RÉCIT DE GEOFFROI GAIMAR
V jors après sont arrivez François ot IX mille niefs A Hastinges desur la mier, llœc firent chastel fermer.
1. Chronique de Geoffroi Gaimar ; Chroniques anylo-normondes, t. I. p, 6-1 1.
Li rois Harald, quant ceo oit, L'évesqe Tared idonc saisit Del grant avoir et del hernois K'il out conquis sur les Norreis, Merleswein idonc lessa Pur ost mander el suth ala, V jors i mist al assembler ; Mes ne pout gères aûner Pur la grant gent ki ert oscise Quant des Noreis fist Dieu justise.
Tresqu'en Suthsexe Harald ala.
Tiens corne pout od li mena.
Ses II frères gent assemblèrent, A la bataille od lui alèrent, Li uns fut Gérard, l'autre Leswine, Contre la gent de ultre marine.
Quant les escheles furent rengées Et de férir appareillées, - Mult i out genz d'ambes douz parz:
De hardement semblent léoparz.
Un des François donc se hasta, Devant les autres chevaucha.
Taliier ert cil appeliez, uglère hardi estait assez, Armes avoit et bon cheval.
Si ert hardiz et noble vassal.
Devant les autres cil se mist, Devant Englois merveilles fist, Sa lance prist par le tuet Si com ceo fust un bastonet, Encontremonthalt l'engetta Et par le fer recueue l'a.
III foiz issi getta sa lance, La quarte foiz puis s'avance, Entre les Englois le launça, Par mi le cors un en navera, Puisttrest s'espée, arère vint Et getta l'espée qu'il tint, Encontremont haut le receit.
L'un dit al autre, qi ceo veit,
Qe ceo estoit enchantement.
Cil se fiert devant la gent Quant III foiz out getté l'espée.
Le cheval ad la goule baée, Vers les Englois vint eslessé.
Auquanz quident estre mangé Pur le cheval q'issi baout.
Li jugléour enprès venout, De l'espée fiert un Engleis, Le poign li fet voler maneis ; Un autre férit tant cum il pout, Mau guerdon le jour en out; Car li Englois de totes parz, Li launcent gavelocs et darz, Si l'occistrent et son destrer :
Mar demanda le coup primer.
Après iço Franceis requerent, Et li nglois encontre fièrent. Assez i out levé grant cri.
D'ici q'au vespre ne failli Ne le férir ne le launcer.
Mult i out mort meint chevalier.
Ne's sai nomer, ne ruis mentir.
Li Englois alèrent bien férir.
Li quiens Alain de Bretaigne Bien i férit od sa compaigne.
Cil i férit corne baron.
Mult bien le firent Breton.
Od le roi vint en ceste terre Pur lui aider de sa guerre, Son cosin ert, de son lignage, Gentil home de grant parage ; Le roi servit et ama, Et il bien le guerdona, Bichement li dona el north Bon chastel et bel et fort.
En plusurs lius en Engleterre Li rois li donna de sa terre.
Lunges la tint et puis finit, ASaint-Edmon l'om l'enfouit.
Ore ai dit de cel baron, Repairer voil à ma raison.
Lui et li autre tant en firent Que la bataille bien venquirent.
Et ceo sachez qu'au chef de tour Englois fure it li péjour, Et tournent à fuie el pré.
Meint cors fut de l'ame voidé.
Harald remist et ses II frères.
Par eus sont morz et fiz et pères, Et multz autres des lignages, Dont mult estoit granz damages.
Leswine et Gérard furent occis Li quiens Willam out le pais.
