PIÈCE A

Voici les statuts des drapiers, tels qu'ils se trouvent dans le Regiatre ctcs métiers et marchandises, rédigé par ordre d'Etienne Boiieau (édition Depping). Noua les citons comme un exemple qui fera connaître uux lecteurs avec plus de détails que le texte du volume les règlements particuliers de Tune des professions les plus importantes au xui' siècle et la manière dont étaient corn* posés en général les statuts de toutes les corporations.

TITRE L. — Det toiaterant de lange.

Nus ne puet estre toisarrans de lange à Paris, s'il n*achate le mestier du roi. Et le vent de parle roi cil qui la coustume a achaté du roi, a Tun plus et a Tautre mains, selonc ce qui U semble bon.

Nus toissarans de lange ne autres ne puet ne ne doit avoir mestier de toissarrenderie dedenz la banliue de Paris, se il ne set le mestier faire de sa main, se il n'est filz de mestre.

Chascun toissarrans de lange de Paris puet avoir en son hostel ij mestiers lés et j estroit ; et hors de son ostel ne puet-il avoir nul, se il ne le veut ansi que uns est ranges les porroit avoir.

Chascun fils de mestre toissarrant de lange, tantcome il est en la garde de son père ou de sa mère, c'est a savoir que il n'est point de famé, ne n'eust onques eue, puet avoir ij mestiers larges et j estroit en la meson son père, se il sait faire le mestier de sa main ; ne ne sont pas tenu de paier gueit ne nule autre redevance, ne d'achater le mestier du roy, tant come il sont en ce point.

Chascuns toissarens de lenge puet avoir en sa meson j de ses frères, j de ses neveus ; et pour chascun de cens puet il avoir ij mestiers larges et j estroit en sa meson, pour que li frères ou li niés facent le mestier de sa main, et si tost qu'ils le leroient a fere, li mestres ne porroient pas tenir les mestiers. Ne ne sont pas tenu li frères ne li niés d'achater le mestier du roy, ne de gaitier, ne de taille paier, tant come il sont en la mainburnie leur frère ou leur oncle.

Li mestre toissarrans de lange ne puet pas par la reson de ses fllz males^ou de l'un de ses frères ou de l'un de ses neveus, avoir les mestiers desus diz hors de sa meson.

Nus toissarans de lange ne puet avoir les mestiers desus diz pour nului, se il ne sont si fil de leal espouse, ou ses frères ou ses niés nés de leal mariage ; quar pour le fil de sa famé, ou pour son frère ou pour son neveu, ne les puet il pas avoir, se il n*est ses fils ou ses frères, ne pour nul ame ne les puet-il lavoir se il n'est ses fuiz ou ses frères de par père ou de par mère, ou filz de son frère ou de sa seur, de leau mariage.

Ghascun toiserrant de lange puet avoir en sa meson j aprentiz sanz plus ; mes il ne le puet avoir a mains de iiij anz de service et à iiij Hvr.de parisis,ou a V anz de cervise et lx s. de parisis,ou a vj anz de cervise et a xx s. de parisîs, ou à vij anz sanz argent.

Li meslre toiserrant puet bien prendre son aprentiz a plus servise et a plus argent ; mes a mains ne les puet il pas prendre.

Li aprentiz puet rachater son servise s*il plest à son mestre, mes que il ait servi iiij anz. Mais li maitre ne li puet vendre ne quiter se il n'a sem iiij anz ne prendre autre aprentiz, ja fust chose que li aprentiz s'en fouist ou qu'il se mariast ou que il alast outre mer.

Li mestres toiserrant de lange ne puet avoir aprentiz tant que li iiij anz durent que ses autres aprentiz le doient servir, se cil aprentiz n'est morz ou s'il ne forjure le mestier a toujours. Mes sitôt comme il seroit morz, ou il auroit le mestier forjuré, li mestre pourroit prendre j autre aprentiz, tant seulement en la menniere desus devisée.

