AUTOFUSANT L'ÉTABLISSEMENT DES MAISONS PROFESSES (MAI

Henry, par la grâce de Dieu, Roy de France et de Pologne, à tous présens et à venir, salut

Sçavoir faisons nous avoir receu l'humble supplication de nos chers et bien amez les Religieux, prestres et escoliers de la Compagnie et Société de Jésus, contenant que, suivant les bulles de nostre Sainct Père le Pape, ils auroient obtenu des feus nos très chers sieurs père et frères les Roys Henry, François et Charles, derniers décédez, leurs lettres patentes dont les coppiesdeuement collationnées sont cy attachées soubs nostre contrescel, pour aggréer et authoriser leur dict ordre et Compagnie, mesme la fondation des maisons des profès qui sont -et pourront estre cy après fondées en nostre Royaume, lesquelles lettres auroient esté vériffiées en nostre cour de Parlement à Paris, apprès qu'il est apparu à nostre dicte Cour bien au long des dictes bulles et qu'il ne s'y est trouvé rien de préjudiciable aux saincts décrets et concordats entre le sainct Siège apostolique et nos franchises et libertés de l'Église Gallicane, et aux droits des Évesques, curés et universités de nostre dict Royaume, par vertu desquelles ils auroient institué plusieurs maisons et collèges aux diverses villes de nostre Royaume. Toutefois craignant qu'ils ne fussent troublés à l'advenir en l'establissement des maisons des profès qui sont à présent et pourroient estre cy apprès érigées et fondées en nostre Royaume, pour nourrir, retirer et entretenir ceux qui ont faict et feront cy apprès profession de leur estât et religion, suivant les statuts et règlemens d'icelle Compagnie, soubs prétexte que les dictes bulles et statuts n'avoient esté par nous confirmés, ils nous ont faict supplier et requérir leur vouloir sur ce pourvoir.

A ces causes, désirant la conservation et accroissement de la dicte Compagnie, règles et constitutions d'icelle, pour d'autant plus illustrer nostre Royaume de personnes de sçavoiret piété, avons de nostre certaine science, plaine puissance, grâce spéciale et authorité royalle, en suivant le zèle et dévotion de nos prédécesseurs Roys, aulhorisé,

approuvé et confirmé, authorisons, approuvons el confirmons l'establissement de leur dicte Compagnie et maisons des profès qui sont à présent, seront et pourront estre cyapprès érigées en nostre Royaume, tout ainsy et en la mesme forme et manière qu'il leur a été cy devant permis par les dictes lettres de nos dicts feus sieurs père et frères, et arrests de nostre dicte Cour, encores qu'ils n'aient esté par nous confirmés et aggréés, et qu'elles soient depuis longtemps, et surannées, et que ne voulons leur nuire ny préjudicier.

Si donnons mandement à nos amés et féaulx conseillers les gens tenans nostre Cour de Parlement à Paris, et à tous nos aultres justiciers et officiers présens et à venir, et à chacun d'eux en droict soit et comme à luy appartiendra, que de nostre présente confirmation ils fassent, souffrent et laissent les dicts supplians jouyr et user plainenement, paisiblement et perpétuellement, sans en ce leur faire, mettre ou donner, ny souffrir estre faict, mis ou donné, ores ny pour le temps avenir, aucun empeschement à ce contraire; et lequel sy faict, mis ou donné leur avoit esté ou estoit, ils réparent et remettent incontinent et sans dellay au premier estât et deub. Car tel est nostre plaisir; et afin que ce soit chose ferme et stable à tousjours, nous avons faict mettre nostre scel à ces présentes, sauf en aultres choses nostre droict et l'aultruy en touttes. Donné à Paris, au mois de may, l'an de grâce mil cinq cens quatre vingt, et de nostre règne le sixiesme.

(Archives de la Province de France.)

document b

Interrogatoire de Jean Chastel devant les Grand'cuambre et tournelle (29 décembre 1594).

Du jeudy xxixe jour de décembre 1594, en la grand'chambre, les grand'chambre et tournelle assemblées du matin.

M. A. de Harlay, chevalier, premier ^président].

MM. P. Séguier, Potier, de Thou, Forget, présidens.

M. de Thou Daimery.

MM. de Chanteclerc, Viette, de Marie, Briçonnet, Viole, maistres des requestes.

