IV. Arrivé de tnadame Anne de Bourbon à Valentienne

Lundi, quinsiesme jour du mois d'apvril dudit an 1647 , arriva en la ville dé Valentienne environ les six heures et demie du soir, madame Anne de Bourbon, fille du prince de Coodé , eagée de vingl-huict ans , femme au sieur ducq de Longueville delà maison d'Orléans, laquelle venoit de Munster en Allemaigne , visiter son marit en qualité d'ambassadeur du Roi de France pour le traicté de la paix; fut receu honnorablement en Valentienne, on tira sept des meillieurs pièces de canons; les bourgeois avecq leur forts armes allèrent au devant d'icelle, conduictz par le sieur Jean de Pittepan, escuier seigneur de Montauban un des capitaines des bourgeois de la ville, et en oultre la compagnie de la garnison aux gaiges de laditte ville , alla aussi au devant d'icelle et ce hors la porte Montoise ; elle estoit dedans une lictière seulle portée par deux hommes; puis suivoit une compagnie de chevaux pour sa garde; pour la conduire hors du pais de sa maiesté catholicque. Elle logea à l'hostel de Vicoigne; messieurs du magistrat en corps l'allèrent saluer avecq offre des vins ordonné à telle prin*

cesse ; le lendemain matin , elle alla entendre la messe aux révérends pères Carmes , lesquelles avoient préparer la place de tapisserie et cousinées de parade au lieu ou elle se debvoit agenouiller; puis partit environ une heure a midi, prenant son chemin à la ville de Landrechies; les mesmes honneurs furent faictes à son départ comme à son arrivé par les bourgeois de la ville.