Se li aprentiz s'en va d'entour son mestre par sa folie ou par sa joliveté, il est tenuz de rendre et de restorer au mestre touz les couz et tous les doumages que il aura eu par sa defaute, ainz qu'il puist revenir au mestier entour cel mestre, ne autre, se li mestres ne lèvent quiter.

Se li aprentiz s'en va d'entour son mestre par la defaute de son meslre, il ou si ami doivent venir au mestres des toisserranz, et li doivent monstrer, et li mestres des toiserranz doit mander li mestres de l'aprentiz devant soi, et lui blaumer et dire il que il tiengne l'aprentiz honorablement come fîlzde preud'oume,de vestir et de chaucier, de boivre et de mangier et de toutes autres choses dedenz quinzainne. Et s'il ne fait, on querra a l'aprentiz j autre mestre-

Se li mestres des aprentiz ne le fait au conmandement du mestre des toisserranz, il doit prendre l'aprentiz et mestre le ailleurs ou il li semblera boen ; et doit fere donner deniers a raprentiz,se il les set gaaingnier. Et se li aprentiz est tieux qu*il ne sache gaaingnier deniers, li mestre des toisserranz li doit querre mestre au conmun du mestier, et le doit pourvoier.

Se li aprentiz se part d'entour son mestre par la defaute de son mestre dedenz le quart de l'an, li mestres li rent les iij parz de son argent; et se il s'en part dedenz demi an, li mestre li rent la moitié ; et se il s'en part que il n'ait a fere de son servise que le quart de Tan, li mestres ne li rent que le quart de son argent ; et se il a l'an entier esté entour son mestre^ et lors s'en part par la defaute du mestre, li mestre ne li rent point de son argent. Caria première année negaaingne il riens ; et iiij liv. ou c s. se il les a eu du sien, il les puet bien avoir despandu entour le mestre.

Si li mestres est si povres que il ne puist rendre a son aprentiz qui d'entour li s'en va par sa defaute,son argent en tout ou em partie, si comme il est dit desus, ou il muert ou il s'enfuit, li mestre du mestier li doit fere du coumun querre mestre souftisanment. Quar il est ordené en leur mestier que nus ne doit prendre aprentiz se ce n'est par le consuell du mestre et de ij des iiij jurez au mains.

Li mestre et li ij juré, ou li iij ou li iiij,se il sont a l'aprentiz prendre^ il doivent regarder se li mestres est souffisant d'avoir et de sens pour aprentiz pren-

dre. Et se li meslre et li juré voient que li mesti'es qui prent aprentiz n'est bien soufîsant d'avoir Taprentiz et tenir, il puent prendre bon plegerie et souOsant d'enterinner les couvenances envers Taprentiz, si que ii aprentiz ne perdent leur tans et son père ne perde son argent.

Quiconques est toissarans à Paris, ii puet teindre a sa meson de toutes coieurs, fors que de gaide, mes de gaide ne puet ii taindre fors que en ij mesons; quarla roine Blanche, qui Diexabsoille, olroia que li mestiers des toissarans peust avoir ij hostex es quex Ten peusl ovrer du meslier de tainturerie et de toissaranderie, et franchement sans estre tenus de nule redevance faire aus lainturiers, et que ycilz toissarans peussent avoir des ouvriers et des vallès tainturiers sans nule aliénée et sans nule banie. Et ensement li autre toissaran pueent avoir des vallès et des ouvriers as tainturiers pour taindre les autres coleurs devant dites.

Quant li toissarans tainturiers de gueide muert, li prevos de Paris par le conseil des mestres et des jurez des toissarans doivent mettre j autre toissarant en son leu, qui ait le nieesme pooir de taindre de gueide que li autres avoit. En leur mestier de toissaranderie ne puet on taindre de gueide fors que ij hostex, et cemeesmes leur otria la roine Blanche, si come il a esté dit par desus.

