Et on ne abasara ne relassera point del en videnge
920. Et ke nus ne venge vin à broke, sor Ix s., s'il n'est ensigniés.
921 . Et k'on defache le tonel dedens tierch jour quant il sera hors, sor Ix s.
922. Et ke nus crieres de vin ne crie vin s'il ne seit ke le asise est paie, sor Ix s. et le mestier perdu.
923. Et ke nus winscrodere ne kerke vin k'on vent en gros en le vile, ne ne mèche le main avant chou k'il fâchent et aient enseigne des recheveurs del vin ke li asise est paie, sor Ix s. et le mestier perdu.
924. Et chil ki vendent avoir de pois ne soit si hardi k'il poise nule markandise avant chou k'il aront paie le asise et k'il le fâche asavoir as recheveurs, sor Ix s. et le bourgoisie perdue. Et j vallés porra arester les marcandises ki aflerent à le poise pour faire paier lé asise.
925. Et ke tout couretier, quant il aront fait leur markandises de quelconkes markandise ke che soit, k'il le fâchent asavoir à chaus à qui il aflert, sor Ix s. et le mestier perdu.
926. Et tout avoir as bourgois et as autres ki asise doivent ki vint dedens le vile, soit à neif, u à karin, u en quelconkes manière k'il vient, ke il paichent le asise anchois k'on le mèche sus et mis en maison ne ailleurs, fors de vin et de laine, sour double.
927. Et ke nus pinres, broueteires ne autres, ne mèche sus, ne le porche, ne amaine, ne karit, ne remue nul avoir, avant chou ke il ait paie se asise — et k'il le sache, — sor Ix s. et sen mestier perdu.
928. Et ke nus mesureires de blei ne mesureche blei ne autre grain avant k'il sachent par les asiseurs ke li asise est paie, sor Ix s. et le mestier perdu.
929. Et ke li gaugieres ne gauge nul vin avant k'il sachent k'on ait paie le assise, sour se bourgoisie.
930. Et chil ki sont as portes ne laisent passeir nul avoir se il ne seivent ke assise est paie, sour leur bourgoisie.
931 . Et ke nus loieres de dras ne loie nul drap chou avant k'il sache ke le asise est paie u k'il ait enseigne de lui, sor Ix s. et sen mestier à perdre an et jour.
932. Et ke tout chil ki asise doivent paichent leur asise ausi coni ele est ordenée par eskevins, sor Ix s. et double sans laisier.
933. Il est acordei et trait sour un par eskevins ke chil ki ont achensi le asise de le vile, ke il paichent, au kief del mois sus, à le haie, le xij® partie de leur chense. Et s'il ne le paiaissent sus, ausi com il est dit chi desus, on leur commanderoit ke il ne se musent de le haie, sor Ix lib. , tresi adont ke il eusent paie ; et s*il fîist ensi ke il demoraissent vij jours et vij nuis à le haie, on feroit venir ens leur pièges et leur feroit on auteil commandement k'on a fait as deteurs. Et k'on ne puet nul respit doneir ne nul wage s'il ne sont wage d'argent u d'or, et ke li wage soit racatei dedens vij jours et vij nuis, u che non, on les venge.
934. Ona commandei sour tous chaus ki saies taintes ont, k'il ne laisent point loier en leur maisons de saies k'il aient vendues.
935. Ne ke nus loieres soit si hardis ke il loie en autre lieu fors en l'osteil de l'estrange homme ki les ait acatées et ke chil ait paie s'asise ki les ara vendues, sor le for&it de Ix s. et de perdre sen mestier an et jour.
936. Et si faites commandeir sour tous chaus ki ostes rechoivent, k'il ne laisent nul drap loier en leur osteil devant chou k'il sachent ke Tasise soit paie, sor le forfait de Ix s.
937. Et si faites commandeir ke nus estranges hom n'acache saies taintes à estragne homme en le vile de Saint-Omer, sor le forfait de Ix s. et de perdre le drap.
