XLTI UNE ATTAQUE DES SARRASINS EST REPOUSSÉE

498. Scecedins, que je vous ai devant nommei (li chievetains des Turs), si estoit li plus prisiés de toute la paennime. En sa baniere portoit les armes l'empereour * qui l'avoit fait chevalier. Sa baniere estoit bandée: en l'une des bandes estoient les armes l'empereour qui l'avoit fait chevalier; en l'autre estoient les armes le soudanc de Halape ; en l'autre bande estoient les au soudanc de Babiioine

199. Ses nous estoit Secedin le fil seic; ce vaut autant à dire comme le vieil le fil au vieil. Celuy non tenoient-il à moût grant chose en la paiennime ; car ce sont les gens ou monde qui plus honneurent gens anciennes, puis que il est ainsi que Diex les ait gardes de vilain reproche jusques en lour vieillesce. Secedins, cis vaillans Turs, aussi comme les espies le roy le raporterent, se vanta que il mangeroit, le jour de la feste de saint Sebastien, es paveillons le roy.

200. Li roys, qui sot ces choses, atira son host en tel manière que li cuens d'Artois, ses frères, garderoit les chaz et les engins ; li roys et li cuens d'Anjou, qui puis fu roys deSecile, furent establi à garder lost par devers Babiloinne ; et li cuens de Poitiers, et nous de Champaigne, garderiens l'ost par devers Damiete. Or avint ainsi que li princes des Turs devant nommez fist passer sa gent en l'ille qui est entre le flum de