Nus toisserans ne puet avoir laine a tistre estanfort camelin que ele ne soit a xxij cens la laine plaine de vij quartiers de lé ; et se ele est plus estroile de vij quartiers de lé, il en paie v s. d'amende au roy et aus jurez ; des quex v s. li rois a ij s. vj den., et li juré j s. vj den. pour leur paine. £l se il le tist en mains de xxij<* la laine, il paie v s. d'amende. El se aucun a la laine devant dicte qui ait moins de vij quartiers- de lé, et mains de xxij^ la laine plaine, il est à X s. d'amende, moitié au roi, moitié aus jurés, pour la reson de leur jornées qu'il perdent pluseur fois en garder le mestier ; quar il n'i treuvent pas touzjours amendes.

Nus toisserans ne puet tistre à Paris camelins bruns ne blans se il n'est nays en laine, a mains de xx^, et de vij quartiers de lé. Et se laine est a mains de xx^, il est a V s., et se elle n*a vij quartiers de lé, il est a v s. ; et se laine n'a le lé, ne les xx^', il est a x s., des quex li rois a la moitié, etli mestre et li juré, pour leur paine et pour leur travail, l'autre.

Nus toisserens ne puet tistre a Paris draps plains, se il ne sunt nayf a mains de xvjc la laine plaine^ et de vij quartiers de lé, et v quartiers en poulie, seur l'amende devant dite.

Nus tisserans ne puet tistre camelins nays ne roiés nays a Paris, a mains de xvjc la laine plaine, et de vij quartiers de lé, seur l'amende devant dite.

L'en apele drap nayf, a Paris, le drap duquel la chaane et tisture est tout d'un.

Toutes laines, a quel que drap que elles soient, doivent estre de vij quartiers de lé au mains, seur l'amende devant dite, se on tist'ens.

Nus toissarrans, quelque drap qu'il tisse, ne doit lessier que xx ros wis que d'une part que d'autre, et se il en lesse plus de xx wis, il doit pour chascun ros xij den. d'amende,] tant n'en i aura de wis plus que les xx. Et de celé amende a li rois la moitié, et li mestres et li juré l'autre pour leur journées et pour leur paines.

Se aucun oevre est maagnée, c'est a savoir déroute, et cil a qui l'oevre est

474 LIVRE m

le fet savoir au tnestres et aus jurez, li mestres etli jurez li pueentdoner con* gié de tistre à plus de ros wis que xx, scîonc ce que il leur samble bon.

Nus ne puet, a Paris, mètre en oevre laine ne file taint en noir de chaudière, se il n'i a autre coleur desus, ne nule file blanc foillié, ne nule laine jaglolée, ne en chayine ne en teinture ; se ce ne sontchaynesà drasqui sonljaglolées, que il ne soit en v s. d'amende, moitié au roy, moitié aus mestres et aus jurés, soit toisserans ou autres.

Treme de pers pignié, treme de burnete pignée, treime de vert pignié, ne pueent estre tissues fors que en leur chaynes meesmes, c*est a savoir en chayne de celé meesme couleur qui ait été tainte en layne et pignié. Et se il le fet, il est a xx s. d'amende, se il ne le fet pour son vestir ; et se il ne le fet pour son vestir, pour sa famé ou pour sa mesniée, ou pour fere relaint, il doit les xx sols desus diz d'amende, et jurer seur sains, par devant le mestre et par devant les jurez, que il cel drap ne vendra a nule ame que il ne li die le mahaing devant dit sanz demande ; et se il vent le drap et il ne die le mahaing, ansi come il a juré, li mestre et li juré le doivent faire savoir au prevost de Paris, et li prevoz le doit punir selonc ce que il li samble raison. De ces xx s., a li rois la moitié, et li mestre et li juré l'autre pour leur paine et pour leur travail.

Nus ne puet mètre aignelins avec laine pour draper, et se il le fet, il est de chascune drapée en x s. d'amende : au roi la moitié, et aus mestres et aus jurés pour leur paine et pour leur travaus l'autre.

