CONTRE LES RICHES

Qui ve grand maleza faire De mal dir no se deu traire ; Per qu'ieu vueil dir et retraire Que riez hom dezeretaire Es piegers que autre laire

Et fai diablia Peior que negun raubaire

Et tart se castia.

Ries hom, quan va per carreira, El mena per companheira Malvestat, que vai primeira Et mejanae derreira; Et grand Cobcitat enteira

Li fai companhia, Et Tort porta la senheira Et Orgueil la guia.

Ries hom mais, quan vai en plassa Que cujals vos que lai fassa?

Quan aiitre hom rits et solassa Al un mov plag, l'autre cassa L'un maldij, l'autre menassa,

Et l'autre affolia; Et noy fag joy ni abrassa

Si com far deurla.

Ries hom, quan fay sas calendas Et sascorts et sas bevendas De toltas et de rezendas Fai son dos et sas esmendas Sas lums et sas offerendas

Et deraubaria; Et en guerras met sas rendas

Et en plaideria.

Ries hom mal, quan vol far festa Aujats cossi fai sa questa :

Tant bat la gent et entesta Tro que denier no lur resta; Que no y cal venir tempesta

Ni fam ni moria ; Puey fai cara moult honesta

Qui no'l conoissia.

Un pane ai dig de la gesta

Que dire volia; Mais tan gran massa n'y resta

Que fort paue embria.

Pierre Cardinal.