Voj. i

« don et grant grâce au chevalier crestien que i' « seuffre estre vaillant de cors, et que il seuffre en « son servise en li gardant de pechié mortel; et celi « qui ainsi se demeinne doit l'on appeler preudome, <( pour ce que ceste proesse li vient dou don Dieu. Et « cens de cui j'ai avant parlei puet l'on appeler preuz « homes, pour ce que il sont preu de lour cors, et « ne doutent Dieu ne pechié. »

561. Des grans deniers que li roys mist à fermer Jaiïe ne couvient-il pas parler, que c'est sanz nombre; car il ferma le bourc dès l'une des mers jusques à l'autre, là où il ot bien vint quatre tours; et furent li fossei curei de lun dehors et dedans. Trois portes y avoit, dont li legas en fist l'une, et un pan dou mur.

562. Et pour vous moustrer le coustaige que li roys i mist, vous faiz-je à savoir que je demandai au légat combien celle porte et cis pans dou mur li avoient coustei ; et il me demanda combien je cuidoie qu'elle eust coustei; et je esmai que la porte que il avoit fait faire li avoit bien coustei cinq cens livres, et li pans dou mur trois cens* livres. Et il me dist que (si Diex li aidast) que la porte que li pans li avoient bien coustei trente mille livres.

1. En substituant cinq mille à cinq cens cl trois mille à trois cens, ou diminuerait l'écart sign:ild

par M. Paris entre l'évaluation d<j Joinville et la somme de lrent« mille livres.