MM. de Fleury, Angenoust, Auroux, Mole, de Turin. Courtin, de Montholon, Dufour, Bavyn, Scarron, Le Jau, Jabin, Le Masuyer, conseillers.

A esté mandé Jehan Chastel qui s'est dict fils de Pierre Chastel, aagé de dix-neuf ans, après serment par luy faict de dire vérité ;

Luy a esté remonstré que il a esté par deux fois interrogé sur le ineschant et malheureux actequ'il a commis en la personne duroy, le voulant tuer d'un coup de cousteau, et qu'il a recogneu s'estre coullé en la chambre du roy ayant un cousteau pour luy donner en la gorge. Interrogé qui luy a faict prendre ceste malheureuse résolution et par le conseil de qui il l'a entrepris, qui sont ceulx qui l'ont persuade à

ce faire? — A dicl que l'a ja dict par ses interrogatoires, el que c'est par un désespoir auquel il est entré, n'ayant esté à ce faire incité par aucune personne.

Enquis depuis quel temps il a pris ceste malheureuse résolution — V dict que ce fut le jour de saint Jehan dernier.

Remonstré qu'il a dict par ses interrogatoires qu'il y a quatre sepmaines qu'il a eu ceste imagination, et enquis où il demouroit lorsqu'il a eu ceste imagination — A dict que lors que l'imagination l'a pris ilestoità saint Pierre-des-Assis [sic .

Si lors il fut tousjours au service qui se dict à l'église? — A dict que non.

Comment il sçavoit que le roy debvoit arriver? — A dict que estant allé le matin à la messe à Saint-Laurent, revenant et traversant la ville il oyt dire que le roy debvoit arriver; lors, il prit la résolution de tuer le roy.

Où il prist le cousteau duquel il a frappé le roy? — Dict que ce fut sur le dressoir du logis de son père.

S'il avoit servy? — A dict que oy, et s'en estoit servy le jour de devant.

A quelle heure il fut au logis où estoit le roy pour le tuer? — Dict que ce fut sur l'heure du soupper et fut bien trois quarts d'heure dans la chambre avant que faire le coup.

En quel endroit il avoit volunté de frapper le roy? — A dict que en considérant que le roy estoit bien vestu et que son cousteau estoit mal poinctu il se résolut luy donner en la gorge, ce que ne peult faire parce que le roy se baissa en jectant son coup. S'il sentit la résistance au coup? — A dict que non. Luy a esté remonstré qu'il a dict par ses interrogatoires y avoir longtemps qu'il avoit envye de faire un coup pour avoir faict un grand péché duquel il ne pouvoit avoir absolution, et qu'ayant faict ce coup en la personne du roy les gentilshommes auroient pitié de luy et ne le tueroient sur-le-champ, et en ce faisant il aurait moyen de se confesser et obtiendroit pardon de ses péchez. — A recogneu l'avoir dict et a persisté en ses interrogatoires et en ce qu'il a dict.

Luy a este remonstré que il ne dict vérité, parce que tant s'en fault qu'il eust volonté de mourir en faisant le coup, que si tost qu'il l'a faict il s'est voulu sauver en déniant l'avoir faict. — A dict que ne l'a dénié et vouloit sauver son âme en recevant absolution et se déliver d'autres peynes à l'advenir.

Pourquoy il ne trouvoit moyen de se confesser sans prendre cette malheureuse résolution? — A dict qu'il sçavoit bien que on ne luy donneroit l'absolution de ses péchez, c'est pourquoy il a pris ceste résolution affin d'avoir absolution avant que mourir.

Remonstré que ayant dénié le faict et s'estant mis en debvoir de sYnfuyr ce n'estoit chercher occasion de mourir et avoir absolution comme il a dict. — A dictquil l'a dénié avec une raison saige, avant le roy dict luy-mesme et en sa présence que ce n'estoit luy qui l'avoit frappé, comme le roy en sera plustost creu que nul autre.

Luy a esté remonstré que, déniant le faict el le roy le deschargeant,

ce n'estoit le moyen d'avoir confession et absolution. — A dict que par la dénégation que il faisoit il vouloit laisser passer la chollère et furie des gentilshommes, et sçachant que ne pouvoit éviter lacondemnation il avoit moyen de se confesser.