938. Et ke nus couretiers ne soit si hardis ke il fâche saies taintes remueir ne ne venge avant, de si adont k'il sache ke l'asise soit paie et k'il le fâche asavoir dedens le jour à chelui ki warde l'asise k'il les ait vendues et ki les ait acatées, sor le forfait de Ix s. et de perdre sen mestier an et jour.
939. Tout chil ki drap ont et ki dras font faire et pieches et dokes et ki dras vendent en gros et h détail ki sont manant
dedens Teskevinage, paichent leurasise et fâchent seeleir à chelui ki warde Tasise leur dras et pieches et dokes dedens le jour u dedens l'autre jour après ke li dras soit apareilliés.
940. Et enseroent, sour tous les caucheteurs ki cauches font u vendent, k*il fâchent enseeleir les dras sor le mime forfait.
941 . Et ke nus couretiers soit si hardis k'il n'acache nul drap s'il ne le voit seelei et s'il ne soit ke Tasise soit paie et k'il le fâche asavoir à chelui ki warde Tasise dedens le jour de qui il est acateis et à qui il est vendus, sor le forfait de Ix s. et de perdre sen mestier an et jour.
942. Et ke nus loieres ne soit si hardis k*il loie nul drap devant chou k'il sache ke l'asise soit paie, sor le forfait de Ix s. et de perdre sen mestier an et jor.
943. Et ke nus ne loie son drap ne faiche loier à autres loieurs fors as loieurs de le vile ki sont jurei par eskevins, sor le forfait de Ix s.
944. Et ke nus mesureres de waide ne mesure waide ne chose ki à le taintelerie aflere s'il ne le fait asavoir as recheveurs, sor Ix s. et le mestier à perdre.
945. On a commandei ke nus ne venge servoise ne goudale plus kier ke à d., sor Ix lib., mais mains le venge s'il veut.
946. Et ke nus n'ait haions sor les boukes des cheliers ne sor le cauchie se on ne les puet osteir et porteir et raporteir, sor Ix s.
947. Et ke nus couretiers laise movoir saie u drap k'il vent ne acate avant k'on en ait paiet l'asise, sor Ix s.
948. De tous les fourfais ki vienent de l'asise le vile en a le moitié.
Fait au tans J. Aubert, Gilebert de Sainte- Aud^onde, Antoine Renvisc, J. Florent, J. Betthe... (sic) ... Dane, G. Mantel, J. Mantel, G. Philippe. (1282 ?)
( Tout le passage suivant est en fine écriture cursive du XIII*' siècle,)
949. On fait asavoir ke par le volentei du signeur et de le vile on fera asises en le forme et en le manière ki ensieut :
Ch'est à savoir sour chaus ki venderont, borgois, manans et tous autres estrainges, des marchandises ki chi après sont nomeies.
950. Grain, laines et toutes autres choses ki venront à le poise
for flghes et roisin, vin, goudale, chervoise, liewers, mies et toutes autres marchandises dont on fera counissanches pardevant eskevins, et nomeiement tout iretage et toutes autres marchandises seront quite, duskes à le volentei de eskevins.
951 . Et veis chi le forme et le manière comment on les paiera et de quoi; et commenchera cheste assise le jor saint Jehan Decollase.
952. Tout chil ki venderont blei paieront de chascune rasiere j d., li r. de blanc pois, j d., li r. d'autre grain, o.
953. Li sas de laine desous xxv lib. doit iij s. et deseure XXV lib., iiij s. et tout autre avoir ki vienent à le poise paieront ausi k*il ont fait duskes à ore, (ors fighes et roisins.
954. Chil ki brisent les laines et le vendent par pieres paieront iij s. du sac, desous xxv lib. et deseure xxv lib., iiij s.
955. Et de chascun sac de laine ke on acatera en le vile et on le vent entir avant, xij d.
956. Li toneaus de vin d'Auchoire ke on vent à broke paiera xxvj s. Li toneaus de tout autre vin de le muison de le vile, xxviij s. Li toneaus de vin Rinois ke on vent à broke paiera à l'avenant de se muison.
