DES POTIERS DE TERRE ET DU MESTIER DE LE TIEULLERIE

l.Item, que li potier de terre faicent pos tenans un lot, et que li pot aient deux doiz de lisière par de, I. H

seure le lot, et que chascuns potiers faice se merque

el pot, et que tavemiers neprengnentne acatent pos, se il ne sont merquié de le merque az potiers et le viengnent les potiers renouveler chascun an devers nous.

-2. Item, que nulz potiers de terre ne tieulliers délivre pos ne tieulle devant ce que les wardes qui ad ce seront mis de par nous les aront veux.

3. Item, que nulz potiers ou tieulliers soient si hardis qu'ils faicent paielles, pos et canettes, ne tieulles qu'il n'y ait es dis pos, paielles et canettes et tieulles le tierch de forte tere du mains, et qu'il enquerchent leurs dictez tieulles ù premier solierpar desseure. Et leur a esté enjoint à tenir, sur le mestier perdre an et jour et sur le amende de le ville.

4. Item, que, pour ce que nous avons les maullcs de fer qui est droit patron, lesquelz sont en nostre

icvinage, tant de tieulles, de vaniaux, comme de fetissures, chascuns ait ses maulles telz et sans amenrier, sur l'amende de lx solz parisis et perdre le mestier an et jour.

5. Item, que toutes manières de tieulles soient faictes, tenues en leur grandeur et sequiés par boine ordenance, bien et souffîssamment cuites et non mie arses, et que en chascune tieulle ù blanc de dessoux et de desseure, le plonc soit trouvé fondu de le fournée et que elle ne puist estre ostée ne levée, se n'est par nos wardes que nous y avons commis et commettons chascun an, sur l'amende de lx solz parisis.

6. Item, que la dicte cuiture des dis vaniaux et des dites fetissures soient cuittez et plommées, comme pardessus est dit, bien et souffîssamment, sur le dicte amende.

7. Item, que nulz ne soit si hardis qu'il amainice tieulle en Abbeville pour vendre là ù il ait argille, mais soit toute pure de terre, et qui le fera ou amerra vendre en la dicte ville, elle sera fourfaictc et l'amendera par le jugement des maire et cschevins. Car tieulle, là ù il a argille, est fausse et malvaise et brise et ne dure nient.

8. Item, que nul couvreur de tieulle soit si hardis qu'il vende tieulle ne estoffe, car nous et les gens de le ville en sommes et avons esté deceu en plusieurs manières : c'est assavoir que les dis couvreurs acatent maleuvre là ù ils waignent à moitié et en mettent plus en œuvre qu'il ne convient et ostent le tieulle viese dont on se passast bien pour y mettre leur nœuve.

9. Item, que nulz potiers ne puist refaire pos de terre de nulle refaiture qui ne puist souffrir fu et yaue.

10. Item, que nulz potiers puist ouvrer par nuit mais par jour.

DES CORIERS.

\. Item, que nulz coriers faice coroiez estoffées de plonc, d'estain, sur l'amende de le ville e seur les corroyés ardoir, ne que nulz marchans ne les apporte en le ville pour vendre, sur icellez ardoir et surPamend3 de le ville.

2. Item, que nulz coriers n'acate cuir tané pou? faire coroies, s'il n'est merquiés du fer de le ville là ù il a esté tanés, et qu'i soit monstres aux wardes de le ville et du cuir ardoir.

SOO PIECE? JUSTIFICATIVES

DES CORDOUANIERS .

Primez, que nulz ne mette à saullers de cordouan fors que cordouan, sur l'amende de le ville et sur les solers ardoir.

2. Item, que nulz ne œuvre de cordouan de le hoye, sur l'amende de le ville et sur les derrées et cauchiers perdre.

3. Item, que nulz soit si hardis qu'il conroye cordouan par nuit, sur l'amende de le ville, ne autre cuir au feu de cheminée, sur la dite amende.

4. Item, que nulz vende basenne aveuc cordouan ne à un meismes estai, mais les séparece et vende à 1 estai à par luy.

5. Itern, que quiconques fera cauchiers de basenne, il y mèche semelles rouges et les vende à par aus ou aveques viese œuvre, sur l'amende de le ville.

6. Item, que tous cordouaniers ou seures eonroiecent bien et soufiissamment les rives que il metteront as solers ou az housiaux, sur les denrées ardoir et amende de lx solz parisis.

7. Item, que nulz suerres tanece cuir ou faice taner, et que nulz taneur faice solers à se maison ou ailleurs en le dicte ville et banlieue.

8. Item, que tous solers estranges seporront vendre en cette ville, mais que ilz soient boin et loiel.

9. Item, que nulz lannerres, conrreres ne cordouaniers ou suerres ne puist taner ou décopper cuir conré ou à conreier, que il ne soit merquiés du fer de le ville et que le fer demeure jusques au derrain de le pièce de cuir.

10. Item, que tous cculx qui conroient et conroieront ne conroie àluymesme, pour pluseurs fraudes qui y poentestre, et aussi deffendons que nulzd'iceulx ne se entremette de le dicte marcandise.

11. Item, deffendons que nulz conreurs de le dicte ville ne conroie cuirs aux taneurs de le dicte ville, se n'est pour leur usage, à peine de lx sols parisis d'amende et perdre le mesticr an et jour.

12. Item, que yceulz meismes ne conroient leurs cuirs d'aulz meisme, ne ne vendent cose dont créature se gouverne en boire ne en mengier, ne aussi sicu ne sain, car mult de fraudes et malices y ont esté trouvés, pour ce que leurs cuirs sont et estaient trouvés du meilleur manouvres et espécialement du meilleur sain, et li estrange cuir estoient conré du pieur, qui est en ce déception du peuple, et meismement seroit abhominable cose pour corps de créature pour le fiers et crasses à veir.

13. Item, les autres meilleurs par le boin conroy qu'il leur baillent, il apperent mieuldres, et ainsi le diteswart soit usé etaccoustumé à faire en plusieurs aultres borniez villes.

14. Item, ordenons sur le dicte amende et deffendons que à conrer cuirs de cordouan on-ne mette point do sieu, pour ce que li ouvrage n'est mie boin ne pourfitables. Car le sieu fait descéchier le cuir, adurchir et aorbir.

15. Item, se aulcun cuir de qucval est tanés en la dicte ville, il soit commandé que sur l'amende il soit à par lui vendus et qu'il y ait différence et descognoissance d'aultre cuir de vacque ne à Testai là ù on vent les cuirs de vaques tanés, car l'œuvrage qui en est fais n'est ne si boin ne si loicl que de cuir de vacque, et

n'est mie dignes de estre mis en ouvrage ou dit mestier qu'il n'y ait différence et descognoissance, et samlablement, se on en fait solers, que ilz soient par aulcuns signes cogneux et vendus à par aux et autel descognoissance que on fait cle baseime à cordouan, et se il est trouvé du contraire, il y ara amende de lx solz.