XCVI. CHEVALIERS ARRIVÉS DE NORVÈGE

493. Or revenons à nostre matière et disons ainsi que tandis que ii roys fermoit Cezaire, vint en l'ost mes sires Alenars de Senaingan, ([ui nous conta que il avoit fait sa nef ou reaume de Noroe, qui est en la fin dou monde devers Occident; et au venir que ii fist vers le roy, environna toute Espaingne, et le convint passer par les destroiz de Marroch. En grant péril passa avant qu'il venist à nous. Li roys le retint, Ii disiesme de chevaliers. Et nous conta que en la terre de Noroe que les nuiz estoient si courtes en l'estei, que il n'estoit nulle nuis que l'on ne veist la clartei dou jour à l'anuitier et la clartei de l'ajournée.

494. Il se prist, il et sa gent, à chacier aus lyons, et plusours en pristrent mont perillousement ; car il aloient traire aus lyons en ferant des espérons tant comme il pooient. Et quant il avoient trait, li lyons mouvoit à aus; et maintenant les eussent attains et dévorez, se ne fust ce que il lassoient cheoir aucune piêsce de drap mauvais; et li lyons s'arestoit desus, et dessiroit ce drap, et devoroit; que il cuidoit tenir un homme. Tandis que il dessiroit ce drap, et li autres raloit traire à li; et li lyons lessoit le drap et li aloit courre sus; et si tost comme cil lessoit cheoir une piesce de drap, li lyons rentendoit au drap. Et en cç faisant, il occioient les lyons de lour saietes.