CONFESSION DE FOI DE FAREL

Confession de la Foi, laquelle tous bourgeois et Iiabitans de Genève et sujets du pays doivent jurer d^ garder et tenir.

l. La Parolle de Dieu, Premièrement. Nous prolestons, que pour la rcigle de nosire foy et religion, nous voulions

1. CeUe GonfessioD est un modèle de sagesse et de chanté. Si elle avait été maintenue à la lettre et dans sou esprit, les anathémes et les bûchers n'auraient jamais déshonoré la religion chrétienne dans la yallée du Léman.

suyvre la seule Escripture, sans y mesler aucune chose qui ayt esté conirouvée du sens des hommes, sans la ParoUe de Dieu ; et ne prétendons pour nostre gouvernement spirituel, recevoir aucune doctrine, que celle qui nous est enseignée par icelle paroUe, sans y adjouster ne diminuer, ainsi que nostre Seigneur le commande.

II. Ung seul Dieu. Suyvant doncques T institution qui est contenue aux Sainctes Escriptures. Nous recognoissons qu'il y a ung seul Dieu, lequel nous dehvons adorer, et auquel nous dehvons servir, auquel nous devons mettre toute nostre fiance et espérance : ayant celle asseurance, qu'en luy seul est contenue toute sapience, puissance, justice, bonté et miséricorde. Et comme il est Esprit, qu'il le fault servir en esprit et en vérité. Et pourtant reputons une ahominalion, de mettre nostre fiance ny espérance en créature aulcune, de adorer aultre que luy : soit anges ou aultres créatures quelconques, et de recongnoistre .auItre Seigneur de nos âmes que luy seul, soient saincts ou sainctes, ou hommes vivans sur la terre ; pareillement de constituer le service qui luy doibt estre rendu, en cérémonies extérieures et observations charnelles, comme s'il se delectoit en telles choses; de faire ymage pour représenter sa divinité, ne aussi aultre ymage pour adorer.

III. Loy de Dieu, seule pour toutes. Pourtant qu'il est le seul Seigneur et Maistre, qui a la domination sur nos consciences, et aussi que sa vouUunté est la seuUe reigle de toute justice, nous confessons, que toute nostre vie doibt estre reiglée aux commandemens de sa sainte loy, en laquelle est contenue toute perfection de justice, et que nous ne dehvons avoir aultre reigle de bien vivre et justement, ne inventer aultres bonnes œuvres pour complaire à luy, que celles qui y sont contenues, ainsi qu'il s'ensuyt.

Exode XX. Je suis le Seigneur ton Dieu, qui t'ay tiré, etc. Ici étaient tout du long les X Commandemens de la Loi.

IV. L'homme en sa nature. Nous recognoissons l'homme en sa nature estre du tout aveugle en ténèbres d'entendement, et plain de corruption et perversité de cueur, tellement que de soy mesmes il n'a aucune puissance de povoir comprendre la vraie cognoissance de Dieu, comme il appartient, ne de s'adonner à bienfaire. Mais au contraire, s'il est délaissé de Dieu en sa propre nature, il ne peult synon demeurer en ignorance, et estre abandonné à toute iniquité.

Par quoy il a besoing d'estre illuminé de Dieu, pour venir à la droicte cognoissance de son salut ; et aussi d'estre en son affection r^ressé et réformé à Tobeyssanoe de la justice de Dieu.

V. U homme en soy damné. Puisque l'homme est naturellement (ainsi comme dit a esté) despourvu et desnué en soy de toute lumière de Dieu et de toute justice : nous recognoissons qu'en soy mesmes il ne peult attendre que Tire et la malédiction de Dieu, et pourtant qu'il doibt chercher autre part qu'en soy le moyen de son salut.

VI. Salut en Jésus. Nous confessons doncques que Jesu- Christ est celui qui nous a esté donné du Père ; afin qu'en lui nous recouvrions tout ce qui nous default en nous mesmes. Or tout ce que Jesu-Christ a faict et souffert pour nostre rédemption, nous le tenons véritable sans aulcun double^ ainsi qu'il est contenu au Symbole, qui est recité en l'Eglise^ c'est assavoir :

Je croy en Dieu le Père tout puissant, etc. Ici était tout du long le Symbole des Apôtres.

