à ceux de Genève, meys ausy aux eslrangiers passans, vous dites excellences on esté mal informés et contre toute vérité; cart nous n'avons tocbé à persone du monde, fors que à ceux de Genève, et se que leurs a esté fayl, a esté fayt par bonne justice, comment a esté cogneu et ordoné par deux sentenses tant part les officiers et juges ordinayres des dit de Genève, comment part les officiers et juges de Vienne, par lesqueulx on eslé condampné, là où les dit de Genève avoyent appelle. Et ne voudrions avoyer fayt autrement, et ne heussons nullement procédi contre eux, si heussenl voussu obtempéré et observé Tordonnance part vous magnifficences avec Mess" de Valloys donée au lieu de Thonon, où quel lieu et pour le dit affère vous dites excellences prindrcnl beaucop painnes et labeurs; meys les dit de Genève n'ont voussu nullement tenir ny observer vostre dicte ordonnance, ny pareillement selle de Lucherne, ains contrevenant à vous dites ordonances, on proccdy contre nous part forces et violences, en déchassant nous femes et enfans hors de nous maysons de la dicte ville de Genève, on prins et forragés nous biens estans aux dites maysons et puis en on défroché la plus grande partie en tant que sommes estes contrain nous retiré aux chastel de nostre révérend seigneur, Monseig" de Genève,
Dostre prince et seigneur, aut quel sommes de présent vivans assé pourement pour les grandes extorcions nous on fayt les dit de Genève, nous adversayres ; par eux non estans contans des injures et vioUences à nous faites dans la ville de Genève, sont pluseurs foys sorty en armes à grand puys^ sances avec artillierie, et nous sont venus assally icy au dit cbastel en teuUe sorte que si Dieu ne nous beu préservé, estions tous perdus et mors, et si on part pluseurs foys pilliés et forragés nous maysons qu'avons aux villages part le pays, entor la dicte ville de Genève, exqueulles avoyent retiré nous femes et enfans, et on bastu nous dites femes tant ensainctes qu'autres, jusques à leurs fère perdre le fruyt de leurs ventre, que sont choses fort contre Dieu et le monde, et de nous ne voudrions leurs fère le moindre cas qui on fayt et perpétré, meys se leurs fassons de tojors informé de messonges, et se ne sont que certain particulliers du dit Genève que se sont fayt gouverneurs de la dite ville, qui tiennent le reste de la dite ville en si grand subjection que à penne la gastent et du tout et s'en sortissent tous les jours les gens de biens pour se qui ne peuvent enduré la tirannie des dits governeurs. Don pléraz à vous dites excellences avoyer ^ard sur nous et nous avoyer pour recomandé en nostre bon droyt aussy qu'avons nostre parfayte fiance duquel ferons apparestre à vous magnifficences en temps et lieu et aussy aiéz pour recomandé la poure ville de Genève laquelle sans vostre ayde s'en va du tout à ruyne et non que par le mauveys govemement des dits governeurs. Et nous prions le Créateur du monde, très magniffiques, puissans et très redoubtés seigneurs pour la sainteté et prospérité d'icelles vostres magnifficences et seignories. Du cbastel de Pigney, se xvj jour de julliet 1535. — Les vostres très bumbles serviteurs, les poures gens sorty de Genève babitans aux cbastel de Pigney.
