Inventaire des munitions de la Ville
Loches, 1564.
Ghappitre des meubles receuz par ledict Pillet comptable, dudict Guerin, son prochain prédécesseur, procureur et receveur de la dicte ville, contenuz par led. inventaire desd. Roux et Moreau notaires.
Et premièrement, quarante six seaulx de cuir bouilly (1), dont y en a ung qui a l'ancze rompue.
Ving't six harquebuttes a crocq, montées hormis six, et l'une des dictes rompue, qui fut rompue a l'entrée du feu Roy (2), ainsi que a dict ledict Guerin.
Six faulconneaulx, montez sur roues.
Six hallebardes, et a dict le dict Guerin qu'il en fat rompu une quand les garnisons estoient aud. Loches.
Vingt-cinq picques, garnies et ferrées, hormis deux qui ne sont ferrées, desquelles y en a deux cassées par les boutz.
(1) Ces seaux avaient été achetés « pour les dangiers et inconveniens du feu qui pourroyt advenir en lad. ville et fauixbourgs » {Loches, compte 1516-1.519).
(2) Voir p. 24.
Item, vingt ung' garrotz, dont y en a treize ferrez et les aultres déferrez, et a dict le dict Guerin qu'il en a esté desrobbé quatre.
Troys crochetz de fer sans manches, de chacun troys crochons.
Cinq vieilles brig'andines, telles quelles.
Quatre pieczes de halleroetz.
Deux chaizes de boys chesne.
Deux escabelles aussi de boys chesne.
Item, un g-rand coffre de boy chesne, faict a paneaulx.
Soixante huict g'arrotz, qui sont ferrez, hormis unze qui sont déferrez.
Quatre cens quatre ving-ts deux bouletz de faulconneau, et a declairé le dict Guerin qu'il en a esté employé a la venue de feu Roy Francoys, dernier deceddé, trente deux, a tirer artilleries et pour les gens d'armes.
Six vingtz dix plombées a harquebutte a croc, el a pareillement declairé ledict Guerin qu'il en fut employé a la dicte venue du Roy soixante dix a tirer harquebuttes.
Quatorze petitees plombées, et a declairé ledict Guerin que a la dicte venue du Roy en fut employé seize.
Troys moules de cuyvre, dont y en a deux a faulconneau et ung- a harquebutte a croc.
Une eschelle de boys carré.
Quatre scelles de boys a se seoir, estans en la tour (1).
Une cacque plaine de pouldre de canon, ung- doué moing's.
Item, ung- quart ouquel y a pareillement de la pouldre a canon, quatre doigds moins qu'il soit plain.
Item, ung' petit verjustier, auquel y a quelque peu de pouldre a canon, environ de quatre doigds, et a dict le dict Guerin que le surplus qui estoit audict verjustier et aultres pouldres ont esté employées a la venue du dict Roy Francoys, dernier deceddé, et pour le faict desdictz gens d'armes.
Deux quarts, aultrement appeliez verjustiers, et une
(I) Probablement la tour dite des Poudres, donl il sera parlé plus loin.
boiste ou boisseau, fonssez des deux coustez, et ung" petit vaisseau faict en faczon de sallouer, ou est l'esmorche affinée, esqueulx deux quarts ou verjustiers y a de la pouldre, et sont plains, horsnnis l'ung- dont s'en fault demy pied troys doigts, et l'aultre ung- doué. Et audict petit vaisseau en forme de sallouer y en a quelque peu, environ de ung ou deux doigds, et ledict boisseau est plain s'en fault ung doué.
Ung buffet de boys chesne, faict a fenestre.
Cinq chergouers de harquebutte.
Troys grands potz, en faconde tiercyeres,d'estain,tcnans environ chacun deux pintes de vin.
Ensuivent les meubles qui défaillent du dict Inventaire baillé par ledict Guerin audict Pillet, comptable, mentionnez par ledict inventaire desdictz Roux et Moreau.
Huict seaulx de cuyr bouilly.
Quatre harquebuzesa crocq.
Deux hallebardes.
Dix-buict picques.
Douze g-arrotz.
Une vieille brigandine.
Troys halleretz.
De tous lesqueulx meubles cy dessus declairez en ce présent article, qui défaillent, ledict Pillet comptable neantmoings demande et requiert estre deschargé, par ce qu'ilz ont este adirez et perduz es premiers troubles, qui furent en Tannée mil cinq cens soixante deux, fors lesd. huicl seaulx de cuyr, qui ont esté perduz pour avoir estéprins et baillez par les eschevins dudict Loches, ou aulcuns d'eulx, pour subvenir et secouryr aux manans et habitans des villes et forsbourgs dudict Loches, ou aulcuns d'eulx, pour la fortune et accident de feu, et mesmement en la maison du Mynaige dudict Loches et aultres maisons ; et lesqueulx aultres meubles que les dictz seauk furent baillés aux seigneurs de Ghanceaulx et de la Menardiere pendant lesdictz premiers troubles de ladicte année mil cinq cens soixante deux, et lors que les seigneurs do Grandmont et de Duras et leurs trouppes vindrent audict Loches, qui futlemardy deuxiesme jour juing- mil cinq cens soixante deux, de
326 LOCHES AU XVr SIÈCLE
peur que lesdictz meubles el munitions de guerre mentionnées par icclluy inventaire, fussent prinses et emportées ou faict praindre et emporter par lesdictz seigneurs de Grandmont et de Duras et leurs trouppes, qui marchoient pour lors contre le Roy soubz la charge et auctorité du prince de Gondc ; ouquel temps led. Pillet estoit mallade, et furent les dictes choses baillées et délivrées ausdictz seigneurs de Chanceaulx et de la Menardiere, qui s'en chargèrent par forme de garde ; ainsi que du tout appert par l'assemblée de ladicte ville, tenue ledict jour de mardy, deuxiesme de juing mil cinq cens soixante deux, en l'absence dudict Pillet, lors mallade comme dict est ; pour tous lesqueulx meubles qui défaillent retrouver, ensemble aultres munitions mises ou chasteau du dict Loches en icelle année mil cinq cens soixante deux, tant de guerre que de vivres et aultres choses qui appartenoient a la dicte ville, le dictPillet auroit obtenu monitoire et icelluy faict publier es parroisses de J^oches et ou chasteau (i) dudict lieu, pour avoir révélation de ceulx qui les avoient destournees ou qui en scauroient aulcune chose, ainsi qu'il appert par ledict monitoire, dacté du vingtiesme de febvrier mil v'= soixante troys, auquel monitoire personne n'est venu a révélation, aux publications qui en ont esté faictes es églises de Sainct Ours et du chasteau.
(Loches, compte Pillet 1561-1564.)
