Voy. § 5i

MŒURS DES TARTAaES. 205

< harijii' de farine, qui estoit venus de trois mois d'aleure loiiig; et il la donna aus messagiers le roy.

488. Il ont moût de peuples crestiens qui croient en la loy des Griex, et cil dont nous avons parlei et d'autres. Ceus envoient sur les Sarrazins (juant il veulent guerroier à aus; et les Sarrazins envoient sus les crestiens quant il ont afaire à aus. Toutes manières de femmes qui n'ont ent'ans vont en la bataille avec aus ; aussi bien donnent-il soudées aus femmes comme aus homes, selonc ce que elles sont plus viguerouses. Et contèrent li messagier le roy que li soudaier et les soudaieres manjuent ensemble es hostiex des riches homes à cui il estoient; et n'osoient li home touchier aus femmes en nulle manière, pour la loy que lour premiers roys lour avoit donnée.

489. Toutes manières de chars qui meurent en lour ost, il manjuent toutes. Les femmes qui ont lour enfans les conroient, les gardent, et atournent la viande à ceus qui vont en la bataille. Les chars crues il mettent entre lour selles et lour paniaus; quant li sans en est bien hors, si la manjuent toute crue. Ce que il ne peuent inangier jetent en un sac de cuir; et quant il ont fain, si oevrent le sac, et manguent touz jours la plus vieille devant. Dont je vi un Coremin qui fu des gens l'empereour de Perse; qui nous gardoit en la prison, que quant il ouvroit son sac nous nous bouchiens ; que nous ne pouiens durer, pour la punaisie qui issoit dou sac.