LIVRE YI
liËCIT POÉTIQUE DE l'EiNQCÊTE FAITE PAR LE ROI GCILLALME SLR l'aYEMR PROBABLE DE SES FILS '
Li rois Willam li Conquéror,
Ki tant aveit conquis honor,
lu rois estoit coroné,
De tens avenir ayeit pensé
Et après ses jorz qu'el sècle serreit
E de ses treiz fiz quel avendreit.
Mult fu pensifs pur enquere
A quele fin il devereient treire.
Les granz clers de phylosophie
E les mestres de grant clergie
Et les sages homes de son poer
Par deçà e delà la mer
A un par ement fist assembler
Par eus entendre saver
De ses enfanz la destiné,
Ke tant avoit dési é.
Quant tGz estoient assemblé,
Li rois les ad aresoné :
« Seignors, dist-il, ki estes ici,
De vostre venue mult vus merci.
De voz sens e vostre saver
1. Extrait de la cûutinuation du Bnil dWngk terre de Wace, par un anonyme; Chrcni'jues anglo-normandes, t. l, p. 80.
Ore endreit en ai mesler;
R'une pensé me est al quer,
Ke ne me soffie repos aver.
De mes treis fiz, ke beals sunt,
A quele fin il vendrimt.
Pur ceo vus pri e requer
K'entre vus voiliez traiter
Des enfanz cornent irra
E à quele fin cliascun vendra;
E de ceo ke vus aurez trové
Ne me celez la vérité. »
Li rois atant ad pris congié,
E li senez en unt parlé;
Mult parlèrent estreitement
E desputèrent clergeaument
Les qualitez e les conlenanz
E les mours de les enfanz,
Lur colurs e lu afferes;
Mes en tant n'esplaitèrent guère*
Kar diverses furent lur resons
K diverses opinions;
Ne poaient par nule reson
Tuz assentir à un,
Tant cum il desputèrent
E de rien espleitèrent.
Este-vus un meistre de mein âge,
Bien lettré e bien sage,
Entre els est sus levé.
Si ad mult dulcement parlé :
« Seignors, k"alez-vus dotant
E tuz les jorz desputant?
Faites les enfanz mander
E severalment od nus parler. »
Quant cil Tout comandé,
Les enfanz sunt tost mandé,
Robert Curte-ose, ki fu l'ainzné.
Devant els fu primes présenté.
Quant li mestres Robert ad veu :
« Beals fizj ceo dist, bien saiez venu.
Ne saiez de rien esponté.
Avant nus conoistre une vérit(5.
Si Dex, ki est tuit puissant,
De vus eust fait oisel volai.t,
De tuz icels ki pount voler
Laquelle voldriez resembler? »
Ro])ert ki fu bien norri
E de parler assez hardi :
« Sire, ceo dist, à mun wlcr,
Melz voldrai estre esperver;
E la reson vus dirrai
Pur quei esperver estre vobhai;
L'esperver est gentil oisel
E le plus acesmé ke vole de bel,
En besoigne bien volant,
A praie prendre bien fesant.
De tote gent est prisé.
De princes chéri et honoré.
Issi di-jeo endroit de moi :
Curteis e quentis estre voMroi,
Chevaler pruz e vaillant
E en besoigne bien fesant.
De tote gent honoré
E sor tuz cromu et amé. »
liobert atant prist congié.
Hors de la chambre s'en est aie.
L'autre frère est puis enlrc, Gwillam le Rus fut nomé, Curteisement les ad salué; Encontre lui sunt tuz levé.
Li sages nicstres avant nomé Willam ad aresoné :
« Beals fiz, ceo dit, ne me celez.
Mes véritez me diez.
Si Dex, ki ad pleinère pousté E de totes choses fait sa volenté.
De vus un oisel eust créé.
Lequel serriez à vostre gré?»
Willam se est purpensé Et puis respondi cume séné :
« Sire, ceo dist, jeo vus dirrai.