VII. Justice en Jésus. Pourtant nous recognoissons les choses qui s'ensuyvent nous estre données de Dieu en Jésu- Ghrist : Premièrement, que estant de nostre nature ennemys de Dieu, subjects à son ire et jugement, nous sommes réconciliez avec luy et remis en sa grâce par l'intercession de Jésu-Christ, d'aultant que en sa justice et innocence nous avons remission de nos iniquitez, et que par l'effusion de son sang nous sommes purgez et necloiez de toutes nos macules.

VIII. Régénération en Jésus. Secondement, que par son Esprit nous sommes régénérez en nouvelle nature spirituelle. C'est-à-dire que les concupiscences maulvaises de nostre chair par sa grâce sont mortifiées; afin de ne plus régner en nous. Et au contraire nostre volunlé est rendue conforme à celle de Dieu pour suivre sa voye et chercher ce qui luy est agréable. Et pourtant que par luy nous sommes délivrez de la servitude de péché, soubs la puissance duquel nous sommes de nous mesmes tenus captifs : et que par icelle délivrance nous sommes faicts capables et ydoines à faire bonnes œuvres et non aultrement.

l\/ Remission des péchez toujours nécessaire aux fidèles. Finablement que ceste régénération est tellement faicte en nous, que jusques à ce que nous sommes despouilliez de

ce coq)s mortel, il y demeure tousjours en nous beaucoup d'imperfection et d'infirmitez ; tellement que nous sommes tousjours pauvres et misérables pécheurs devant la face de Dieu. Et combien que nous debvions de jour en jour croistre et proffiter en la justice de Dieu ; toutesfois il n*y a jamais plénitude ne perfection, cependant que nous conversons ici. Par quoy nous avons tousjours besoing de la miséricorde de Dieu pour obtenir remission de nos faultes et offenses. Et ainsy debvons nous toujours chercher nostre justice en Jesu- Christ, et non point en nous, et en lui nous reposer et assurer, ne rien attribuant à nos œuvres.

X. Tout nostre bien en la grâce de Dieu. Et afin que toute gloire et louenge soit rendue à Dieu (comme elle est deue), et que nous puissions avoir vraye paix et repos en nos consciences, nous entendons et confessons, que nous recevons tous les bénéfices de Dieu cy-dessus recitez par sa seulle clémence et miséricorde, sans aulcune considération de nostre dignité, ou mérite de nos œuvres ; auxquelles n'est deue aucune rétribution que de confusion éternelle. Néanmoins, que nostre Seigneur par sa bonté nous ayant receu en la communion de son fils Jésus, a les œuvres que nous faisons en foy plaisantes et agréables; non point qu'elles le méritent, mais pourtant que ne nous imputant point l'imperfection qui y est, il ne recognoist en icelles, synon ce qui procède de son esprit.

XI. Foy. Nous confessons que l'entrée que nous avons a si grans thresors et si grandes richesses de la bonté de Dieu, qui est espandue sur nous, c'est par la foy : quant en certaine confiance et certitude de cueur, nous croyons aux promesses de l'Evangile et recevons Jesu-Christ tel qu'il nous est présenté du Père, et qu'il nous est descript par la ParoUe de Dieu.

XII. Invocation de Dieu seul, et intercession de Christ. Comme nous avons déclairé ne avoir la confiance et espérance de nostre salut et tout bien en aultre que en Dieu par Jesu4]hrist ; aussi nous confessons que nous le debvons invoquer en toutes nos nécessités au nom de Jesu-Christ, qui est nostre médiateur et advocat, par lequel avons accès à luy. Pareillement debvons recognoistre que tous biens viennent de luy seul, et luy en rendre action de grâces. Au contraire nous rejectons l'intercession des Saincts, comme une supers* tition inventée des hommes contre l'Escripture ; vu mesmcs

que elle ne procède que de deffiance que Tintercession de Jesu-Ghrist ne soit suffisante.

XIII. Orayson intelligible, Davantaige, puisque oraison n'est synon hypocrisie et faintise, si elle ne procède de l'affection intérieure du cueur ; nous entendons que toutes oraisons se doibvent faire en certaine intelligence. Et pour ceste cause nous apprenons l'Oraison de nostre Seigneur, pour bien entendre ce que luy debvons demander.

