XXI. SAINT LOUIS TIENT UNE COUR PLÉNIÈRE A SAUMUR, EN

93. Or revenons à nostre matière, et disons ainsi que après ces choses tint li roys une grant court à Saumur en Anjo; et là fu-je, et vous tesmoing que ce fu la miex arée que je veisse ônques. Car à la table le roy manjoit, emprès li, li cuens de Poitiers*, que il avoit fait chevalier nouvel à une saint-Jehan; et après le conte de Poitiers, mangoitli cuens Jehans de Dreues, que il avoit fait chevalier nouvel aussi; après le conte de Dreues, mangoit li cuens de la Marche ; après le conte de la Marche, li bons cuens Pierres de Bretaigne. Et devant la table le roy, endroit le conte de Dreues, mangoit mes sires li roys de Navarre, en cote et en mantcl de samit, bien parez de courroie, de fermail et de (hapel d'or; et je tranchoie devant li*.

94. Devant le roy, servoit dou mangier li cuens d'Artoiz ses frères'; devant le roy, tranchoit dou coutel li bons cuens Jehans de Soissons. Pour la table dou roi garder, estoit mes sires Ymbers de Biaugeu, qui puis fu connestables de France, et mes sires Engerrans de Coucy et mes sires Herchaiibaus de Bourbon. Dariere ces trois barons, avoit bien trente de lour che-