Si à mon voil eslire purrai, Volenters une egle serrai ; Et la reson oiez purquai ; L'egle est fort e puissant E mult cremu en volant.
Des autres oisels est il roi E corteis est de sa praie, Issi di-jeo endroit de moi :
Rois e sires estre voldroi, Sur tote gent aver poier E assez prendre e assez doner. »
Willam atant congié prist, À celé fiez plus ne dist.
Li tierce frère Henri nomé K'en clergie estait fundé, En la chambre est puis venu; A grant honor l'unt recéu.
Li grant mestres adunc parla :
« Bealz fiz, ceo dist, entendez çà.
Pur rien ke seit ne leissez
Ke vérité ne nus diez.
Si Dex, ki tuit le munde fist,
Gel e terre, come est escrit,
E kanke est ad en poesté.
De vus un oisel eust formé,
Lequel à vostre gré fuissez •De tuz icelz ke veu avez ? »
Henri, ki fu jofnes e puisné,
Mult sagement ad parlé :
« Sire, ceo dist, en vérité
De mun quor dirrai la pensé.
Si Dex me éust destiné
Ke oisel feusse par son gré,
E jo meimes eslire purrai
Estre icel ke jéo voldrai,
De tuz icels ke volent de hele
Mielz voldreie estre estornele.
Si vus dirrai ma reson
Devant vus toz en commun :
Bien savez ke l'estornele
Est deboniers e simple oisele,
En grant soudre volt voler
Et le païs environer,
Simplement son vivre querre
Sans damage à nului faire.
Ne ad jà cure de ravine
Ne de grever nule vaysine;
Et si en kage sait norri,
Jà home grevé serra par lui ;
Mais par parler e par chant
A tozjorz est solazant.
Issi vus di-jeo de par moi;
Deboners e simples estre voldroi.
Par pais errer od grant meisné,
Del mien trover les grant plenté;
Ne voldrai jà home grever
Ne par i aviné querre aver.
Si voldrai en ma meson
As miens estre compaignon
Vivre en peis e en compaign'e
E en solaz tote ma vie. »
Quant Henri céo avoit dit.
Sus leva e congié prist.
Quant les enfanz unt congié pris,
Ki dit avoient lur avis,
Les mestres se assemblèrent
E des treis frères entre-parlèrent.
Cil ki les avoit mandé
E les avoit aresoné,
Entre els ad primes parlé
Et sa reson mult bien mustré :
« Seigneurs, ceo dist, mult avora parlé
E de les enfanz desputé.
Devant nus unt tuit treis esté
E lur volentez unt mustré.
Treis oiseals les oi nomer
Lesquels ils voldreient resembler,
Desquels aucement nus averom,
Si al roi respondre volum.
« De Robert devom primes parler,
Ki volait estre esperver.
L'esperver est pruz e honuré Mult bien volant e bien prisé; Mes trop ad fort encombrer, Ke à son voil ne poet voler :
Par les piez est ferme lié E tute sa vie enprisoné.
De Robert di-jeo altretant, Kar pruz serra e mult vaillant; Grant los e grant renon avéra E honoré de toz serra; Meis quant avéra tuit erré.
Par force ert pris e amené E al drein^ céo est la som, Robert morra en prison.
« De Willam le Rus parlom avan?^ Ki volait estre eg-le volant.
La egle est forte e puissant ; Meis mult est orde et malfesant, Pur pruesce ne ert jà prisé Ne chéri ne honuré, A maie fin est destiné, De laceons pris u seté.
De WiUani volum autant dire, Ke rois serra e grant sire.
Riches home e mult puissant, Meis mult cruel e malfesant.
Pur ses utrages mult doté.
De plu?ors haï et poi prisé ; Orde horne ert, de ma [le] vie, Maleraent morra, pur veir vus die.
« Parlum de Henri le puisné frère, Ki volait l'eslornelc resembler.
L'estornel est simples e deboners E en grant soudre volt voler.
En peis volt vivre sans mesprenJre E en solaz sa fin atendre.