Nostre Père qui es es cieulx, ton nom, etc. Ici était tout du long V Oraison Dominicale finissant par ces mots :

Mais délivre nous du maling. Âmen.

XIV. Sacreniens. Nous entendons que les sacremens, que nostre Seigneur a ordonnez en son Eglise, nous doibvent estre comme exercices de foy, tant pour la fortifier et confermer aux promesses de Dieu, que pour la tesmoigner envers les hommes. Et seulement en y a deux en l'Eglise chrestienne, qui soient constituez de l'auctorité de Dieu : le Baptesme et la Cène de nostre Seigneur : pourtant ce qui est tenu au royaulme du pape, de sept Sacremens, nous le condempnons comme fable et mensonge.

XV. Baptesme. Le Baptesme est ung signe extérieur, par lequel nostre Seigneur teslific qu'il nous veult recepvoir pour ses enfans, comme membres de son fils Jésus. Et pourtant en iceluy nous est représentée la purgation de nos péchés que nous avons au sang de Jesu-Ghrist, la mortification de nostre chair, que nous avons par sa mort, pour vivre en luy par son esprit. Or puisque nos enfans appartiennent à une telle alliance de nostre Seigneur, nous sommes certains que a bon droit le signe extérieur leur est communiqué.

XVI. La Sainte Cène. La Gène de nostre Seigneur est ung signe par lequel soubs le Pain et le Vin il nous représente la vraie communication spirituelle que nous avons en son corps et son sang. Et reconnoissons que selon son ordonnance elle doibt estre distribuée en la compagnie des fidèles; afin que tous ceulx qui veulent avoir Jésus pour leur vie en soient participans. Or, d'aultant que la messe du Pape a esté une ordonnance mauldicte et diabolique, pour renverser le mislere de Ste. Gène, nous déclairons qu'elle nous est en exécration, comme une idolâtrie condamnée de Dieu ; tant en ce qu'elle est estimée ung sacrifice pour la rédemption des

âmes, que pour ce que le pain est en icelle tenu et adoré comme Dieu. Oultre les aultres blasphèmes et superstitions exécrables, qui y sont contenues, et l'abus de la ParoUe de Dieu, qui y est prinse en vain sans aucun fruict ne édification.

XVII. Traditions humaines. Les ordonnances qui sont nécessaires à la police intérieure de l'Eglise, et appartiennent seullement à entretenir paix, honnesteté et bon ordre en l'assemblée des chrestiens, nous ne les tenons point pour traditions humaines, d'aultant qu'elles sont eomprinses soubs ce commandement général de St. Paul, où il veult que tout se face entre nous decentement et par bon ordre ; mais toutes loix et constitutions faictes pour lier les consciences, pour obliger les fidèles à choses qui ne sont commandées de Dieu, pour establir aultre service de Dieu que celuy qu'il demande, et tendantes à rompre la liberté chrestienne, nous les condemnons comme perverses doctrines de Satban. Veu que nostre Seigneur declaire qu'il est honoré en vain par doctrines qui sont du commandement des hommes. Et en telle estime avons nous les pellerinages, moyneries, différences de viandes, deffences de mariages, confesses, et aultres semblables.

XVIII. Eglise, Combien qu'il n'y ayt qune seule Eglise de Jesu-Christ, toutes fois nous recongnoissons que la nécessité requiert les compaignies des fidèles estre distribuées en divers lieux. Desquelles assemblées une chacune est appellée Eglise. Mais daultant que toutes compaignies ne s'assemblent au nom de nostre Seigneur, mais plustost pour le blasphémer et polluer par leurs sacrilèges, nous entendons que la droicte marque, pour bien discerner l'Eglise de Jesu- Christ, est quant son St. Evangile y est purement et fidèlement presché, annoncé, escouté et gardé ; quant ses Sacremens sont droictement administrez, encores qu'il y ayt quelques imperfections et faultes, comme tousjours il y en aura entre les hommes. Au contraire là où l'Evangile n'est déclairé ouy et receu, là nous ne recognoissons point forme d'Eglise. Et pourtant les Eglises gouvernées par les ordonnances du pape sont plustost synagogues du diable que Eglises crestiennes.

