DOCUMENT C

« PROCÈS VERBAL DE L'EXÉCUTION DE L'ARREST DE MORT ET DE QUESTION DONNÉ À L'ENCONTRE DUDIT JEHAN CHASTEL » (29 DÉCEMBRE 1594.

Du dict jour, jeudi xxIx° jour de décembre 1594, en la chambre de la Buvette par l'indisposition de M. le premier président qui n’a peu monter en la chambre de la Question.

En la présence de Monsieur le premier président, de Messieurs Séguier, Potier et Forget, présidens, Monsieur de Thou Daimery, de | Messieurs de Fleury et Angenoust conseillers, a esté par moy Ré- | mond Assé, principal clerc et commis au greffe criminel de la court, | prononcé à Jehan Chastel estant à genoux l’arrest de mort et de ques- | tion contre luy donné, et après lecture d'icelluy, | Luy a esté remonstré par Monsieur le premier président qu'il estoit FE temps de recognoistre la vérité et de dire par qui il a esté induit à | commettre le détestable parricide qu'il a atenté sur la personne du roy. — À dict que sont imaginations qu'il a eues et en a dict ce qu'il en scavoit par ses interrogatoires.

Luy a esté remonstré qu'il a dict avoir pris ceste résolution affin de mourir et avoir absolution; toutesfois, ayant faict l'acte, il s'est mis en debvoir de se sauver et a denié au commencement avoir commis | l'acte. — A dict que c’est le subject pour lequel il a eu cette volunté et % désiroit estre mis en justice affin de mourir.

# Remonstré qu'il a pensé que les prestres ne luy pouvoient donner l'absolution sinon estant en l’article de la mort et pour ceste cause a

ne voulu atenter de tuer le roy, et pouvoit penser qu'il seroit à l'instant 5 tué et n'auroit moyen d’avoir son absolution. — A dict qu'il n’en fa peult dire autre chose.

Luy ont esté applicquez les brodequins.

2 Admonesté de dire la vérité et remonstré qu'il met son père et sa 16 mère en hazard de leur vye et qu'il a eu une faulse instruction de L- penser qu'il estoit permis de tuer les roys, et enquis qui luy a per-

suadé de ce faire, — A dict que ce ne sont que les prédications qu'il a

oyes en ceste ville, et vouloit fructifier en la parolle de Dieu. A esté applicqué un coing.

Enquis de la vérité, s’est escrié disant : ce sont les prédicateurs.

Interrogé qui sont ces prédicateurs a diet € t sans les nommer. eh )' AE

Qui luy a parlé de faire ce meschant coup? — 7 diet que on! en parla jamais.

Luy a esté applicqué un second coing et interrogé de la vérité A dict qu'il ne peult dire autre chose.

S'il a des compagnons participans à ce meschant acte? — a à que non. :

À qui il a communicqué de ce faict? — A dict que ce n'a esté ni son père que il a dict. %

S'il yen a d'aultres qui ayent ceste volunté de tuer le roy? — A M. +3 qu'il n’en sçait d’aultres.

Qui sont ceulx qui luy ont faict faire, ou donner conseil à ce faire ou persuadé? — A dict que personne ne luy en a parlé.

A luy remonstré qu'il sera cause de la mort de son père s’il ne des clare ceulx qui l'ont persuadé de ce faire. — Dict que personne ne luy en à parlé. #4

Luy a esté applicqué un troisième coing; n’en a voulu dire aultre # chose, demandant si on le vouloit faire damner. =}

Ce faict, luy ont esté osté les coings et relasché, et interrogé si ceste malheureuse volunté est venue de luy-mesme et de sa teste, — Adict que oy et qu'il estoit en volunté de se tuer soy-mesme. ”

Qui est le confesseur qui luy a mis cela en teste? — A dict quilna eslé à confesse depuis la Toussaincts.

Et le voulant remettre dedans les brodequins et applicquer les £ coings, admonesté de dire la vérité, — A dict que passant par les rues il a veu des hommes qui tiroient leurs cousteaux et luy montroient comment il falloit faire, conjecturant par là qu'ils l'excitoient à faire ce qu'il a faict. 2 5%

Enquis qui sont ceulx qu'ils a veus tirans leurs cousteaux? —A dict qu'il ne les cognoit et qu'allant à Saint Jehan oyr vespres, le mesme jour qu il feit le coup, il veit deux hommes habillés en Espaignols qui le suivirent, plus veit passer un gentilhomme à cheval qui le regardoit comme s'il l eust voulu exciter à ce faire.

Remonstré que le roy a eu advis desdictz Espaignols, mesmes qu ‘il ar y avoit entreprise sur sa personne, partant qu'il ne se doit retenir de desclarer quels sont ceulx qui l'ont incité à ce faire, et enquis qui sont ces deux hommes habillez en Espaignols, — A dict que si tost qu'il eust agité de faire ce meschant acte il explicquoit tous ces actes Sur ce fait.

