ASSEMBLÉE DU CONSEIL GENERAL. — 12, 24 ET

Les sieurs scindiez ont remonstré que M. le gouverneur les a mandé quérir, et estantz vers luy, a dict qu'il se double que nous soyons à la guerre et qu'il y fault prévoir ; et en premier lieu à la réparation des murailles, de peur d'une surprinse, et qu'il a envie de faire venir les fortiflSantz, et d'ailleurs qu'il fault adviser où Von prendra gens pour nous garder; aussi qu'il a envie de faire munition de bled et vin.

Le conseil a délibéré et ordonné que les sieurs scindiez supplieront Mgr le gouverneur de faire venir les fortiffiantz, comme il luy plaira ordonner, et les mandats seront faictz par le chastellain à la manière accostumée.

Item, luy sera remonstré que, pour trouver gens et les faire tenir prestz à venir en la présente ville, en cas de nécessité , il seroit besoing d'appeller les ecclésiastiques et gentilzhommes , à fin de contribuer pour leur part et rate , et de s'ayder à telle urgente nécessité. Et ce

faisant, sera prié le dict seigneur gouverneur d'adviser de choisir en ce pays de Bresse de bons hommes, tant du cousté du Revermont que aultres de ce pays , ainsi qu'il trouvera pour le mieulx , pour mettre en la présente ville; aussi de faire venir munitions (comme il peult faire de son authorité), à fin, s'il est possible, que ceulx du pays qui pourront venir en la présente ville puissent vivre et jnanger.

28 janvier 1591.