DE HENRI IV , ANNONÇANT SON AS1CRATION

(1593, 25 juillet).

Chers et bien amez; suyvant la promesse que nous Gsmes à nostre advenement à ceste corone par la mort du feu roy nostre seigneur et frere dernier décédé que Dieu absolve et la convocation par nous faicte des prelatz de nostre royaulme pour antendre nostre instruction par nous tant desirée et tant de fois interrompue par les artifices de nos ennemis ; enfin nous avons Dieu mercy conféré avec les dicts prelatz et docteurs assemblez en ceste ville pour cest affere les poincts sur lesquels nous nous desirions estre esclaircis et apres la grâce qu’il a plu a Dieu nous fere par l'inspiration de son Saint-Esprit que nous avons recherchez par toutz nous vœux et tout nostre cœur pournostre sallut et satisffaction par les preuves que iceulx prélats et docteurs nous ont randues par les scriplz des Apostres des Sainctz Peres et Docteurs reçuz en 1 esglisc

JUSTIFICATIVES

catholique apposlolique et romaine estre la vraye csglisc de Dieu plaine de verittéet laquelle ne peult errer, nous lavons embrassée et nous sommes resollus dy vivre et mourir et pour donner comancemcnt a ce bon œuvre et fere cognoistre que nos intentions nont heu jamais daultre but que destre instruit?, sans aulcuuc opiniastreté et deslre esclarciz de la verilté et de la vraye relligion , pour la suyvre nous avons este ceiourdhuy h la messe et joinct et uny nos prières avecque la dicte esglise aprez les ceremonies necessayres et acousluinccs en telles choses , resollu de y continuer le reste des jours que il plaira a Dieu nous donner en ce monde , dont nous avons bien volleu vous advertir pour vous rejouir d’une sy agréable nouvelle et confondre par nous actions les bruitz que nous ennemis ont faict courir jusques a ccst heure que la promesse que nous en avons sy devant faicte estoyt seullement pour abuser nous bons subgetz, en les entretenant d'une vayne esperance sans aulcune vollonté de la mettre a execution , vous priant de fere rendre grâces a Dieu par processions et prières publicques, allin qu’il plaise a sa divine bonté nous confirmer et maintenir le reste de nous jours en une sy bonne et sy saincte resollution et nous prions quil vous ayt, chers et bien amez, en sa saincte garde. Script a Sainct Denis en France , le dimanche xxv julhet 1 593. Signe Henry.

Et plus bas , F orlet.

Au dessus est escrit : A nous chers et bien amez les manans et habitans de nostre ville de Sisteron.

Lettre d'envoi écrite par le duc d'Epcrnon , en sa qualité' de gouverneur et de lieutenant— général pour le roi, en Provence

Messieurs les Consulz. Vous verrez par la lettre que le roy vous script , comme dez le xxv du passé Sa Mageste a faict profiection de la relligion catholicque de quoy nous devons toulz louer et remercier Dieu par lesperance du bien et reppos que sa convertion peult aporter en ce royaulme. Sa Mageste vous charge par sa lettre de fere démonstrations dallegresse tant par prières et processions

PIÈCES

quallcinanl que par feux de joye ainsy que l’on a acoustumé de ferc en semblables occasions. Je vous prie ny manquer sur ce le créateur quil vous conserve.

Du camp Damiens le xxi aoust i5g3. Vostre plus affectionne amy. J. Louys de Lavalette.

Après ces lettres, le registre qui nous les a conservées, ajoute

Du xxviu aoust an susdict , la susdicte lettre du roy nostre sire a esté reçue et publiée et donnée a entendre a toutz les mananlz e babilantz de ladictc ville par toutz les carreffours dycelle et du landemain dimanche vingtneufvicme du dict mois a esté effectué le contenu dycelle tant par processions quallemcnt prières que sont esté faictes que feux de joye et aullres rcjouyssances, comme le faict le mérite ainsy le ccrtiGc je notaire et secretavre soussigné.

Puilipe LAFONT.