Tout drap doivent estre onni de laine, et ausi bons au chief come au mileu, et se il ne le sont, cilz à qui il sont est pourchascun drap en v s. d'amende, de quelque mestier que il soit : moitié tfu roy, et moitié aus mestres et aus jurez pour leur paine et pour leur travail.

Nus ne puet avoir drap espaulé, c'est a savoir drap desquel la chayne ne fust ausi bone en milieu come aus lisières, que il ne soit en xx s. d'amende, moitié au roi, et moitié au mestre et aus jurez, ou que li mestres et li juré le puissent trouver, ou as polies ou ailleurs.

Li mestre et li juré doivent le drap espaulé faire aporter en Chateleit quand il Tout trouvé, et illuec doit estre le drap copé en v pièces, chascune pièce de aunes, se tant en y a en drap. Et illuec li mestres et li juré rendent a celui qui le drap estoit ses pièces, par le conmandemant au prévost, par paiant les XX s. d'amende desus diz. Et doivent 11 mestre et li juré prendre le serement de celui qui les pièces de drap sont devant dites, que il cel drap ne rasamblera enule manière, ne qu'il les pièces ne vaudra a nule ame que il ne li die le mahaing qui dedenz le drap estoit; et se ilnele feit,li mestre et li juré le doivent feire savoir au prevost de Paris, etli prevoz le doit punir très griement selonc que il li plera.

Nus toissarens ne nus tainturiers ne nus foulons ne doivent mètre fueur en leur mestiers par nule aliance, par laquelle cil qui afere auront de leur mestier ne puissent avoir de leur mestier pour si petit pris come il porront, et que cil meesmes qui de ces mestiers desus diz sont ne puissent de leur mestiers faire si bon marchié come il vaudront. Et se aucun des mestiers desus diz feisoient en leurmestier aucune aliance, li mestre et li juré le feroient savoir au prevost de Paris, et li prevoz defferoit leur aliances et en prendroît amende selonc ce qu'il li sembleroit que bien fust.

Nus toisserans qui voist eâ foires de Champaigne ne doit vendre drap de Saint-Denis ne de. Laigni ne d'ailleurs, mellé avec les dras de Paris, ne a Saint-Denis mcismes, ne en la haie que li tisserrant de Paris ont assise es haies de Paris. Et se il y estoit trouvé, il seroit leur perdus et les auroient les joustices des leuz, c'est à savoir : a Paris li rois, a Saint-Denis li abbés, et ailleurs la joustice du leu.

Nus tissarrant ne doit soufrir entour lui, ne entour autre du mestier, larron, ne murtrier, ne boulier qui tiegne sa mescbine au chans ne àPostel. Et se il li a aucun tel sergent en Ja vile, li mestre et li vallès qui tel sergent çaura, le doit fere savoir au mestre et aus jurés du mestier; et li ipestre et li juré le doivent faire savoir au prevost de Paris, et li prevoz de Paris leur doit fere vuidier la vile, se il li plaist. Mes il ne troverroit qu'il le meist en oevre se il ne s'estoit chatoiez de sa folie.

Quiconques est toiserans à Paris, se il & estai es haies pour vendre ses dras, il doit chascun an de chascun estai v s. de halage, a paier au roy : a la mi-quaresme ij s. et demi, et ij s. et demi a la Saint-Remi, et a chascun samedi obole de coustume de chascun estal,et vj s. de la huche, a payer a la foire Saint-Ladre ainsque foire soit faillie ; et par ces vj s., sont il quite de la obole devant dite et del tonliu de leur dras qu'il vendent ou qu'il achatent tant corne la foire dure. Et est à savoir que chascun de leur estauz ne doit tenir que v quartiers de lonc, ne plus ne doivent il de halage ne de huge ne de mailles, ja tant de persones n'i aura a i estai.

Nus toisserantne doit, de drap que il vende a détail, noiant de tonlieu.

