EMPOISONNEMENT DE VIRET

Archives de Berne, Genfer Boch.

Le summaire de ce que la prisannyère nommée Anthayne, femme de Loys Françoys et fille de feu Guillaume de Vax de Bourg en Bresse , a confessé entre les mains de la justice de Genève, au moys de mars 4535.

Premièrement confesse avoir commys plusieurs larrecins tant à Genève que alieurs.

Item dit que ung nommé Thérosme Barbier, serviteur de révesque de Mauriane, lequel elle avoil aullresfois veu et cogneu à Burg, estant servante de Mons' de Chale nepveu dudit évesque et esleu de Mauriane, luy vint dire à Genève devant Noël au retourt de la journée de Thonon après plusieurs parolles, qu'il failloit, puis qu'elle et son mary estoient de l'évangille, familliers des prédicans, qu'elle les empuysonnasse ; et que pour ce faire luy envoyrait de la puison nommée sublimé, et que si l'on s'en appercepvoit riens, qu'elle se retirasse et conseillasse illec, au chanoine Gruet secrétaire de Monseig' de Mauriane, que bien cognoissoit. Et ainsy estre demeurés d'arresl trouva façon d'estre chambrière de la maison de Claude Bernard, hoste desditz prédicans ; et puis après sept ou huyt jours, receut par ung jeune gars laccaix de Monseig' de Châles ladite puison dedans ung papier, laquelle perdit, mais elle en recouvra de l'aultre semblable par subtil moyen ché un appothicaire où elle avoit demeuré paravant.

Après, confesse que d'ycelle puison voulsit premièrement mettre dedans le pot et la suppe d'ung cuturier nommé maistre Ânthoine, demeurant à Genève, fugitif luy et sa famille

de Lyon pour la parolle, mais qu'elle se réadvisa tout soubdain, ainsy qu'ellestoit preste à faire le cas, et n'y en mit point par le vouloir de Dieu.

Item et que puis après, ung samedi viij de mars myt et bouta de la dite puyson sublimé au gros de une useille, dedans la suppe de moistre Pierre Viret prédicant, qu'elle luy avoit cuysené d'espinars à part, pour son estomac, et que premièrement agousta un peu de la dite suppe pour sçavoir si ellestoit fort amère ; mais qu'elle allast tout incontinant boyre de l'eau froide après cela, sçacbant que c'estoit le préservatif contre ladite puyson. Et ainsy dressa et pourta la dite suppe au dit Viret, laquelle mangea devant elle ainsy acoustr^ pour le faire mourir, combien que jamais ne luy heut fait desplaisir.

Item dit qu'elle en vouloit bien faire aultant à maistre Guillaume Farel, mais pour ce qu'il voulsit de la suppe du ménaige qu'estoit claire, n'y en ousa mettre craignant qu'il ne le cogneusse.

Item dit que cinq ou six jours après, estant de ladite maison décbassée pour quelque larrecin qu'elle y avoit faict, voyant et sçacimnt que ledit maistre Pierre Viret estoit fort malade, allast, ce soir qu'elle fust prise, chercher ledit chanoine Gruet en sa maison, mais il s'en estoit desjà fuy.

Item dit que le dit chanoyne luy avoit dit par avant tenans propost de ce affaire, faicz, faicz ardiment, ne te soucye.

Interroguée si elle avoit jamais usé ne veu user paravant de celle ny aultre puison, respond que premièrement passés IX ans en ouyt parlé à Lyon ché Nycolas Le Villain où elle estoit servante, à ung serviteur de léans qui en pourtoit dedans un agniis Dei, et que tousjours despuis a heu désir d'en avoir, mesmement quant ellestoit courrousée contre son mary pour l'empuisonner, et aussy pour s'empuisonner soy mesmes afin d'estre hors de ce monde, et s'il elle en avoit à présent qu'elle s'empuisonneroit.

Item respond que du temps qu'elle estoit servante à Bourg en Bresse ché ung pellitier nommé Polliat, vid et sceut comme sa maistresse, femme dudit pelletier avoit obtenu de la dite puison sublimé d'ung médecin yspagool qui est encoures a Bourg, et que d'icelle puison sa maistresse avoit mis ung jour dedans la suppe de son mary, mais qu'elle en heut pitié et housta ladite suppe de devant son maistre et la bailla à ung chien qu'en mourut tantost après. Et que sur

œ le dit mary esire enformé du cas, fit tant qu*U beut de k dite puyson et puis après estans en ung vilaige là auprëa, en mit dedans la suppe de sa femme, tellement qu'elle en moiirut trois jours après.

Item respond que le dit seigneur de Cbalex esleu évesque de Mauriane, du temps qu'elle le servoit, qu'il luy bailla en garde un cornet plein de la pouldre de la dite puison sublimé, et que buyt jours après, estans à Cuysery près du pont de Vaulx. pour banquester cbé le mary de sa mère, son dit roaistre Mons*^ de Cbalex luy dit en la cuysine: Ântboine baillés moy ce que je vous bailly l'aultre jour : et après le luy avoir baillé, en fit ainsi qu'il voulsit, toutesfois qu'elle croit qu'il en donnasse à manger au mary de sa mère, car il trépassa trois jours après et fust son corps ouvert par les cirurgiens qui dirent après Tadvoir visité, qu'il avoit esté empuisonné.

Item après ce et par conclusion a dit aux sindicques et seigneurs de la justice de tienève : Messeigneurs prenés vous garde de voz serviteurs, qu'ilz ne vous empuisonnent, car il se meinent'beaucopt de practicques.