JOINVILLE BLOQUÉ PAR LES SARRASINS

je resgardai un Sarrazin qui montoit sur son cheval : uns siens chevaliers li tenuit le IVain.

'2-21. Là où il lenoit ses dous mains à sa selle pour monter, je li donnai de mon glaive par desous les esselles et le gelai mort; et quant ses chevaliers vit ce, il laissa son signour et son cheval, et m'apoia, au passer que je fis, de son glaive entre les dous espaules, et me coucha sur le col de mon cheval, et me tint si pressei que je ne pouoie traire m'espée que j'avoie ceinte. Si me convint traire l'espée qui estpit à mon cheval; et quant il vit que j'oz m'espée traite, si tira son glaive à li et me lessa.

2-22. Quant je et mi chevalier venimes hors de l'ost aus Sarrazins, nous trouvâmes bien six raille Turs, par esme, qui avoient lessies lour herberges et se estoient trait aus chans. Quant ils nous virent, il nous vindrent sus courre, et occistrent mon signour Huon lie Trichastel, signour de Conflans, qui estoit avec moy à baniere. Je et mi chevalier ferimes des espérons, et alames rescourre mon signour Raoul de Wanou, qui estoit avec moy, que il avoient tirié à terre.

223. Endementieres que je en revenoie, li Turc m'apuierent de lour glaives; mes chevaus s'agenoilla pour le fais que il senti, et je en alai outre parmi les oreilles dou cheval. Et me resdreçai, auplustost que je peu, mon escu à mon col et m'espée en ma main; et mes sires Erars de Severey (que Diex absoille !), qui estoit entour moy, vint à moy et nous dist que nous nous treissiens emprès une maison deffaite, et illec

atenderiens le roy qui venoit. Ainsi comme nous en aliens à pié et à cheval, une grans route de Turs vint liurter à nous, et me portèrent à terre, et alerent par dessus moy, et firent voler mon escu de mon col.

224. Et quant il furent outre passei, mes sires Erars de Syverey revint sur moy et m'emmena, et en alames jusques aus murs de la maison deffaite; et illec revindrent à nous mes sires Hugues d'Escoz, mes sires Ferris de Loupey, mes sires Henaus de Menoncourt. Illec li Turc nous assailloient de toutes pars ; une partie d'aus entrèrent en la maison deffaite, et nous piquoient de lour glaives par desus. Lors. me dirent mi chevalier que je les preisse par les frains ; et je si fis pour ce que li cheval ne s'enfouissent. Et il se deffendoient des Turs si viguerousement ; car il furent loei de touz les preudomes de l'ost, et de ceus qui virent le fait et de ceus qui l'oïrent dire.

225. Là fu navrez mes sires Hugues d'Escoz de trois glaives ou visaige, et mes sires Raous, et mes sires Ferris de Loupey d'un glaive parmi les espaules ; et fu la plaie si large que li sans li venoit dou cors aussi comme li boudons d'un tonnel. Mes sires Erars de Syverey fu férus d'une espée parmi le visaige, si que li nez li cheoit sus le lèvre. Et lors il me souvint de mon signour saint Jaque, que je requis : « Biaus sire (( sains Jac(iaes, aidiés-moy et secourez à ce besoing. »

226. Maintenant que j'oi faite ma prière, mes sires Erars de Syverey me dist : « Sire, se vouscuidiés que € je ne mi hoir n'eussiens reprouvier, je vous iroie