DES BARONS INSURGÉS CONTRE HENRI III

Ghaunter m'estoit^ mon cuer le voit, en un dure langage. Tut en ploraunt fust fet le chaunt de notre duz baronage^ Que pur la pees, si loynz après se lesserent detrere. Lut cors trancher, e démembrer, pur salver Engleterre. Ore est ocys la flur de pris, qe taunt savoit de guère, Ly quens Montfort, sa dure mort molt enplorra la terre.

Si com je qui, par un mardi, firent la bataile. Tôt à cheval, fust le mal, sauntz nulle pedaille; Très malement y ferirent de le espie forbie, Qe la part sire Edward conquist la mestrie. Ores est ocys, etc.

Mes par sa mort, le cuens Mountfort conquist la victoire. Corne ly martyr de Gaunterbyr, finist sa vie; Ne voleit pas li bon Thomas qe perist seinte Eglise, Ly cuens auxi se combati, e morusts auntz feyntise. Ore est ocys, etc.

1. The polit icul Songs of England, from the reigii of John to that of Edward II, edited and translated by Thomas Wright, p. 125.

:rH PIÈCES JUSTIFICATIVES

Sire Hue le fer, ly Despencer, très noble justice, Ore est à tort lyvré à mort, à trop maie guise. Sire Henri, pur veir le dy, fitz le cuens de Leycestre, Autres assez, corne vus orrez, par le cuens de Gloucestre. Ore est ocys, etc.

Qe voleint moryr, e mentenir la pees et la dreyture, Le seint martir lur fra joyr sa conscience pure, Qe velt moryr e sustenir les honmes de là terre. Son bon désir acomplir, quar bien le quidom fera. Ore est ocys, etc.

Près de son cors, le bon trésors, une heyre troverent, Les faus ribaus, tant furent maus, e ceux qe le tuèrent; Molt fust pyr, qe demembryr firent le prodhonme, Qe de guerrer e fei tener si bien savoit la sonme. Ore est ocys, etc.

Priez tous, mes amis douz, le fitz seinte Marie Qe l'enfant, her puissant, meigne en bonne vie; Ne veuil nomer li escoler, ne vueil qe l'em die. Mes pur l'amour le salveour, priez pur la clergie. Ore est ocys, etc.

Ne say trover rien qu'il firent bien, ne baroun ne count, Les chivalers e esquiers touz sunt mys à hounte. Pur lur loalté e veriié, qe tut est anentie; : Le losenger purra reigner, le fol pur sa^foiie. Ore est ocys, etc.

Sire Simoun, ly prodhom, e sa compagnie, En joie vont en ciel amount, en pardurable vie. Mes Jhesu Grist, qe en croyz se mist, Dieu en prenge euro, Qe sunt remis, e detenuz en prisone dure. Ore est ocys, etc.