S'il estimoit que Dieu donnast si longue patience à la noblesse, qu'ils n'eussent soudainement jeté la main sur luy pour le tuer? — A dict que, voyant que le roy le deschargeoit, il pensa que la violente chollère de la noblesse se passeroit et cependant il pourroit recevoir absolution.

Remonstré qu'il n'est vraysemblable que il ait esté persuadé et poulsé de luy-même à faire ce très cruel parricide, et a chargé son père par ses confessions et sera cause de sa mort pour descharger ceulx qui l'ont persuadé à ce faire; qu'il est temps qu'il pense à luy et advise à sauver son âme et de dire la vérité ; et enquis qui sont ceulx qui l'ont persuadé et poulsé à faire ce desloyal acte, qu'il ayt à les desclarer et nommer, — A dict que c'est la ratiocination et le désespoir auquel il est entré jour et nuit.

Où il a apris ceste ratiocination ? — A dict qu'il a apris, pendant que ceste ville estoit rebelle, qu'il estoit loisible de tuer un tyran.

Où il a apris qu'il estoit licite de tuer les tyrans ? — A dict qu'il l'a apris aux prédications de Garinus et d'autres qui l'ont presché.

Qui sont ceux qu'il appelle tyrans? — A dict que sont ceulx qui persécutent l'Église et ne sont en l'Église.

S'il tient que le roy soit catholicque? — A dict que oy, pourveu qu'il se soubmette au chef de l'Église.

Remonstré qu'il a dict par ses interrogatoires n'avoir entrepris ce très meschant parricide que pour sauver son âme, et oultre a dict qu'il aymoit mieux damner son âme quatuor que octo ; où il a apris ceste doctrine? — A recogneu qu'il l'a ainsi dict par ses interrogatoires et a apris ces nombres en la philosophie.

Où il a apris la philosophie? — A dict l'avoir aprise soubs le P. Guéret, au collège des Jhésuites, et y a estudié deux ans et demy soubs luy.

Remonstré que Guéret a demandé à parler à luy lors qu'il a esté prest d'exécuter ce malheureux acte, et enquis s'il n'a pas esté par luy persuadé à le commettre, — A dict qu'il ne luy en a jamais parlé.

Quels propos il a euz avec ledict Guéret la dernière fois qu'il a parlé à luy? — A dict que son père parla à Guéret en sa présence et luy dict que luy, respondant, avoit des folles opinions en sa teste et le pria de luy donner moyen de les destourner, et lors Guéret luy feit plusieurs remonstrances salutaires, et alors dict audict Guéret qu'il estoit si troublé qu'il vouldroit avoir perdu son corps pour sauver son âme, à quoy ledict Guéret lui dict qu'il valoit mieulx perdre son corps que son âme.

Que luy vouloit Guéret quand il fut par luy envoyé quérir par le fils de Messier et celluy du Peuple ' ? — A dict qu'il ne parla à luy.

Si Guéret voulant parler à luy il ne le vouloit pas confirmer en

l. L'un des camarades de Chastel s'appelait Le Peuple.

ceste meschante résolution? — A dict que Guéret n'en sçavoit rien. Remonstré qu'il doibt dire la vérité, et conjuré par la figure de Jhésus Christ, qui luy est représentée au tableau, qu'il ayt à dire la vérité, et admonesté de recognoistre et nommer ceulx qui l'ont induit et persuadé à commettre ce malheureux acte, — A dict qu'il adicl tout ce qu'il en a sur la conscience et qu'il n'y a personne qui luy en ait parlé.

(Archives nationales, X2% 958, Plumitif du Parlement criminel.)

document c

« Procès verbal de l'exécution de l'arrest de mort et de question

DONNÉ A L'ENCONTRE DUDIT JEHAN ChASTEL » (29 DÉCEMBRE 15'.» \ .

Du dict jour, jeudi xxixe jour de décembre 1594, en la chambre de la Buvette par l'indisposition de M. le premier président qui n'a peu monter en la chambre de la Question.

