CXLV. SAINT LOUIS TOMBE MALADE; SES ENSEIGNEMENTS A SON FILS

738. De la voie que il fîst à Thunes ne vueil-je riens conter ne dire, pour ce que je ni lu pas, la merci Dieu! ne je ne vueii cliose dire ne mettre en mon livre de quoy je ne soie certeins. Si parlerons de nostre saint roy sanz plus, et dirons ainsi, que après ce que il lu arivez à Thunes devant le chastel de Carthage, une maladie le prist dou flux dou ventre (et Philippes, ses liz aisnez, lu malades de fièvre carte, avec le llux dou ventre que li roys avoit), dont il acoucha au lit, et senti bien que il devoit par tens trespasser de cest siècle à l'autre.

739. Lors apela mon signour Phelippe son fil, et li commanda à garder, aussi comme par testament, touz les enseignemens que il li lessa, qui sont ci-après escrit en françois *, lesquiex enseignemens li ro\> escrist de sa sainte main, si comme l'on dist.

740. Biauz fiz, la première chose que je t'enseing, si est que tu mettes ton cuer en amer Dieu ; car sans ce imlz m.' puet astre sauvez. Garde-loy de faire chose qui à Dieu

1. Voyex plus loirit^ 768) une note relative h ces enseigneni'<nts.

3Ô8 HISTOIRE DE SAINT LOtli.

desplaise, c'est à savoir pechié mortel; ainçois devroio> soufrir toutes manières de tormens, que faire mortel pechi'

741. Se Diex t'envoie adversité, si le reçoif en patien et en rent grâces à Nostre Seigneur, et pense que lu l'adeservi, et que il te tournera tout à preu. Se il te donii ■ prospérité, si l'en merci humblement, si que tu ne soies pas pires ou par orgueil ou par autres manières, dont tu doies miex valoir; car l'on ne doit pas Dieu de ses dons guerroier.

742. Confesse-toy souvent, et esli confesseur preudoni' , qui te sache enseignier que tu doies faire et de quoy lu \f doies garder; et te doiz avoir et porter en tel manière, (i:i>' tes confesserres et ti ami te osient reprenre de tes mesfaiz. Le servise de sainte Esglise escoule dévotement et sans truffer; mais pri Dieu et de cuer et de bouche, especialnient en la messe, que la consecracions est faite. Le cutr aie douz et piteus aus povres, aus chietis et aus mesaisiés, et les conforte et aide selonc ce que tu pourras.

743. Maintien les bones coustumes de ton royaume, et les mauvaises abaisse. Ne couvoite pas sus ton peuple, ne ne le charge pas de toute ne de taille, se ce n'est pour ta grant nécessité.

744. Se tu as aucune mesaise de cuer, di-le tantosl à ton confesseur, ou à aucun preudome qui ne soit pas pleins de vainnes paroles; si la porteras plus legierement.

745. Garde que tu aies en ta compaignie preudomes et loiaus qui ne soient pas plein de convoitise, soient reli . gieus, soient séculier, et souvent parle à aus; et fui e eschieve la compaignie des mauvais. Escoute volontiers la parole Dieu et la retien en ton cuer; et pourchace volentiers proieres et pardons. Aime ton preu et ton bien, et bai touz maus oîi que il soient.

746. Nulz ne soit si hardis devant toy que il die parole qui atraie et esmeuve à pechié, ne qu'i mesdie d'autrui par derieres en detractions; ne ne souffre que nulle vileinnie