DÉLIVRANCE DES PRISONNIERS

et œf dur cuit de quatre jours ou de cinc; et pour lionnour de nous, on les avoit fait peindre par dehors de diverses colours.

377. On nous mist à terre; et en alames vers le roy, qu'il amenoient, don paveillon là où il l'avoient tenu, vers le flum; et venoient bien vint mille Sarrazin, les espées ceintes," tuit après li, à pié. Ou flum, devant le roy, avoit une galie de Genevois, là où il ne paroit que uns sens hom desur. Maintenant que il vit le roy sur le flum, il sonna un siblet; et au son dou siblet saillirent bien de la sente de la galie quatrevins arbalestrier bien appareillié, les arbalestres montées, et mistrent maintenant les carriaus en coche. Tantost comme li Sarrazin les virent, il touchierent en fuie aussi comme brebis ; que onques n'en demoura avec le roy, fors que dous ou trois.

378. Il geterentune planche à terre pour requeillir le roy, et le conte d'Anjou son frère, et mon signour Geffroy de Sergines, et mon signour Phelipe de Annemos*, et le maréchal de France que on appeloit dou Meis, et le maistre de la Trinitei et moy. Le conte de Poitiers il retindrent en prison jusques à tant que li roys lour eust fait paier les dous cens mille livres que il lour devoit faire paier, avant que il partisist dou flum, pour lour rançon.

379. Le samedi^ après l'Ascension, liquex samedis est l'endemain que nous fumes delivrei, vindrent