En la présence de Monsieur le premier président, de Messieurs Séguier, Potier et Forget, présidens, Monsieur de Thou Daimery, de Messieurs de Fleury et Angenoust conseillers, a esté par moy Rémond Assé, principal clerc et commis au greffe criminel de la court, prononcé à Jehan Chastel estant à genoux l'arrest de mort et de question contre luy donné, et après lecture d'icelluy,

Luy a esté remonstré par Monsieur le premier président qu'il estoit temps de recognoistre la vérité et de dire par qui il a esté induit à commettre le détestable parricide qu'il a atenté sur la personne du roy. — A dict que sont imaginations qu'il a eues et en a dict ce qu'il en sçavoit par ses interrogatoires.

Luy a esté remonstré qu'il a dict avoir pris ceste résolution affin de mourir et avoir absolution; toutesfois, ayant faict l'acte, il s'est mis en debvoir de se sauver et a dénié au commencement avoir commis l'acte. — A dict que c'est le subject pour lequel il a eu cette volunté et désiroit estre mis en justice affin de mourir.

Remonstré qu'il a pensé que les prestres ne luy pouvoient donner l'absolution sinon estant en l'article de la mort et pour ceste cause a voulu atenter de tuer le roy, et pouvoit penser qu'il seroit à l'instant tué et n'auroit moyen d'avoir son absolution. — A dict qu'il n'en peult dire autre chose.

Luy ont esté applicquez les brodequins.

Admonesté de dire la vérité et remonstré qu'il met son père et sa mère en hazard de leur vye et qu'il a eu une faulse instruction de penser qu'il estoit permis de tuer les roys, et enquis qui luy a persuadé de ce faire, — A dict que ce ne sont que les prédications qu'Usa oyes en ceste ville, et vouloit fructifier en la parolle de Dieu.

A esté applicqué un coing.

Enquis de la vérité, s'est escrié disant : ce sont les prédicateurs.

Interrogé qui sont ces prédicateurs a dict que sont les prédicateurs sans les nommer.

Qui luy a parlé de faire ce meschant coup? — A dict que on ne luy en parla jamais.

Luy a esté applicqué un second coing et interrogé de la vérité, — A dict qu'il ne peult dire autre chose.

S'il a des compagnons participais à ce meschant acte? — A dict que non.

A qui il a communicqué de ce faict? — A dict que ce n'a esté qu'à son père que il a dict.

S'il y en a d'aultres qui ayent ceste volunté de tuer le roy? — A dict qu'il n'en sçait d'aultres.

Qui sont ceulx qui luy ont faict faire, ou donner conseil à ce faire ou persuadé? — A dict que personne ne luy en a parlé.

A luy remonstré qu'il sera cause de la mort de son père s'il ne desclare ceulx qui l'ont persuadé de ce faire. — Dict que personne ne luy en a parlé.

Luy a esté applicqué un troisième coing; n'en a voulu dire aultre chose, demandant si on le vouloit faire damner.

Ce faict, luy ont esté osté les coings et relasché, et interrogé si ceste malheureuse volunté est venue de luy-mesme et de sa teste, — A dict que oy et qu'il estoit en volunté de se tuer soy-mesme.

Qui est le confesseur qui luy a mis cela en teste? — A dict qu'il n'a esté à confesse depuis la Toussaincts.

Et le voulant remettre dedans les brodequins et applicquer les coings, admonesté de dire la vérité, — A dict que passant par les rues il a veu des hommes qui tiroient leurs cousteaux et luy montroient comment il falloit faire, conjecturant par là qu'ils l'excitoient à faire ce qu'il a faict.

Enquis qui sont ceulx qu'ils a veus tirans leurs cousteaux? — A dict qu'il ne les cognoit et qu'allant à Saint Jehan oyr vespres, le mesme jour qu'il feit le coup, il veit deux hommes habillés en Espaignols qui le suivirent, plus veit passer un gentilhomme à cheval qui le regardoit comme s'il l'eust voulu exciter à ce faire.

Remonstré que le roy a eu advis desdictz Espaignols, mesmes qu'il y avoit entreprise sur sa personne, partant qu'il ne se doit retenir de desclarer quels sont ceulx qui l'ont incité à ce faire, et enquis qui sont ces deux hommes habillez en Espaignols, — A dict que si tost qu'il eust agité de faire ce meschant acte il explicquoit tous ces actes sur ce fait.

Qui sont ces deux hommes qui estoient habillez en Espaignols et s'il avoit pas parlé à eulx? — A dict qu'il n'avoit pas parlé à eulx , mais, parce que ils le veyrent aller çà et là, ils le suivirent.