957. Li toneaus de tous vins k'on vent en gros paie de chascune lib., ij d., et s'on Tenmaine huers de le vile por vendre, de chascune lib. k'il coustera, paiera on ij d. Et se aucuns borgois fait envoiier vins hors de le vile por vendre à broke en lieu là on ne paie point d'asise paiera de chascun tonel xx s. , et chascuns ki bevera vin en se maison paiera du mui v s.
958. Li toneaus de goudale paiera ij s. vj d. et s*on le menast hors de le vile, li toneaus paieroit vj d.
959. Et les x los de chervoise ke li braserres brasera paieront j d. Et quiconkes le brasera en se maison u sera braseur paiera de x los j d., et ensi à l'avenant : chervoise d'Engleterre keon vendera, j d., goudale de karitei, de chascun mui, vj s. {Cet article a été rayé,)
960. Li los de mes j d. Li los de liewers, j d. sor le vendeur.
961. Et toutes autres markandises queiles k'eles soient dont on fera counissanche pardevant eskevins paiera de xx s. ij d. et li uselier double.
962. Et convient ke li marchant ki venderont et acateront et li couretiers viengent devant eskevins et dient de quoi chou est par leur serment.
963. Et s'il (ust trovei envoir ke li couretiers ne desist de quoi
che fust, il seroit à x lib. de amende et perdroit se borgoisie à tousjors et sen couretage et s'il en fust coustumiers on le baniroit à tousjors de le vile. Et se li venderres ne desist le vérité et on le peust savoir, il seroit à x lib.
964. Le livre de rente iretavle sera prisié à xij lib. et se uns hom eust une maison ki autant vausist ke rente hiretavle et le louast, on le priseroit à xij lib.
965. Et autre rente maisoneie priseroit on à viij lib.; de che pris paieroit on v d. de le Jib. chascun an ; et le rente à vie prisera on à c. s. de par.; si paiera on de le lib. v d.
966. Et fait on asavoir à tous ke de toutes les detes et convenenches dont on vient avoir counissanches pardevant eskevins, convient ke il viengent à le haie pardevant ij eskevins ki i seront chascun jour et aporchent leur chirografes de leur counissanches escrites et endentées si ke le partie deseure demeura à le haie et l'autre partie ara une keuwe ki sera seeleie du seel des counissanches ki fait est propre a che hues. Et toutes les autres counissanches k'on feroit ailleurs k'en le haie seroient, et chieus ki le feroit et devant qui chou seroit fait, serroit à Ix lib.
[Tisserands des Molekiniers,]
Ce chapitre étant en grande partie la reproduction d'un règlement déjà reproduit (n" 708 à 728), on s'est contenté, pour éviter un double emploi, de noter les variantes de ce second texte {voy. plus haut) et il ne figure ici que pour mémoire.
Che sont li rentes et esplois de le vile qui furent chi escrit en Van de V incarnation m ce lxxix, el mois de may.
987. Primus. Le haie Lange, im'^* et ix estaus à xxiiij s. Testai, à paier à ij termines, à le Paske, xij s., et au Nœil, xij s.
988. Le boiste du merkedi ke doi preudomme wardent ki taillent drap à détail, à rendre au noeil u à le volentei deskevins.
.989. Le boiste des blankes saies de le poise dont le saie paie j d. ke Jehans Cousins tient dont le rente est perpetuele.
990. Les 0. des couretiers de blankes saies à paier à le volontei d eskevins et ausi longhement ke leur volenteis sera.
d91. Jebans de Leweline doit Ix s. par an de Teschope desoas le haie Lange.
992. Simon Wellevere doit iiij lib. du chelier là il maint et si doit Ix s. du chelier jungnant Willaume le Boul.
993. Willames le Boul doit Ix s. par an de l'eschope là u il maint.
994. Miles li potiers doit Ixxvj s. du chelier là u il maint desous le haie.
995. Henris Marau doit iiij lib. et x s. par an du chelier là u il maint.
996. Le haie des quirs et les maisoncheles ki i aâerent ki valent x lib. par an.
997. Le maison là u Lambert de Mesines ens vaut yij lib. par an.
998. Le haie des taneurs là u Mikieus de Broubourg maint vaut xvij lib. par an à paier le moitié à le Paske et le moitié à le saint Mikiel.
