ET ALLIANCE FAITE ENTRE EUX ET LEURS SUJETS

A tous ceulx qui ces lectres verront Evain de Gales, salut. Comme les roys d'Angleterre, qui ont eslé es temps passez, meuz de mauvaiz courage et de convoitise dampnée, a tort et sanz cause et par traison appensées, aient occis ou fait occirre aucuns de mes prédécesseurs roys de Gales et yceulx mis hors et déboutez du dit royaume , et ycellui royaume par force e puissance appliquié à eulx et détenu et ycellui soubzmis avec les subgiez du pais à plusieurs servitutes lequel est et doit estre et appartenir à moi par la succession et comme plus prochain de sanc et de Ugnage et en droicte ligne descendant d'iceulx mes prédécesseurs roys d'ycellui royaume, et pour avoir secours et aide à recouvrer le dit royaume , qui est mon héritage, me soye transportez devers plusieurs roys, princes et seigneurs chrestiens, et leur aye declairié et monstre clerement le droit que je y ay, en leur requérant et suppliant humblement que à ce me voulsissent aydier, et derrainement me soies traiz devers mon très puissant et très redoublé seigneur Charles , par la grâce de Dieu roy de France, dauphin de Viennoys, et lui ay monstre mon droit que j'ay au dit royaume et fait les requestes et supplications dessus dictes, et ycellui seigneur ayent compassion de mon estai, actendu le grant tort que les diz roys d'Angleterre ont eu en leur temps envers mes diz prédécesseurs et encore a le roy d'Angleterre qui est à présent envers moy, et considéré toute la matière de mon fait de sa bénigne et accoustumée clémence, qui est le mirouer singulier et exemple entre les clirestiens de toute justice et de toute grâce et miséricorde pour touz opprimez

1 Aixlilves du royaume, Trésor des charte , registre N, fol. 55.

relever et conforter, m'ayt octroyé son ayde et confort de gens d'armes et de navire pour recouvrer le dit royaume, qui est mon droit héritage, comme dit est ; sachent tuit que je, en recongnoissant la grant amour que mon dit seigneur le roy de France m'a monstrée et monstre par vray effect en ce fait, ou quel et pour quel meclre sus a mis et exposé du sien trois cens mil francs d'or et plus, tant en gaiges de Rens d'armes, d'archiers et d'arbalestriers comme en navire et en gaiges et despens de marigniers , en hernoiz et en autres fraiz, missions et despens pluseurs , laquele somme je ne lui puis pas présentement rendre, promet loyaument et par la foy de mon corps et jure aux saints Euvangiles de Dieu, touchées corporelment pour moy et pour mes hoirs et successeurs à tousjoursmaiz, que la dicte somme de trois cens mil francs d'or je lui rendray et payeray entièrement ou à ses diz hoirs et successeurs ou ceulx qui auront cause d'eulx, ou à leur commandement à leur voulenté, sanz autre terme, et dès maintenant ay fait et accordé pour moy, pour mes hoirs et successeurs et pour tout mon pais et subgiez perpetuelment avec mon dit seigneur le roy de France, pour lui, pour ses hoirs et successeurs roys, pour tout son pais et ses subgiez bonnes et fermes amitiez, confédéracioiis et alliances, si que je les ayderay et conforteray de ma personne, de mes subgiez et pays, de tout mon povoir, loyaument, contre toutes personnes qui pevent vivre et mourir. En tesmoing de ce, j'ay scellé ces lettres de mon seel. Donné à Paris, le x^ jour de may, l'an de grâce mil ccc soixante douze.

PIÈCES JUSTIFICATIVES 3i9