Baudouin II, empereur français de Constantinople

IKEURS DES COMMAINS. 209

frère de sanc. Encore firent passer un chien entre nos gens et la leur, et descoperent le chien de leur espées, et nostre gent aussi; et distrent que ainsi fussent-il decopei se il failloientli uns à l'autre.

497. Encore nous conta une grant merveille, qu'il vit tandis que il estoit en lour ost : que uns riches chevaliers estoit mors, et li avoit l'on fait une grant fosse et large en terre, et l'avoit l'on assis moût noblement et parei en une chaere; et li mist l'on avec li le nieillour cheval que il eust et le meillour sergent, tout vif. Li serjans, avant que il fust mis en la fosse avec son signour, il printcongié au roy des Commains et aus autres riches signours ; et au penre congié que il fesoit à aus, il li metoient en escharpe grant foison d'or et d'argent, et li disoient : « Quant je venrai en c l'autre siècle, si me rendras ce que je te bail. » Et il disoit : t Si ferai-je bien volentiers. »

498. Li grans roys des Commains li bailla unes lettres qui aloient à lour premier roi, que il li mandoit que cil preudoin avoit moût bien vescu et que il l'avoit moût bien servi, et que il li guerredonnast son servise. Quant ce fu fait, il le mistrent en la fosse avec son signour et avec le cheval tout vif; et puis lancierenf sus le pertuis de la fosse planches bien chevillies, et touz li os courut à pierres et à terre; et avant que il dormissent, orent-il fait, en remembrance de cens q'ie il avoient enterrei, une grant montaingne sur aus.

JQINVILLS. Hi3t. de saint Louu- H