XIX. Excommunicatioti. Toutes fois pource qu'il y a tousjours des contempteurs de Dieu et de sa sacrée ParoUe, lesquels ne tiennent compte de administration ne exhortation.

ne reprehensîon, ains ont mestier d'ung plus grant chastiement. Nous tenons la discipline d'excommunication estre une chose saincte et salutaire entre les fidèles, comme véritablement elle a esté instituée de nostre Seigneur pour bonne raison. C'est affin que les mescbans par leur conversation damnable ne corrompent les bons, et ne déshonorent nostre Seigneur, et aussi que ayant honte ils se retournent à pénitence. Et pourtant nous entendons qu'il est expédient selon l'ordonnance de Dieu, que tous manifestes idolâtres, blasphémateurs, meurtriers, larrons, paillars, faulx tesmoings, séditieux, noiseuls, detraicteurs, bateurs, yvrognes, dissipateurs de biens; après avoir esté deuement admonestez, s'ils ne viennent à amendement, soient séparez de la communion des fidèles, jusques à ce qu'on y aura cogneu repen tance.

XX. Ministres de la Parolle. Nous ne reputons point aultres pasteurs de l'Eglise que les fidèles pasteurs de la Parolle de Dieu, et repaissans les brebis de Jesu-Christ par icelle en instructions, admonitions, consolations, exhortations, reprehensions, d'aultre part resistans à toutes faulses doctrines et tromperies du diable, sans mesler parmy la pure doctrine des Escriptures, leurs songes ne folles imaginations. Et ne leur attribuons aultre puissance ne auctorité, synon de conduire, régir et gouverner le peuple de Dieu à eulx commis, par icelle Parolle ; en laquelle ils ont puissance de commander, deffendre, promettre et menasser, et sans laquelle ils ne peuvent et ne doibvent rien attenter. Or comme nous recevons les vrays ministres de la Parolle de Dieu comme messaigiers et ambassadeurs de Dieu, lesquels il fault escouter comme luy mesmes, et repuions leur ministère eslre une commission de Dieu nécessaire en l'Elglise; aussy d'aultre part nous tenons, que tous séducteurs, faulx prophètes, qui délaissant la pureté de l'Evangile déclinent à leurs propres inventions, ne doibvent nullement estre soufferts ne soutenus, quelque tiltre de pasteurs qu'ils prétendent ; mais plustost, comme loups ravissans, doibvent estre chassez et déboulez du peuple de Dieu.

XXI. Magistrats, Nous avons la supereminence et domination, tant des roys et princes, que aultres magistrats et supérieurs, pour une chose saincte et bonne ordonnance de Dieu. Et comme eulx, en faisant leur office, ils servent à Dieu, et suyvent une vocation chrestienne, soit en deffen-

dant les affligez et innocens, soit en corrigeant et punissant la malice des pervers ; aussy de nostre part, que nous leur devons porter honneur et révérence, rendre obeyssance et subjection, exécuter leurs commandemens, porter les charges à nous par eulx imposées, entant qu'il nous est possible sans offenser Dieu. En somme, qu'il nous les fault reputer comme vicaires et lieutenans de Dieu, auxquels on ne puisse nullement résister, synon en resistans à Dieu mesmes. Et leur office, comme une saincte commission de Dieu, laquelle il leur a donné, affin de nous gouverner et régir. Parquoi nous entendons que tous chrestiens sont tenus de prier Dieu pour la prospérité des supérieurs et seigneurs des pais où ils vivent, obeyr aux statuts et ordonnances qui ne contreviennent aux commandemens de Dieu, procurer le bien, la tranquillité et utilité publique, se efforceant de entretenir Tbonneur des supérieurs et tranquillité du peuple, sans rien machiner ne procurer qui soit pour esmouvoir troubles ne dissentions. Et au contraire nous declairons, que tous ceulx qui se portent infidèlement envers leurs supérieurs, et ne ont droicte affection au bien publicq du pays, où ils conversent, en cela ils démonstrent leur infidélité envers Dieu.