LXXXIV. REPROCHES ADRESSÉS A JOINVILLE*, ENTRETIEN SECRET AVEC LE ROI

430. Quant nous fumes parti d'illec, et li assaus me commença de toutes pars : «Or est fous, sire de Join- « ville, li roys, se il ne vous croit contre tout le con- « soil dou royaume de France. » Quant les tables furent mises, li roys me fist seoir delez li au mangier, là où il me fesoit touz jours seoir se sui frère ni esloient. Onques ne parla à moy tant comme li mangiers dura : ce que il n'avoit pas acoustumei, que il ne gardast touz jours à moy en mangant. Et je cuidoie vraiemenl que il fust «ourouciez à moy, pour ce que je dis que il n'avoit encore despendu nulz de ses deniers, et que il despendist largement.

431. Tandis que li roys oy ses grâces, je alai à une fenestre ferrée, qui estoit en une reculée devers le che-

vet dou lit le roy;et tenoie mes bras parmi les fers de la fenestre, et pensoie que se li roys s'en venoit en France, que je m'en iroie vers le prince d'Antioche' (qui me tenoit pour parent, et qui m'avoit envoyé querre), jusques à tant que une autre alée me venist ou pays, par quoy li prisonnier fussent délivre, selonc le conseil que li sires de Boulaincourt * m'avoit donnei.

432. En ce point que je estoie illec, li roys se vint apuier à mes espaules, et me tint ses dou s mains sur la teste. Et je cuidai que ce fust mes sires Pheiippes d'Anemos, qui trop d'ennui m'avoit fait le jour pour le consoil que je li avoie donnei; et dis ainsi : « Les- « siés-moy en paiz, mes sire Pheiippes. » Par maie avanture, au tourner que je fiz ma teste , la mains le roy me chei parmi le visaige; et cognu que c'estoit li roys à une esmeraude que il avoit en son doy. Et il me dist : « Tenez-vous touz quoys; car je vous vueil de- « mander comment vous fustes si hardis que vous, « qui estes uns joennes hons, m'osastes loer ma de- « mourée, encontre touz les grans homes et les saiges « de France qui me looient m'alée. »

433. « Sire, fis-je, se j'avoie la mauvestié en mon « cuer, si ne vous loeroie-je à nul fuer que vous la « feissiés. — Dites-vous, fist-il, que je feroie que « mauvaiz se je m'en aloie? — Si m'aist Diex, sire, « fis-je, oyl. 5) Et il me dist : « Se je demeur de-

i. Boéinoud V (voy. g 522.) | t. V(^y. 8421.