DU PALAIS
Le Palais Royal dure dès le grant Pont où est Porologe jusques à Pont Neuf. La salle du palais a de long six vingt piés et de large cinquante pies ; il y a huit colombes : là est la table de marbre de neuf pièces ; là sont les ymages des roys qui ont régné en France ; là sont procureurs de parlement et advocas. La sale des merchiers a de long quatre vingt piés. La vent-on divers joyaux d'or, d'argent, de pierres prescieuses et autres.
En la Sainte Chappclle est grant partie de la sainte croix, delà sainte couronne , et autres benoîtes reliques à merveilles ; et y a ung grant pié d'un griffon.
Au Palais sont salles et chambres pour logier le Roy et les douze pers. Si est de bel édifice à tours et ymages dedens et dehors ; et y a beau jardin. Au palais sont les seigneurs de parlement où les Roys de Franee ont accoustumé de seoir en jugement. Là sont les seigneurs des requestes qui ont cognoissance des causes des officiers du Roy. Là est la chambre des seigneurs des comptes , des trésoriers , des receveurs , du concierge et d'autres officiers. Là est l'audience. Et devant le palais demeure ung pottier d'estain , bon ouvrier de merveilleux vaisseaux d'estain , et tenoit des rossignols qui chantoient en y ver.
Le grant hospital que le roy saint Loys fonda dure dès l'église Nostre- Darae jusques à Petit Pont ; si a devant hospital , en rue ncufve , trentesept manoirs , avec une boucherie et place vuide devant la chappellc do l'ospital.
nss PONS.
Grant Pont a de l'un costé soixante huit louages et de l'autre costé soixante et douze; là demeurent les changeurs d'un costé et orfèvres d'autre costé. En Tan quatorze cent , et quant la ville estoit en sa fleur, passoient tant de gens toute jour sur ce pont que on y encontroit adez ung blanc moine ou ung blanc cheval.
Pont Nostre-Damc : là sont beaux manoirs ; si en y a soixante quatre qui appartiennent à la ville , et dix huit qui sont à diverses personnes ; si y furent commencies encore cinq maisons l'an quatorze cent vingt deux , que ceste description fu faite.
Petit Pont est moult fort ; et est dès le fondement de grans lames attaciés ensemble à fer et à plont. Là est petit Chastelet , si espès de murs que
5io
APPENDICE
on y m en roi t bien par dessus une charrette. Si sont dessus ces murs hcaui jardis; là est une viz double, dont ceulx qui montent par une voie ne s'apparçoivent point des autres qui descendent par l'autre voie. Pont neuf est bien maisonné.
Les rues qui sont en la Cité s'ensuivent en tele manière que on les pourrait a 1er qui vouldroit , c'est assavoir de petit pont à rue neufve Nostre-Dame , de là es rues des Coulons , de Saint-Christofle , la ruelle du Parvis , le Fort Levesque, la grant rue Saint-Christofle , Saint-Pierreaux-Beufe , Sainte-Marine , de la Cocatris , la Confrarie , Champ-Roussy, de la Pomme, de la Licorne, Marché-Palus, la Juierie, la Petite-Orberie, la rue des Fevres , la Calandre, la Ganterie , la granl-Orberic , la Barillerie, la V ieille- Draperie , la Saveterie, Sainte-Croix, Saint-Lorens, de la Lanterne , des Marmousez , de la Colombe , le port Saint-Landry, de la Cage, de l'Image , Glaitigny , où est les fillettes; Saint-Denis-de-la- Chartre , la Peletlerie , où l'en fait les chalis ; et d'illec à grant pont.