Interrogé derechef s'il a parlé à eulx et ce qu'ils ont dict ensemble, — A dit que s'estant allé promener au faulxbourg il y veit un homme qui avoit un pourpoinct gris et un hault de chausses de mesme, qui faisoit contenance de tirer un poignard et dansoit, lors se persuada qui il l'excitoit à ce faire.

Luy a esté baillé un coing.

Interrogé de la vérité et qui sont ceulx qui l'ont persuadé de faire ce meschant coup, — A dict qu'il n'en peull dire aultre chose sinon que tout ce qu'il voyoit et oyoit il l'explicquoit pour ce faict.

Admonesté de nommer l'un desdictz deux hommes, — A dict qu'il ne les cognoist, et a dict oultre de luy mesme qu'il veytun homme sur le pont au change qui lisoit une lettre, il explicqua aussy tost que c'estoit pour l'exciter à faire <e qu'il a faict, disant oultre que ne se veult damner pour charger autruy.

Quels propos luy ont tenu ces hommes habillés en Espaignols? — Dict qu'ils levindrent trouver au bout du pont au change, elles veyl passer, et après ils le suivirent jusques vers Saint Jehan, et explicquoit leurs gestes qu'ils l'incitoient à faire le coup, mais ne parlèrent à luy.

A esté délyé et envoyé en la chappelle où a esté laissé avec un docteur en théologie pour l'exorter.

Et advenant l'heure de cinq heures, avant que de le faire mener au lieu du suplice, a esté enquis sy avant que mourir il vouloit pas descharger sa conscience et recognoistre la vérité en desclarant ceulx qui l'ont persuadé à vouloir faire ce meschant et détestable paricide. — A dict que ne peult dire aultre chose que ce qu'il a dict devant messieurs et a demandé si on le vouloit faire damner et charger quelques uns.

Luy a esté remonstré qu'il a mis ses père et mère en hazard de leur vie et qu'il les peult garantir par la desclaration qu'il fera de ceulx qui l'ont persuadé à faire ce meschant acte. — A dict que personne ne luy en a parlé et que ne sont que les ratiocinations qu'il a faictes en luy mesmeet le désespoir auquel il est entré qui luy ont faict faire.

A esté tiré de la conciergerie, à l'yssue de laquelle, ayant esté le cry faict en la manière accoustumée, le peuple avec grande allégresse s'est pris à crier : Vive le roy, vive le roy, vive le roy. Ayans ces voix continué jusques à l'église Nostre Dame, où estant devant laprineippalle porte, et le cry faict derechef, le peuple s'est escrié : Vive le roy. Et estant ledict Chastel despouillé a faict l'amende honorable portée par l'arrest, ayant néantmoins faict reffuz de prononcer ces mots : qu'il estoit permis de tuer les roys, disant qu'il n'avoit dict les roys mais les tyrans. Et ce faict, mené en la place de Grève, n'ayant le peuple cessé depuis le parvis Nostre Dame jusques à ladicte place de Grève de crier : Vive le roy, et ayant en chacune maison du pont Nostre Dame mis des flambeaux et torches allumées aux portes et fenestres.

Estant à la place de Grève, et le cry faict en la manière accoustumée, le peuple derechef s'est escrié : Vive le roy.

A esté ledict Chastel derechef admonesté de dire vérité et de révéler à justice ceulx qui ont participé au conseil du meschant acte et qui l'ont induict à ce faire. — A dict qu'il n'y a eu aultre que luy et le désespoir auquel il est entre.

A esté monté sur l'esehaffault estant couché et lié de cordes paur estre tiré parles chevaulx, et apprès qu'il a eu le poing couppé tenant le cousteau, et qu'il a esté tenaillé, a esté interrogé de la vérité de ses

complices et qui estoient ceulx qui l'avoient incité à ce faire. — A dict en levant la teste et d'une parolle ferme que il n'y a eu aultre chose que les ratiocinations et le désespoir qui Font poulsé à ce faire.

Derechef sur ce enquis, après queluy a esté remonstré qu'il estoit proche de la perte de son âme s'il ne revelloit à la justice ceulx qui l'avoient incité et persuadé à ce faire, — A dict que ce n'est aultre que le diable et que il ne se veult damner pour accuser aultruy.

