XXXVIII. HORREUR DE SAINT LOUIS ET DE JOINVILLE POUR LES BLASPHÈMES

685. Li roys ama tant Dieu et sa douce Mère, que touz cens que il pooit ateindre qui disoient de Dieu ne de sa Mère chose deshoneste ne vilain sairement, que il les fesoit punir griefment. Dont je vi que il fist mettre un orferre en l'eschiele à Cezaire, en braies et

JOIMVILLB. Hitt. de saint Louit. i8

en chemise, les boiaus et la fressure d'un porc entouf le col, et à si grant foison que elles li avenoient jeusques au nez. Je oy dire que puis que je reving d'outremer, que il en fist cuire le nez et le balevre à un bourjois de Paris ; mais je ne le vi pas. Et distli sains roys: < Je vourroie estre seigniez d'un fer chaut, par tel « couvenant que tuit vilein sairement fussent ostei de « mon royaume*. »

686. Je fu bien vint-dous ans en sa conipaignie, que onques Dieu ne li oy jurer, ne sa mère, ne ses sains; et quant il vouloit aucune chose affermer, il disoit : c Vraiement il fu ainsi, » ou : « Vraiement il est ainsi. »

687. Onques ne ly oy nommer le dyable^, se ce ne fu en aucun livre là où il l'afferoit à nommer, ou en la vie des sains de quoi li livres parloit. Et c'est graiis honte au royaume de France et au roy quant il le souffre, que à peinne puet l'on parler que on ne die. - « Que dyables y ait part ! » Et c'est grans faute de languaige, quant l'on aproprie au dyable l'orne ou la femme, qui sont' donnai à Dieu dès que il furent baptizié. En l'ostel de Joinville, qui dit tel parole, il doit la bufo ou la paumelle, et y est cis mauvais languaiges presque touz abatus.

1. Ce fait est rapporté dans le ihtpilre xxxiii de la Vie de saint Leuit par Geulfiuy de Beaulieu, et

ailleurs; mais la peine ordiaair* blasphème était l'amende.