XXXVIII

Droit du chambellan de Flandre*.

L'an de grace mil CCC et seze le samedi apres le mi karèsme fut repondu de par Monsieur de Flandres a Madame de Ghistielle, Chamberlench de Flandre, sour les droitures que elle demandoit pour le raison de Camblage, que les dictes droitures estoient teilles et nient autres ; quant li Chamberlens venoit à le court dou Conte à Noel et a le Penthecouste , pour faire son office, et toutes les foys que il y estoit mandeis , il avoit les wages qui s'en suient,

1 Le nom manque.

? Archives de la chambre des comptes, à Lille, cart. oblong , fol. 12.

bouche a court pour V personnes, quatre los de vin, deus de le bouche et deux dou commun, I turtin de IX paumes delonc, XX petites candelles, douze souls et siis deniers parisis pour avaine. En autre tamps que dessus est dit ne avoit il riens. Îtem on li envoioit au Noel vint et quatre aunes de drap , et trois pennes de gros vair flekies, et a le Penthecouste aussi, desquels yl devoit vestir luy tiers de chevaliers , pareis de cotes et de manteaux, pour servir de son office as dis mantaux, et les li envoioit on avant les dictes fiestes a tamps, pour coy il les pooit avoir vestues, as dis jours. Et quant on les lui envoioit et il estoit defaillans de venir a aucune des dictes fiestes pour faire son office luy tiers de chevaliers ainsi que desseur est dit, il ne pooit plus demander draps ne pennes, dusques a donc que il eust celles, que prises avoit, desservies. Îtem toutes foys qu'il venoit a court au Noel et a le Penthecouste, si que dit est, il donnoit leauwe au Conte de Flandres et estoient li bachin d'argent dont il servoit sien. Item a ceu que elle demandoit estre quitte dou tonlieu de ce que elle achetoit par toute Flandre pour son corps et pour son ostel, li fut repondu que on ne savoit que elle ne si anchisseur avoient tel droiture , et que useit n'avoit estey, ne droit n'avoit dou demander, ne de le rechoite des bries de la Cambre demandeir n'avoit elle raison, car che sont brief le Conte. Des gies de meir ! que elle demandoit dusques a la value de sexante souls et desouz par tout dedans les bonnes de ses droitures es dunes, li fust repondu que li sires de Maldenghien en avoit enquis, on verroit l'enqueste et si li en feroit on raison. Nulles droitures ne li recognut on, ainchois li dist on que plus ne li en rendroit on seussi ne fust que elle peut montrer cleirement que plus y eust.

1 Jet de mer, alluvions, lais et relais de la iner.