999. Le masure là u Jehans li cordiers maint, jungnant le maison Huon Lodewene, doit par an xxj s. à paier à iij termines.
1000. Hues Lodewene doit vij s. par an de une masure ki apartient à le haie des taneurs.
1001. Le haie linge. — Lombardieke Bertel de kelmes a Ixv s.
1002. Le haie des cauches dont il i a xxx estaus à xij s. Testai, chascun an à payer à le saint Jehan, vj s., et au Noeil, vj s. — Et le potière ki i maint ens doit de le haie xlviij s. par an. — Li cheUers desous là u Jehans de Blendeke maint vaut bien es. — Les eschopes d'en costé valent ensi ke on les puet loueir. — Uns autres cheliers vers le Listerue desous le haie des cauches est à le vile. — Le voide masure d*en costé le haie as cauches est à le vile.
1003. Le moitié de le haie as cauchiers ke chil d'Arkes tienent doit xij lib. par an, à paier chascun mois xx s. Li soliers là u Griele le Huvetiere maint doit xxx s. par an. — Le maison là u Jakemins Ëlnars maint, el Yakestrat, doit Ix s. par an.
1004. Le haie des corde waniers dont il i a Iij estaus à viij s. et viij d. Testai; ij soliers, deseure chascun soliers vaut xxx s. par an. — Li cheliers desous vaut vj lib. (Intercalation postée Heure : ke Clais de Lude tient et doit tenir x ans, pris en Tan M ce IIII" et XI, le jor saint Pierre entrant aoust.)
1005. Le haie des merchiers.
1006. Le haie des viesiers.
ST-OHKR 38
1007. Le haie des itiadhecliers et les iiij Chelicirs detKms.
1008. Le haie du pam.
1009. {Interc. postérieure : ) Le haie deà candeliers et li pottiers kl ans maint.
1010. Paskin Bourgon doit xxx s. par an d'une inasure à Everborstade.
1011. Jehans Lamman ki maint u Brulle doit xiiij ë. e le masure là u il maint.
1012. Jehans Spareconte doit x s. d*une masure.
1013. Le voide masure jungnant Jehan de le Pierre est à le vile.
1014. Li preis deriere l*Escoterie est à le rile keli Escotërie tient.
1015. Les hanses de lé vile.
1016. Les xviij d. de le lib.
1017. Les ij s. de le livre.
1018. Le boiste des crues saies.
1019. Le 0. des ploumet de le crue draperie.
1020. Les eawes et les fosseis de le vile.
1021. {Interc. postérieure : ) Un fossei ke sire Nichole de Sainte-Audegonde tient.
1022. Li cautres ke li maieur des markans ont en leur warde.
1023. Le masure là u Lambers le Bisere inaint dehors le tour à Haut Pont, doit xx s. par an.
1024. Le masure la u Kerste Laiers maint ki iu Jehan Niervels le carpentier, doit xv s.
1025. Le masure la u Gis Coreide soloit manoir, doit xl s. par an.
1026. Le masure la u Kerste Le Moine maint doit xl s. par an.
1027. Le rentelete del petit Ger là on fait les neis.
1028. Le cauchie de le vile, vj lib.
1029. Et les ij mois de le vile, j lib.
1030. Le verghe de le vile, viij lib.
1031 . Le masure sour Lard ki fu à Willame de Boloigne est à le vile.
1032. Andrieus Aubers doit v s; à x ans d'une flotelete vers Clermaresch.
1033. Sire Jehans de Sainte-Audegonde doit xij esterlins d'une autre flotelete à x ans.
1034. Gilles Manteaus doit viij s. par an du fi)BSei deriere se maison.
1035. Sire Gillebers de Sainte-Audegonde doit viij s. dé che mime fossei.
{La partie qui suit est en écriture peu postérieure , mais très-né gligée et à peine lisible.)
1036. Les forfais.
1037. Et les borgosies da castelain ausi, après le mord Jehan de l'haie.
1038. Les iiij molins à vent dont li uns là va à Haut Pont, XXV lib., cheli à Corlis, xxiiij lib., cheli à le Loo et li autre, xxxij lib.