Qui sont ces deux hommes qui estoient habillez en Espaignols et

s'il avoit pas parlé à eulx? — À dict qu'il n'avoit pas parlé aeulx mais, parce que ils le veyrent aller çà et là, ils le suivirent. :

Interrogé derechef s'il a parlé à eulxet ce qu'ils ont diet ensemble, — A dit que s’estant allé promener au faulxbourg il y veit un: homme qui avoit un pourpoinct gris et un bault de chausses de mesme, qui faisoit contenance de tirer un poignard et dansoit, lors se persuada qui il l’excitoit à ce faire.

Luy à esté baillé un coing.

ee - ae STARS | DOCUMENTS. 727

5 5 5 Interrogé de la vérité et qui sont ceulx qui l'ont persuadé de faire ce

… meschant coup, — A dict qu'il n’en peult dire aultre chose sinon que

… tout ce qu'il voyoit et oyoitil l’explicquoit pour ce faict.

Admonesté de nommer l’un desdictz deux hommes, — A dict qu'il ne les cognoist, et a dict oultre de luy mesme qu'il veyt un homme sur le pont au change qui lisoit une lettre, il explicqua aussy tost que c'estoit pour l’exciter à faire ce qu'il a faict, disant oultre que ne se veult damner pour charger autruy.

Quels propos luy ont tenu ces hommes habillés en Espaignols? — Dict qu'ils le vindrent trouver au bout du pont au change, etles veyt passer, et après ils le suivirent jusques vers Saint Jehan, et explicquoit leurs gestes qu'ils l'incitoient à faire le coup, mais ne parlèrent à luy.

A esté délyé et envoyé en la chappelle où a esté laissé avec un docteur en théologie pour l'exorter.

Et advenant l'heure de cinq heures, avant que de le faire mener au lieu du suplice, a esté enquis sy avant que mourir il vouloit pas descharger sa conscience et recognoistre la vérité en desclarant ceulx qui l'ont persuadé à vouloir faire ce meschant et detestable paricide. — A dict que ne peult dire aultre chose que ce qu'il a dict devant messieurs et a demandé si on le vouloit faire damner et charger quelques uns.

Luy a esté remonstré qu'il à mis ses père et mère en hazard de leur vie et qu'il les peult garantir par la desclaration qu'il fera de ceulx qui l'ont persuadé à faire ce meschant acte. — A dict que personne ne Jluy en a parlé et que ne sont que les ratiocinations qu'il a faictes en luy mesme et le désespoir auquel il est entré qui luy ont faict faire.

A esté tiré de la conciergerie, à l’yssue de laquelle, ayant esté le ery faict en la manière accoustumée, le peuple avec grande allégresse s'est pris à crier : Vive le roy, vive le roy, vive le roy. Ayans ces voix continué jusques à l’église Nostre Dame, où estant devant la princippalle porte, et le cry faict derechef, le peuple s'est escrié : Vive le roy. Et estant ledict Chastel despouillé à faict l'amende honorable portée par l’arrest, ayant néantmoins faict reffuz de prononcer ces mots : qu'il estoit permis de tuer les roys, disant qu'il n’avoit dict les roys mais les tyrans. Et ce faict, mené en la place de Grève, n'ayant le peuple cessé depuis le parvis Nostre Dame jusques à ladicte place de Grève de crier : Vive le roy, et ayant en chacune maison du pont Nostre Dame mis des flambeaux et torches allumées aux portes et fenestres.

Estant à la place de Grève, et le cry faict en la manière accoustumée, le peuple derechef s’est escrié : Vive le roy.

A esté ledict Chastel derechef admonesté de dire vérité et de révéler à justice ceulx qui ont participé au conseil du meschant acte et qui l'ont induict à ce faire. — A dict qu'il n’y a eu aultre que luy et le désespoir auquel il est entré.

A esté monté sur l’eschaffault estant couché et lié de cordes pour estre liré parles chevaulx, et apprès qu'il a eu le poing couppé tenant le cousteau, et qu'il a esté tenaillé, a esté interrogé de la vérité de ses

complices et qui estoient ceulx qui l'avoient incité à ce faire, — A dict en levant la teste etd'une parolle ferme que il n'ya eu aultre chose que les ratiocinations et le désespoir qui l'ont poulsé à ce faire. <

Derechef sur ce enquis, après que luy a esté remonstré qu'il estoit proche de la perte de son âme s’il ne revelloit à la justice ceulx qui l'avoient incité et persuadé à ce faire, — A dict que ce n'est aultre que le diable et que il ne se veult damner pour accuser aultruy.

A esté attaché par les bras et jambes pour estre tiré parles chevaulx, et après avoir eu quatre ou cinq secousses des chevaulx, derechef enquis qui sont les deux hommes habillés en Espaignols et l'homme de cheval qu'il a dict l'avoir conduict jusques à Saint Jehan, — À dict que ne les cognoist et n’a parlé à eulx.

Ce faict, a l'exécuteur incisé les membres, et ayant les chevaulx par plusieurs fois tiré et bandé, a esté desmembreé, et les dicts membres, corps et poing, jetés au feu et consumés en cendres et l'arrest entièrement exécuté. »

(Archives nationales, X2:, 958, Plumitif du Parlement criminel.)