A esté attaché par les bras et jambes pour estre tiré par les chevaulx, et après avoir eu quatre ou cinq secousses des chevaulx, derechef enquis qui sont les deux hommes habillés en Espaignols et l'homme de cheval qu'il a dict l'avoir conduict jusques à Saint Jehan, — A dict que ne les cognoist et n'a parlé à eulx.

Ce faict, a l'exécuteur incisé les membres, et ayant les chevaulx par plusieurs fois tiré et bandé, a esté desmembré, et les dicts membres, corps et poing, jetés au feu et consumés en cendres et l'arrest entièrement exécuté. »

(Archives nationales, X-% 958, Plumitif du Parlement criminel.)

Interrogatoire dt P. Guéret (29 décembre 1594).

« A esté mandé en la court Jehan Guéret Jhésuiste ; après le serment par lui faict la main mise au pictz, enquis de quelle profession il est, — Dict qu'il est prestre et estudie en théologie.

Quelle profession il enseigne au collège? — Dict qu'il n'enseigne plus.

Pourquoy il a esté arresté prisonnier? — Dict que on l'a interrogé sur le faict de Jehan Chastel et luy a[-t-]on demandé s'il luy avoit communicqué cest acte exécrable qu'il a faict, il a respondu que ne luy en avoit communicqué comme aussy ne luy en a oncques parlé, et a dict que vendredy ou samedy dernier le père dudit Chastel mena son fils au colleige et lui dict que son fils estoit prest d'entrer en une follye et mesmes pour un faict particulier qu'il avoit commis d'avoir battu sa mère, se défiant de son salut; il feit au fils plusieurs exhortations salutaires et parce que c'estoit sur l'heure du disner il l'a renvoyé à une aultre foys.

Luy a esté remonstré que l'enffant a dict qu'il a oy prescher qu'il estoit licite de tuer les tyrans, que luy sçachant ce filz avoir ceste mauvaise volunté de tuer le roy il a envoyé quérir le dit filz par Messier et Le Peuple affin de le confirmer en ceste résolution.

A recogneu l'avoir envoyé quérir par Messier pour luy dire qu'il jouast à la paulme avec luy, pour le divertir de la follye de laquelle son père luy avoit parlé; dénie avoir presché en ceste ville, bien a faict leçons de philosophye ; n'a jamais rien sceu du faict que Chastel a commis et n'a rien dict aultre chose à Messier que ce qu'il a dict çydevant.

S'il en veut croire Messier? — A dict qu'il ne .se souvient de luj avoir dict davantage sinon qu'il allast veoir son voysin Chaste! et qu'il le consolast.

Enquis, si ce filz luy ayant communicqué les erreurs esquelle.» il estoit tombé, pourquoy il ne l'a retenu pour les luy oster, ou, s'il a estimé que ce ne fust point nécessaire, pourquoy il l'envoyoit quérir? — A dict que ne l'a envoyé quérir que pour luy dire ce qu'il a dict c y-dessus.

Remonstré qu'il l'a envoyé quérir le jour de devant et le matin qu'il a faict le coup, et que on ne peult présumer aultre chose de luy sinon que c'estoit pour le confirmer en ceste meschante résolution. — A dict qu'il n'y a jamais pensé et n'a parlé au Peuple; quant à Messier il luy dict, sçachant que le père luy avoit envoyé son filz, qu'il dict à Chastel que un autre jour il le viendroit veoir pour le consoler davantage.

Remonstré que l'ayant envoyé quérir la court estime que c'estoit pour le confirmer en ceste malheureuse résolution, parce que Chastel luy faisant entendre la mauvaise opinion qu'il avoit de son àme, il luy a dict qu'il estoit beaucoup plus expédient qu'il perdist son corps que perdre son àme. — A dict qu'il ne luy a jamais dict ceste parolle.

S'il veult croire Jehan Chastel? — A dict que s'il dict un mensonge il ne le veult croire et que ce luy sera un grand heur quand il sera hors du monde.

A luy remonstré que le garson a dict de luy ce qui luy est représenté. — A dict que ne luy en parla jamais.

(Archives nationales, X'-\ '.i.'>8. Plumitif du Parlement criminel.