Naples ou îiaplouse répond à | 3. Grande Armiinii

438 HIStOIRE DE SAINT LOUtâ.

grant treu rendant aus Sarrazins qui les conduisoienl. A un latimier qui savoit lour languaige et le nostre, il me firent prier que je lour monstrasse le saint roy.

566. Je alai au roy là où il se seeit en un paveillon, apuiez à l'estache dou paveillon; et seoit ou sablon, sans tapiz et sans nulle autre chose desouz li. Je li dis : « Sire, il a là hors un grant peuple de la « Grant Hermenie qui vont en Jérusalem, et me « proient, sire, que je lour face moustrer le saint

vl >j « roy; mais je ne bé jà à baisier vos os. » Et il rist moût clerement, et me dist que je les alasse querre ; el si fis-je. Et quant il orent veu le roy, il le commandèrent à Dieu, et li roys aus.

567. L'endemain jûst li os en un lieu que on appelle Passe-poulain, là où il a de moût bêles eaues de quoy l'on arose ce dont li sucres vient. Là où nous estions logié illec, li uns de mes chevaliers me dist : « Sire, fist-il, or vous ai-je logié en plus biau lieu « que vous ne fustes hyer. » Li autres chevaliers qui m'avoit prise la place devant, sailli sus touz effraez, et li dist tout haut : « Vous estes trop hardis quant « vous parlés de chose que je face. » Et il sailli sus et le prist par les cheveus. Et jo sailli sus et le feri dou poing entre les dous espaules, et il le lessa; et je li dis : « Or hors de monhostel; car (si m'aïst Diex!) « avec moy ne serez-vous jamais. »

568. Li chevaliers s'en ala si grant duel démenant, et m amena mon signourGilon le Brun le connestable

teXPÊDlTION CONTRE BÉLINAS.

(ie France; et pour la grant repentance que il vcoil que li chevaliers avoit de la folie que il avoit faite, me pria, si à certes comme il pot, que je le remenasse en mon hostel. Et je respondi que je ne Ti remenroie pas, se li legas ne me absoloit de mon sairement. Au légat en alerent et li contèrent le fait; et li legas lour respondi que il n'avoit pooir de moy absoudre, pour ce que li sairemens estoit raisonnables; car li chevaliers l'avoit moût bien deservi. Et ces choses vous moustré-je, pour ce que vous vous gardés de faire sairement que il ne couviengnc faire par raison; car, ce dit li Saiges : « Qui volentiers jure, volontiers se « parjure. >