LETTRE DU MINISTRE DUMONT A COLLADON, PASTEUR A GENÈVE

Monsieur et frère, ayant cougneu la bonne volonté tant de foys que me portez, je vous requiers me faire ce bien que d'estre advocat pour nous en l'affaire duquel vous escripvons à tous en gênerai, qui est de nous envoier s'il est possible quelque homme tel que cougnoistrez estre non seulement pour prescher, mais aussi pour faire lectures et ferez un bien inestimable pour ceste pauvre province en laquelle n'y a point de pasteur. Car bon nombre de jeunes gens par ce moien prendront la charge du ministère lesquels diminuent à faulte d'avoir quelqu'un pour faire lectures. Vous savez qu'il me seroit impossible de ce faire estant tout seul, joinct mon insuffisance. Toutesfois je m'efforcerois d'en faire mon devoir, si j'estois secouru , vous assurant que celluy qui viendra sera le bien venu et en lieu d'un fort bon air, s'il y en a en France. Je dicts cecy d'autant qu'on nous a advertis que Monsieur Viret desiroit bien trouver quelque heu salubre. Ce que n'ay voulu escripre en gênerai, n'estant pas assuré de la vérité. Vous priant, si ainsi est, l'assurer qu'il ne sauroit estre mieux en France pour sa santé , et si vous y aydiez , nous serions tenus et obligez de plus en plus a vous faire service la ou le moyen s'offriroit , comme je croys que vous en assurez. Qui sera fin , priant Dieu vous maintenir en sa paix et grâce. D'Angoulesme , ce 26 novembre 1561.

Je vous supplie , saluez en mon nom monsieur L'Advocat votre oncle , et madame votre mère.

Voustre tres-humble serviteur et frère ,

Dumont.

A monsieur et frère monsieur Colladon , ministre.

Cette lettrée se trouve dans le n" 197 des manuscrits de la Bibliothèque de Genève , qui a pour titre : Lettres diverses à Coliadon. Lettres diverses à divers.

LETTRE DE CALVIN A LA REINE DE NAVARRE. Madame ,

Ce ne sera pas sans grand regret que nous soions encore prives pour quelque temps de la présence de mon frère, monsieur de Beze. Car l'Eglise y a dommaige et les escolliers qui sont icy pour profiter en théologie sont recules d'autant pource que je ne puis satisfaire a tout. Or puisqu'il fault qu'ainsy soit, je prieray Dieu, madame, que le fruict qui reviendra de son labeur pour l'avancement du règne de Jesus-Christ nous soit comme recompense pour nous esiouyr ou alléger en partie nostre mal Cependant nous avons de quoy bénir Dieu de ce qu'il besogne si vertueusement en vous, madame , et vous faict surmonter tout ce qui pourroit divertir du bon chemin. Il seroit bien a désirer que le Roy vostre mary print pour un g bon coup telle resolution que ce ne fust plus pour nager entre deux eaux

Il y a ung certain rustre que le Roy vostre mary a faict magister de son bastard, lequel estant ung apostat et traistre a Dieu et a la religion a desgorge par ung livre imprime contre rnoy toutes les injures qu'il a peu forger. . .

24 décembre 1564.

Vostre tres-humble serviteur, Charles Despeville.

Lettres de Calvin, no 108 des manuscrits de la Bibliothèque de Genève. Ruchat, lom. vu , p. 389.