De Henri ceo dire bien purrum Ke del ester nel trové avora, Ke sages serra e de bon afere
E à son voil ne movera guerre, Larges terres e rentes avéra E grant meisné par pais mènera, Sovent graunt ancy sentira, Meis al drain en peis morra.
« De les enfanz vous ai dit Geo ke Deus en quor me mist.
Vus ki ma reson savez.
Si ai mespris, si m'amendez. »
Quant li mestres out parié, Les autres tuz unt crié :
« Muli parlez resonablement.
Nul n'i poet mettre amendement. A vostre dit tuz assentom.
Sus levez, al roi irrom ; E ceo ke ci dit avez.
De par nus toz al roi mostrez. »
Devant le roi suut toz venu.
Od grand honur les ad receu.
Cil ki Lien siveit j)arler E grant reson bien mostrer, Céo ke entr'els unt trové Par ordre al roi od tuit conté :
Coment Robert, ki fu ainzné, Pruz serreit e mult prisé; Jlaiz au drain, céo est la some, Robert murrait en prison.
Issi Robert, le bou baron, A Kardif morut en prison.
E de Willam li autre frère Ki rois seroit de grant poer.
Horde bome e desmesuré E par meschance al drain tué.
Issi avint par son péché :
En la Novel Forest fu blessé.
E de Henri, ki fu le puisné, Ki par bone destiné Rois et noble prince serreit E a drein en peis murreit.
Quant li rois les out oï.
Pur ses douz liz fu marri; Meis de Henri fii heité, E de ceo en ad Deu loé, E les mestres ad tuz honoro, E rifches dons lor ad doné; E il li unt mult mercié.
Et atant unt pris congié.
« De Wiliam volum avant parler Ki volonters voleit saver D'Eng-iotere la ténor E la laise et la longnur, Toz les feez et les tenemenz E les servises de tote genz, Quant de conteez i sunt trové E quant de viles en chascon conté, Quant de barons la terre avoit E cunibion de terre chascon tenoit, Quanz de feez de chevaliers E cumbien de franc-fermers.
Le serganties e les sokages, Les pctiz sokemen e les vilenages, Cunfibien des charucs en chascon vila E kant de boueez en la charue, Cumbien de terre chascon home avoit E en quele manère il la tenoit K quel servise faire devoit E quel sa terre valer purroit.
Tuit ensemble Cut enquerre ' Par serement par mie la terre.
Od grant diiigenz ceo fist escriwe E de ceo en fist un grant livre.
Le livre est Domesday apelé E en la trésorie le roi uncore guardé. Le Conquéror, cum dient les escriz.
De îùalde engendra quatre fiz.
Robert Curte-hose fu le ainzné.
Richarde il autre fu apelé, Willam le Rus le tierce noma, Ki après lui primes régna, îler.ri oat à nun le puisné.
Ki de clergie fu fundé.
Cinke Glles Deu li dona
De Malde sa femme, ke mult ama;
L'aisnée Cécile ape'.a,
Ke abbesse de Cam estoit jà.
La secunde Custanz estoit,
Ke Alain le Sergant à femme avoit,
Ki quens esteit de Bretaigne,
Ke mult est bone tere e saine
Aude la tierce vient après,
Ki Esteven, quens de Bleis,
Od grant honor espufa
E de lui dous fiz engendra :
Li un out nun Thebaud, ceo croi,
Li autre Esteven, ki puis fu rci.
Li dous drains, mien aescient,
Se laissèrent morir en lor juvent.
Quant li Bastard deveit morir,
Kanke aveit fist départir,
Soen héritage, mien aescient.
Normandie od kanke apent
A Robert son ainzné fiz dona
E dux de Normandie l'apeia :
Tuit son conquest par deçà
A ^YiIlarn son fiz dona;
A Henri dona son trésor,
Dras de seye, argent e or.
Quaunt iie eut fest son testament
De teres, de or e de argent,
E XXX an su:;t acompliz
Puis ke Engleterre ad conquis,
A Gara se laissa morir,
E iloec le firent ensevelir