1039. Le haie des laines est à le vile louyant à Gillen Lomox, xxivlib.
1040. Les eschopes, le feme Lignard de xij lib.
1041. Li viel maisiel sont à le vile en partie, qui est ore haie à laine.
1042. Mans du pont Amand ont acensi le haie des taneurs. Fait Tan m ce et nn» et v.
1043. Les couretiers des laines, des saies taintes, des vins, de le draperie et des blankes saies.
1044. Le 0. des blankes saies, le conte.
1045. Les bos de Ruout.
1046. Le chens de Menteke et le bos de Menteke.
1047. Le maison longant le porte Sainte Crois. La maison Jehan de Bolonge maint.
1048. Les V moUins è vent.
1049. Aelis Gosters doit v s. par an hiritavlement,de j masure gisant à Everbostade, longant le masure Paskin Borgon ki fut pris et fait l'an m ce im» et vm.
1050. Sur J. de Sainte-Audegonde doit au noel un capons.
1051 . Jehan de l'Haie doit xx s. par an del masure ki fii à le. . .
1052. La maison longant Godin ki fu acatei à le veue W. de Bodinghem.
1053. Le masure longant le pont Avoie est à le vile.
1054. Jehan Hanecos doit xij s. de parisis de une masurete loiigant se . . .son à paier au Noel.
1055. Li mollin à eawe en Brûle, viij lib. par an.
1056. Les vij moUins de Blendeke.
1057. Le maison longant Godin ki fu acatei à le veve W. de Bodinghem.
{Ici reprend la belle écriture habituelle.) Ch'est le rente del Gier Kon paie le jour saint Mikiel ki vaut par an xiij lib .etœvs.y dont lespieches sont chi escriies.
1058. Jehans Keiser et Gerars del Walle, xxv s.
1059. Danins Scibboutre, v s.
1060. Mabe Mars, v s.
1061. Mas Polchallinc et Willaume li Rous, xij s.
1062. Willaumes li Rous, vj s.
1063. Willaumes li Rous, vj s. et ij d.
1064. Clai Vlecgart, xij s. et iiij d.
1065. Item, Qai Vlecgart, xix s. et vj d.
1066. Christian Bouckelare, viij s. et iiij d.
1067. Gilles Bouckelare, vj s.
1068. Mikieus de Oudemonstre, xiij s. et ix d.
1069. Gilles Drughebrot, xij s. et iij d.
1070. Margrite des Walen, xxj s.
1071 . Willaume Storm et Hannin Brune, xiij s. et iij d.
1072. Hein Storm, xj s.
1073. Danin Scibboutre, vj s. et ix d.
1074. Pierres Widot et Willaume Storm, xiij s. et viij d.
1075. Mikieus li Rous, xij s.
1076. Jehans Bricchebout, xj s. et vj d.
1077. Item, Clai Mecgart, xxxj s. et j d.
1078. Boid Zangere, viij s.
1079. Willaume li Sac et ses freires, xv s. et v d. et o. (La fin en écriture postérieure et très-négligée. )
1080. Item, le grant Geer là on met sus le boos.
1081. Stas li potiers ki maint dehors le porte BouUisiene doit XXX s. iretavlement par an de le masure deriere sen manoir.
1082. Le maison Gerart le Castelain ki siet ou vies markié doit à le V ile xxx s . de parisis iretavlement pour l'escange de le tere ki fu Willaume de Bouloigne gisant en Lannoike sire Jehan Bette tient.
1083. Sor le maison Hehn le BoUengier, xl s. heritavlement devant et derire, ke Jehan Bollars yendi à le vile, werpi à loi pardevant eskevins J. de Sainte-Audegonde et J. Véline (?), Gilebert d'Arie, Willaume Wasp, J. Aubert, Ph. d'Auld, J. Sualbel, J. Bette, Jehan, Haugeboc, Tan Mccnnxx et xvn el mois d'avriel.
1084. Le maison qui fu Nicole de Sainte-Aud^onde 9or Feawe de Testât est à le vile.
