LV. SUITE DE LA MÊME BATAILLE

272. De la bataille mon signour Guion Malvoisin descendoit la lice qui clooit nostre ost, et venoit vers le fliim bien le giet d'une pierre poingnant. Dès illec si s'adreçoil la lice par devant l'ost le conte Guillaume de Flandres, et s'estendoit jusques au flum qui s'en aloit vers la mer. Endroit celi qui venoit de vers mon signour Guion Malvoisin, estoit la nostre bataille ; et pour ce que la bataille le conte Guillaume de Flandres lour estoit encontre lour visaiges, il n'osèrent venir à nous : dont Diex nous fist grant courtoisie ; car je ne mi chevalier n'aviens ne haubers ne escus, pour ce que nous estiens tuit blecié de la bataille dou jour de quaresme-prenant.

273. Le conte de Flandres coururent sus moût aigrement et viguerousement, et àpié et cheval. Quant je vi ce, je commandai à nos arbalestriers que il traisissent à cens à cheval. Quand cil à cheval virent que' on les bleçoit par devers nous, cil à cheval touchiereiit à la fuie; et quant les gens le conte virent ce, il h^ssierent l'ost, et se fichierent par desus la lice, et coururent sus aus Sarrasins à pié et les desconfirent. Plusours en y ot de mors, et plusours de lour targes gaaingnies. Là se prouva viguerousement Gantiers de la Horgne, qui portoit la baniere mon signour d'Apremont.