III. L'arrivée de son altesse roialle à Anvers

Le quattriesme de raay 1657 , son altesse roialle d'Espaigne arriva dans la ville d'Anvers ou elle fut receue avecq tous les honneurs deucs à sa qualité , la bourgeoisie estant sous les armes, et fut conduict avecq des flambeaux de cire blanche jusques à l'église cathédralle là où l'évesque et tout le clergé le receul avecq grand honneur et lors fut chanté le Te Deum , et le lendemain elle fut visiter le chasteau; en après messieurs les bourgetnaistres lui ont faict présent d'une somme de quattre vingt mille florins.

Audit temps , se sont débarequé quelques troupes angloiscs à Calais soub la conduite de Jean Reynolds , toutes gens de pied lesquels se montoient à six mille hommes effectifs pour servir d'infanterie à l'armée franchoise.