Chascun toisserant doit de chascun drap qu'il vend es haies entier, vj den. de tonliu. Et autant en doit li achateur s'il n'achate pour son user.

Chascun toisserant doit, de chascun drap entier qu'il vent seur semaine en son ostel, se il demeure en la terre lou roy, ij den.du drap, de tonlieu, et autant en doit li achelercs, se il n'achate pour son user, hors mise la semeine Tevesque, en la quele chascun tofsserant, en quelque leu qu'il vende, en son hostel, es haies ou ailleurs, doit vj den.de chascun drap, de tonlieu ; et autant li en doit cil qui achate, s'il ne Taçhate pour son user. Ce tonlieu devant dit n'est pas tenus li vendeur de recevoir ne de demander a l'achateur, se il ne leur plaist ; ne le sien meesme ne doit il paier, se on ne leur demande, ne amende nule n'en doivent de fourceler en autrui terre, que en la terre lou roy. Doivent li toisserranl leur tonlieu, en l'une terre plus et en l'autre mains, selonc ce que il i ont acoustumé, des dras qu'ils vendent en leur hosteus seur semeine.

Nus ne doit de drap que il vende, en quel que lieu que il vende, en son hostel, es haies ou ailleurs^ que les tonlieus desus devisez, de quelque couleur et de quelque lieu que li dras soit, e vende ou achate.

Chascun loisserrant doit de chascuns sis treçons de file qu'il achate ou marchié de Paris ou ailleurs, en la terre lou roy, j den. de tonlieu ; et se il 1 e vent, il en doit autant. El se il l'achate en autrui terre, il doivent le tonlieu, selonc les coustumes des terres.

Et se autre que toisserant, soit famé ou hom, vent file ou achate, il doit xviij d. obole, et de mains noient ; et conbienque li filez couste plus desi aix livr. pesant, ne doit il que obole, quar les ix liv. ne doivent que obole. Et se il poise ix livr., et il i ait xix denrées de file outre, si doit il j den. ; et s'il poise

476 LIVRE m

ix Ijvr. et il n'i avoit que xvij denrées de file outre,s'il ne doit il que obole. £t ensi du plus plus, et du mains mains, de ix livr. en ix livr.

Nus toisserrans ne puet mètre nul gart en oevre, c'est a savoir file gardeus et laine jardeuse ; et si Vi met, que il ne soit a v s. d^amende, pour que on le puist apercevoir en pluseurs lius apertemeut ; desquex v s. li rois a la moitié, et U juré l'autre moitié.

Li vallès toisserans doivent venir a leur oevres au point et à Teure que ii autre menestereil i vont, c'est à savoir charpentier ot maçon.

Li gais des toisserrans est au mestre et as toisserans par xx s. de parisis, que li mestres des toisserans paie toutes les nuiz que leur gais siet, au roy,et X s.de parisis a ceus qui le reçoivent. pour leurs gages,et pour les gages aus gaites de petit pont et de grand pont, et pour lx homes que il livrent toutes les nuiz, gaitant que leur gais afiert.

Li mestre du mestier des toisserans doit semondre le gait quil que il soit et en est sergens lou roy de ce service faire, et le doit faire bien et loiaument par son serement.

Nus toisserrans ne doit gait qui lx ans a passé, ne cil à qui sa famé gisd'anfant, et de ce se doivent il fere creableau mestre de leur mestier qui semont le gait de par lou roy.

Li vallès toisserrans doivent lessier oevre de tistre sitost que le premier cop de vespres sera sones, en quelque parroise que il oevre ; mes il doivent ploier leur oevres puis ces vespres.

Nus toisserrans ne puet vendre dras a Paris en gros, se il ne les vent par aunes.

Toutes les amendes desus dites doivent e&tre paiées au prevost de Paris, ou a son conmendement, et de la main au prevost, ou de son conmendement, doivent avoir li mestre juré la moitié pour leur paines, si come eles sont devisées par desus.